جاپونيا پەن سينگاپۋردان كەم ەمەس: الماتىداعى ارنايى مەكتەپتىڭ ونەرلى ورەندەرى كوپتى ءتانتى ەتتى

№2 مەكتەپ-ينتەرناتتىڭ الپىس بەس جىلدان استام تاريحى بار. مۇندا تىرەك-قيمىلىندا بۇزىلىسى بار بالالار ءبىلىم الادى. قازىرگى كەزدە 171 بالا مەكتەپتە, 208 وقۋشى ۇيدەن وقىتىلادى. مەكتەپ ديرەكتورى, تاجىريبەلى ۇستاز باقىتگۇل ەرمەكوۆانىڭ ايتۋىنشا, ءبىلىم ورداسىندا ساپالى ءبىلىم بەرۋمەن قاتار, تاريحي, رۋحاني قۇندىلىقتاردى ناسيحاتتاپ, بالالاردى تاعىلىمدى ىستەرگە باۋلۋدا مازمۇندى مادەني شارالار ءجيى ءوتىپ تۇرادى.

مەرەكە كۇنىنە ورايلاستىرىپ وتىرعان بۇل مەرەكەلىك كەشتىڭ ورنى بولەك. ەل قورعانى بولعان باتىرلاردى ەسكە الىپ, وتان قورعاۋدا قىراعى كۇزەتتە تۇرعان ساربازدار ءىسىن جاس ۇرپاق اراسىندا ناسيحاتتاۋدى ماقسات ەتكەن سالتاناتتى شاراعا مەكتەپ-ينتەرناتتىڭ ارداگەر-ۇستازدارى شاقىرىلىپ, قۇرمەت كورسەتىلدى. سونىمەن قاتار ءبىلىم ورداسىنىڭ قامقورشىلىق كەڭەسىنىڭ مۇشەلەرى, دەمەۋشىلەر مەن مەكتەپ تۇلەكتەرى قاتىستى.

مەكتەپتەردە وقۋشىلارعا سمارتفون قولدانۋعا تىيىم سالىنۋى مۇمكىن

مەرەكەلىك كەشتە ارنايى جانە ينكليۋزيۆتى ءبىلىم بەرۋدى دامىتۋدىڭ ۇلتتىق عىلىمي-پراكتيكالىق ورتالىعىنىڭ باس عىلىمي قىزمەتكەرى, فيلولوگيا عىلىمدارىنىڭ كانديداتى, «ازامات الەۋەتى» قق پرەزيدەنتى ا. سەيسەنوۆا, مەكتەپ-ينتەرنات ارداگەرلەرى ي.ۆ. ۋتروبين, ق. نۇرعوجاەۆا, قازاق فۋتبولىنىڭ ارداگەرى, الماتى فۋتبول فەدەراتسياسىنىڭ پرەزيدەنتى ا.ف. مەحتيەۆ, DHL كومپانياسىنىڭ باس ديرەكتورى ە.ر. باگداشكين, مەكتەپ تۇلەگى,  جۇزۋدەن جانە ۇستەل تەننيسىنەن حالىقارالىق دارەجەدەگى سپورت شەبەرى, پاراليمپيادالىق سپورتشى جانە جاتتىقتىرۋشى ا. ورازبەك, «قازاقستان حالقىنا» قورىنىڭ ستيپەندياتى, حالىقارالىق ينجەنەرلىك-تەحنيكالىق ۋنيۆەرسيتەتىنىڭ 2 كۋرس ستۋدەنتى ر. ستەپانەتس, سونىمەن بىرگە ق. ابدۋللاەۆتىڭ «اكنيەت» قورى, «Simax Solution» كومپانياسىنىڭ وكىلدەرى ءسوز سويلەپ, مەكتەپ تاريحى, تاربيەلەنۋشىلەردىڭ بۇگىنگى ءبىلىم بەلەسىندەگى جەتىستىگى تۋرالى تولعانىستارىن جەتكىزدى.

