ەلوردادا قازاقستان ۇلتتىق وليمپيادالىق كوميتەتىنىڭ پرەزيدەنتى تيمۋر ق ۇلىباەۆ پەن World Athletics باسشىسى سەباستيان كوە كەزدەستى. بۇل تۋرالى Olympic.kz حابارلادى.
ەلورداعا تانىمال سپورت فۋنكتسيونەرى, 1980 جىلعى ماسكەۋ جانە 1984 جىلعى لوس-اندجەلەس وليمپياداسىنىڭ جەڭىمپازى سەباستيان كوە ەكى كۇندىك ىسساپارمەن كەلدى. نۇر-سۇلتانعا ساپارى بارىسىندا ول بىرنەشە ءىس-شاراعا قاتىستى.
قازاقستان ۇوك پەن World Athletics باسشىسىنىڭ كەزدەسۋىندە وتاندىق جەڭىل اتلەتيكانىڭ دامۋ بارىسى جانە 2020 جىلعى وليمپيادا ويىندارىنا دايىندىق كەزەڭى تالقىلاندى. سونداي-اق جەڭىل اتلەتيكالىق نىسان قۇرىلىسى مەن جاتتىقتىرۋشىلار قۇرامىنىڭ بىلىكتىلىگىن ارتتىرۋ جونىندەگى ماسەلەلەر تالقىلاندى. كەزدەسۋ بارىسىندا سەباستيان كوە قازاقستاننىڭ ورتالىق ازيا ايماعىنداعى ماڭىزدى رولگە يە ەكەنىن تاعى ءبىر اتاپ ءوتتى.
ء«سىزدى قازاقستاندا كورگەنىمىزگە قۋانىشتىمىز. ءسىزدىڭ ەلورداعا جاساعان ساپارىڭىز ارىپتەستىكتى نىعايتىپ قانا قويماي, ەلىمىزدەگى جەڭىل اتلەتيكانىڭ دامۋىنا ەرەكشە اسەر ەتەدى. قازاقستان سپورتىندا جەڭىل اتلەتيكانىڭ الار ورنى بولەك. سوڭعى التى وليمپيادا ويىندارىندا ءبىزدىڭ اتلەتتەر بىرنەشە رەت جەڭىس تۇعىرىنا كوتەرىلدى. ەكى رەت ءبىرىنشى ورىننان كورىندى. سونىمەن قاتار كوماندا مۇشەلەرى الەم چەمپيوناتتارىندا كوزگە ءتۇسىپ ءجۇر. ءبىز جەڭىل اتلەتيكا ارداگەرلەرى سالىپ وتكەن سارا جولدى جالعاستىرىپ كەلەمىز. 2020 جىلعى توكيو وليمپياداسىنا سپورتشىلارىمىز جولداما الىپ ۇلگەردى. الداعى ىرىكتەۋ تۋرنيرلەرىندە ليتسەنزيا سانىن كوبەيتە ءتۇسۋدى كوزدەپ وتىرمىز. بىزگە قولداۋ كورسەتىپ, قازاقستاندى ورتالىق ازياداعى كوشباسشىلار قاتارىنا قوسقانىڭىز ءۇشىن العىسىمىز شەكسىز», - دەدى تيمۋر ق ۇلىباەۆ.
World Athletics پرەزيدەنتى سەباستيان كوە قازاقستاننىڭ قۇرلىقتىق جانە الەمدىك جارىستاردى قابىلداۋعا الەۋەتى جەتەتىنىن ايتتى. ول رەزەرۆتەگى سپورتشىلاردىڭ شەبەرلىكتەرىن ارتتىرۋ ءۇشىن جاعداي جاسالعانىنا ەرەكشە ءمان بەردى. ەكى كۇن ىشىندە سەباستيان كوە وقۋشىلار سارايىنداعى جەڭىل اتلەتيكا مانەجىنە بارىپ, تۇڭعىش پرەزيدەنت كۇنىنە وراي ۇيىمداستىرىلعان «Altay Kids Cup III» بالالار ءتۋرنيرىنىڭ قاتىسۋشىلارىن ماراپاتتادى.
سونداي-اق World Athletics باسشىسى «بارىس-ارەنا» مۇز سارايىن ارالاپ, جاڭادان سالىنىپ جاتقان «جابىق جەڭىل اتلەتيكا كەشەنىنىڭ» قۇرىلىسىمەن تانىستى. مارتەبەلى قوناققا الماتى وبلىسىندا ورنالاسقان «اق بۇلاق» زاماناۋي سپورت بازاسى دا تانىستىرىلدى.
ساپار سوڭىندا سەباستيان كوە ەلىمىزدەگى زاماناۋي ينفراقۇرىلىمدى جوعارى باعالادى.
ايتا كەتەلىك, قازاقستان ۇوك جانە World Athletics باسشىلارى حالىقارالىق وليمپيادا كوميتەتىنىڭ قوعاممەن بايلانىس جانە سپورت ارقىلى الەۋمەتتىك دامۋ كوميسسياسىنىڭ مۇشەلەرى.