بورالداي ساق قورعاندارى

سودان بەرى  جىل سايىن وسى  كۇنى الەم بويىنشا وسى سالادا ەڭبەك ەتىپ جۇرگەن ساۋلەتشىلەر, عالىمدار مەن تاريحي ەسكەرتكىشتەردى قالپىنا كەلتىرۋشىلەر, مادەنيەت سالاسىنىڭ قىزمەتكەرلەرى اتالعان مەرەكە ارقى­لى ەسكەرتكىشتەردى ساقتاۋعا قو­عام نازارىن اۋدارتىپ كەلەدى.

جۋىردا وسى ايتۋلى كۇنگە وراي الماتى قالالىق مادەنيەت باس­قارماسى مەن الماتى قالاسى مۋزەيلەر بىرلەستىگىنىڭ باستاماسىمەن «بورالداي ساق قورعاندارى» ار­حەول­وگيالىق پاركى اۋماعىندا «بورالداي – تاريح كۋاگەرى» ات­تى تاريحي-تانىمدىق, مادەني-سپورت­تىق ءىس-شارا ءوتتى.

تۋعان جەر مەن تۋعان تابيعاتتى ايالاپ, تامىرى تەرەڭ تاريحىمىزدى ناسيحاتتاۋعا ارنالعان بۇل ءدۇبىرلى مەرەكەگە الماتى قالاسىنداعى ما­­دەني مەكەمەلەر مەن قوعامدىق ۇيىم­­دار وكىلدەرى, جوعارى جانە ار­ناۋلى ورتا وقۋ ورىندارىنىڭ ستۋدەنتتەرى مەن الاتاۋ اۋدانى مەكتەپتەرىنىڭ وقۋشىلارى قاتىستى.

بورالداي ساق قورعاندارى – الماتى قالاسى بويىنشا جال­پى­ۇلتتىق قاسيەتتى نىساندار تىزىمىنە ەن­گەن 6 ەسكەرتكىشتىڭ ءبىرى. بيىل ار­حەولوگيالىق پارك اۋماعىنان «ساق مادەنيەتى ورتالىعىنىڭ» قۇ­رى­لىسى باستالادى دەپ جوسپارلاپ وتىرمىز. ۇلان-عايىر دالانى مەكەن ەتكەن بابالارىمىزدىڭ تۇر­مىس-تىرشىلىگىنەن سىر شەرتەتىن بۇل بىرەگەي نىسان – ەلباسى ن.ءا.نازار­باەۆتىڭ قولداۋىمەن ءجىتى باقى­لاۋىمەن ىسكە اسىپ وتىر­عان جوبا. قازىر بۇل نىساننىڭ جوبالاۋ-سمە­تالىق قۇجاتتاماسى دايىندالىپ, مەملەكەتتىك ساراپتامادان ءوتتى. ەن­دى از ۋاقىتتا قۇرىلىس جۇ­مىس­تا­رى باستالماق», – دەپ اتاپ ءوتتى مەرە­كەنىڭ اشىلۋ سالتاناتىن­دا ءسوز العان الماتى قالالىق مادەنيەت باسقارماسى تاريحي-مادەني مۇرا ءبو­لىمىنىڭ جەتەكشىسى نازەركە كاكي­جانوۆا.

نازەركە امانبايقىزىنىڭ ايتۋىنشا, بۇل قۇرىلىس «رايىمبەك باتىر مەموريالدىق كەشەنى» مەن روزىباكيەۆ پەن شتراۋس  كوشەلەرى قيىلىسىنداعى ساق قورعانىن مۋزەەفيكاتسيالاۋ جوبالارىمەن بىرگە الماتى قالاسىنىڭ اكىمدىگىنىڭ باس­تاماسىمەن ىسكە اسى­رىلاتىن دراي­ۆەرلىك جوبالار تىزى­مىنە ەندى.

مەرەكەلىك شارا «الاتاۋ» ءداس­تۇر­لى ونەر تەاترىنىڭ ءانشى­سى ساۋ­لەجان تاقزيانىڭ ورىنداۋىن­داعى تۇر­سىنعازى راحيموۆتىڭ «قازاعىم-اي» انىمەن اشىلدى. ءىس-شارا بارىسىندا قوناقتار الماتى قالاسى اۋماعىنداعى ەسكەرتكىشتەر تۋرالى تولىق ماعلۇمات الىپ, قى­زىقتى ۆيكتوريناعا قاتىستى. تۋعان ولكە, تۋعان قالامىزدىڭ تا­ريحىنان قو­يىل­عان سۇراقتارعا الاتاۋ اۋدانىندا ورنالاسقان №26, 156, 180 جالپى ءبىلىم بەرەتىن مەكتەپتەردىڭ, №150 ر.حامراەۆ اتىنداعى ۇيعىر ورتا مەكتەبىنىڭ جانە №152 مەكتەپ-گيم­نازياسىنىڭ وقۋشىلارى ناقتى ءارى تولىق جاۋاپ بەرىپ, ەستەلىك سىي­­لىقتار مەن العىس حاتتارعا يە بولدى.