مەرەكەلىك كەشتە مەكتەپ شەجىرەسى تۋرالى فيلم كورسەتىلىپ, وقۋشىلاردىڭ قولونەر كورمەسى ءوتتى. اسەرلى كەش كونتسەرتتىك باعدارلامامەن جالعاسىپ, حالىقارالىق, رەسپۋبليكالىق, قالالىق بايقاۋلاردىڭ جەڭىمپازدارى, 8-10-سىنىپ وقۋشىلارى ا. اميروۆا, ا. ورازباي ء«ان سال,ساربازىم» انىمەن, مەكتەپتىڭ «جاۋقازىن» ءامسامبلى, 5-سىنىپ وقۋشىلارىنىڭ ۇرمەلى اسپاپتار وركەسترى قاتىسۋشىلاردى ءوز ونەرلەرىمەن ءتانتى ەتتى. سونداي-اق ءانشى ا. تاشىمبەتوۆ, №12881 اسكەري ءبولىمنىڭ ساربازدارى – كاپيتان ا. شىرىنبەك, كىشى سەرجانت ءا. ىنتىقباەۆ, ەفرەيتور ك. قويشىباەۆا قاتىسۋشىلارعا مەرەكەلىك كوڭىل-كۇي سىيلادى.

«بۇل – ادىلەتسىزدىك!». اسحات ايماعامبەتوۆ ساباقتان تىس ۋاقىتتا وقۋشى ءۇشىن مۇعالىم جاۋاپ بەرمەيتىندىگىن مالىمدەدى

سالتاناتتى شارا بارىسىندا مەكتەپ ديرەكتورى باقىتگۇل ەرمەكوۆا تىرەك-قيمىلىندا بۇزىلىسى بار بالالارعا پسيحولوگيالىق, فيزيكالىق قولداۋ كورسەتىپ, ولاردىڭ قوعامدا ءوز ورنىن تابۋىندا تاجىريبەلى پەداگوگيكالىق ۇجىمنىڭ ەسەلى ەڭبەگى جاتقانىن اتاپ ءوتتى. ايتۋىنشا, ۇستازدار قاۋىمى زاماناۋي وقۋ قۇرالدارىنىڭ كومەگىمەن بالا­لار­دىڭ دامۋىنا, تۇلعالىق قالىپ­تا­سۋىنا ىقپال ەتىپ كەلەدى. بۇگىندە مەكتەپتە 150 پەداگوگ جۇمىس ىستەيدى. وسى رەتتە رەسپۋبليكالىق «اقبوتا» زياتكەرلىك وليمپياداسى جەڭىمپازدارىن دايىنداعان و.ايدوسوۆا, ر. كازلاحىنوۆا, س. راحيمبەكوۆا, س. يشانوۆا, ا. مىلتىقباەۆا, ف. مامىتباي سىندى ۇستازدار ەڭبەگىن اتاپ وتكەن ابزال. اباي اتىنداعى قازۇپۋ, قىزدار پەگاگوگيكالىق ۇلتتىق ۋنيۆەرسيتەتىن ءبىتىرىپ, وسى مەكتەپتە تاجىريبە جيناقتاعان دەفەكتولوگ ماماندار جۇمىسىنا دا ەرەكشە توقتالىپ وتۋگە بولادى.

«مەكتەبىمىزدە پەداگوگيكالىق ۇجىم وقۋشىلاردىڭ ۇلگەرىم ناتيجەسىنە, جەكەلەگەن پاندەر بويىنشا جەتىستىكتەرىنە باستى ءمان بەرەدى. ال كاسىبي باعدار بەرۋ ماق­ساتىندا قولداۋ كورسەتىپ, كەڭەس بەرە وتىرىپ, مامان­دىق تاڭداۋىنا, ءوز سالاسى بويىنشا تابىستى جۇمىس ىستەپ كەتۋىنە, ومىردەن ءوز ورنىن تابۋىنا جاردەمدەسۋدە جۇيەلى جۇمىستار ات­قارىلىپ جاتىر. جاپونيا, مالايزيا, سينگاپۋر ەلدەرى تاجىريبەسىمەن تانىسقانىمدا مەكتەپ-ينتەرناتىمىزداعى ءبىلىم بەرۋ باعدارلاماسىنىڭ شەتەلدەن كەم تۇسپەيتىنىنە كوزىم جەتتى. ديرەكتوردىڭ وقۋ ءىسى جونىندەگى ورىنباسارى گ. دارىباەۆا, ۆ. تيۋرينانىڭ حورۆاتيا, نيدەرلاند ەلىنە ساپارىنىڭ ناتيجەلى بولعانىن دا اتاپ وتكىم كەلەدى. بۇگىندە ۇستازدارىمىز «Perkins» حا­لىقارالىق مەكتەبىندە 20-دان استام پەداگوگ ءبىلىمىن جەتىلدىرىپ, الدىڭعى قا­تارلى پەداگوگيكالىق تەحنو­لو­گيا­لاردى يگەرىپ, تاجىريبەسىن جەتىلدىرۋ ۇستىندە. مەكتەپتە «Perkins» تاجىريبەسى نەگىزىن­دە رەسۋرستى كابينەت جۇمىس ىستەيدى. قامقورشىلار كەڭەسىنىڭ توراعاسى, مەتسەنات, «Astana Motors» حولدينگىنىڭ نەگىزىن قالاۋشى ن. سماعۇلوۆتىڭ قولداۋىمەن مەكتەبىمىز امبەباپ ترەناجەرلەرمەن جابدىقتالعان. وقۋشىلارىمىز پانارالىق وليمپيادالارمەن قاتار سپورتتىق جەتىستىكتەرىمەن دە كوزگە ءتۇسىپ ءجۇر. بۇل ۇجىمنىڭ عانا ەمەس, ۇستازدار ەڭبەگىنىڭ جەمىسى, دەمەۋشىلەردىڭ قولداۋىنىڭ ناتيجەسى. بيىل 4  وقۋشىمىز مەكتەپتى قىزىل اتتەستاتقا بىتىرگەلى وتىر. رەسپۋبليكالىق پانارالىق وليمپيادا جەڭىمپازدارى ش. ابدۋلحايقىزى, ە. مۇساقوجاەۆ, ي. جاقاي, ت. يبراەۆا, سونىمەن قاتار م. مۇحتاربەك, م. رىسباي, ك. بايگەلوۆا, سونداي-اق وقۋشىلارىمىزدىڭ سپورتتاعى جەتىستىكتەرى دە نازار اۋدارارلىق. ال مەكتەپ تۇلەكتەرى قوعامدىق ءومىردىڭ سان-سالاسىندا تابىستى ەڭبەك ەتىپ جۇرگەنى بىزدەردى قۋانتادى», دەدى باقىتگۇل ەرمەكوۆا.

ءبىلىم ورداسى جارىق ءارى جايلى سىنىپتار, ينتەراكتيۆتى تاقتالار, زەرتحانالار مەن جاڭا شەبەرحانالارمەن جابدىقتالعان. مەكتەپتە بالالاردىڭ پسيحولوگيالىق-فيزيو­لو­گيالىق ەرەكشەلىكتەرىنە ساي­كەس ارنايى وقۋ باعدارلاماسىن قول­دانۋ ءوز جەمىسىن بە­رىپ كەلەدى. پەداگوگيكالىق ۇجىم زاماناۋي مۇمكىندىكتەردى قولدانا وتىرىپ, بالالاردىڭ قوعاممەن ىق­پالداسۋى ءۇشىن الەۋمەتتىك-پسي­حولوگيالىق وڭالتۋ, جەكە وقۋ ءۇردىسى ارقىلى ءبىلىم بەرۋگە ىنتالاندىرۋ, ءاداپ­تيۆتى مۇمكىندىكتەرىن ارت­تىرۋ باعىتىندا جۇمىس ىستەپ كەلەدى.

الماتى