«الاتاۋ» ءداستۇرلى ونەر تەا­ترى­نىڭ «الاتاۋ سەرىلەرى» توبى, №156 جالپى ءبىلىم بەرەتىن مەكتەپ­تىڭ «اۋەن» توبى سىندى ونەر مايتال­مان­­دارىنىڭ مەرەكەلىك اندەرى مەن مىڭ بۇرالعان «شەينان» توبىنىڭ اسەم بيلەرى ەشكىمدى دە بەيجاي قال­دىرماعانى انىق.

وسى كەزدە مەرەكەلىك الاڭنىڭ كەلەسى ءبىر بۇرىشىندا سپورتتىق جا­رىس­تار قىزىپ جاتتى. كىر كوتەرۋ, ار­قان تارتۋ, قول كۇرەسىنەن جۇزدەن جۇيرىك, مىڭنان تۇلپار جىگىتتەر لايىقتى ماراپات پەن كورەرمەن ىقىلاسىنا بولەندى.

ەلباسى ن.نازارباەۆتىڭ « ۇلى دالانىڭ جەتى قىرى» ماقالاسىندا كورسەتىلگەن «اتقا ءمىنۋ مادەنيەتى» تۋرالى دا ۇيىمداستىرۋشىلار كەشەندى ساباق وتكىزدى. ات ەرتتەۋ, ات ابزەلدەرى تۋرالى شەبەرلىك ساعا­تىن وتكىزگەن الماتى مۋزەيىنىڭ اعا عى­لىمي قىزمەتكەرى المات نۇر­عاليەۆ جاستارعا مول ماعلۇمات بەردى. اۋىزدىعىمەن الىسقان تۇل­پار­لارعا ءمىنىپ, شاشاسىنا شاڭ جۇق­تىر­مايتىن دۇلدۇلدەردىڭ جالىنا جابىسقان شاباندوزدارعا ۇقساپ باققان جاس­وسپىرىمدەر اياعىن ۇزەڭگىگە سالىپ, وزدە­رىن كەشەگىنىڭ باتىرلارىنشا سەزىندى.

ال ارنايى ورناتىلعان قازان-وشاق باسىندا الماتى مۋزەيىنىڭ قىزمەتكەرلەرى  باۋىرساق ءپىسىرىپ جاتتى.  سول بويدا قىز-جىگىتتەر كەل­­گەن قو­ناق­تارعا بۋى بۇرقىراعان  باۋىر­ساق ۇسىندى.

شارا شىمىلدىعى جابىلار ساتتە ارحەولوگيالىق پارك اۋماعىندا جاسىل جەلەك كوشەتتەر ەگىلدى. 150 جاس تال ەجەلگى ساق قورعاندارى اۋماعىندا جايقالىپ تۇردى.

«الماتى قالاسى تابيعي رەسۋرس­تار جانە تابيعاتتى پايدالانۋدى رەتتەۋ  باسقارماسىنىڭ, Nur Otan پارتياسى الماتى قالالىق بولىم­شەسى, Jas Otan جاستار قانا­تى الماتى قالاسى بولىمشەسى, الا­تاۋ اۋدانىنىڭ اكىمدىگى مەن وسى اۋدان­دا ورنالاسقان ورتا مەكتەپتەر, كوللەدجدەر مەن جوعارى وقۋ ورىن­دارى  كومەگىمەن اتقارىلعان بۇل ءىس-شارا ەلىمىزدەگى بارلىق تاريحي ەسكەرتكىشتەرى ماڭىندا اتقا­رىلاتىن  يگى باستاما بولسا نۇر ۇستىنە نۇر بولارى ءسوزسىز! جانە وسىن­د­اي كوگالداندىرۋ, اباتتاندىرۋ شارالارىن جۇرگىزۋگە بارشا قازاق­ستاندىق ارىپتەستەرىمىزدى, جاستاردى شاقىرامىز!», دەدى مەرەكەنى قورىتىندىلاعان «الماتى قالاسى مۋزەيلەر بىرلەستىگى» كمقك ديرەكتورى سەرجان ساروۆ.

ءيا, وتكەنىمىزدەن سىر شەرتىپ, بۇگىنگە دەيىن جەتكەن ەسكەرتكىشتەردى قورعاۋ مەن ساقتاۋ, ناسيحات­تاۋ ءاربىر ازا­ماتتىڭ ەلىنە, تۋعان جەرىنە دەگەن جانا­شىرلىعى, مادەني مۇرالارعا دەگەن قامقورلىعى بول­ماق.