سولتۇستىك قازاقستان وبلىسىندا سوڭعى ءبىر ايدىڭ ىشىندە تۇنگى مەزگىلدە جولعا شىعىپ كەتكەن جىلقىلاردىڭ كەسىرىنەن ءۇش جول-كولىك اپاتى بولدى. سونىڭ ىشىندە ايىرتاۋ اۋدانىندا اۋىر جۇك كولىگىنىڭ جۇرگىزۋشىسى جولدان ءوتىپ بارا جاتقان 12 جىلقىنى سوعىپ كەتكەن. مال ءولىپ, جۇرگىزۋشىنىڭ ءوزى جاراقات الدى. جىلقىشىنىڭ ايتۋىنشا, جىلقىنىڭ ءبىر بولىگى تابىننان ءبولىنىپ, جولدىڭ جۇرەتىن بولىگىنە قالاي شىعىپ كەتكەنىن بايقاماي قالعان.
ال ەسىل اۋدانىندا جىلقىنى سوققان شەتەلدىك كولىكتىڭ جۇرگىزۋشىسى مەن ونىڭ جولاۋشىسى اۋىر جاراقات الدى. بىرنەشە كۇننەن كەيىن زارداپ شەككەن ايەل العان جاراقاتتىڭ سالدارىنان قايتىس بولدى. وتكەن دۇيسەنبىدە اققايىڭ اۋدانىندا دا وسىعان ۇقساس وقيعا بولىپ, ەكى ادام زارداپ شەكتى. بارلىق جول اپاتتارى تۇندە ورىن العانىن اتاپ وتكەن ءجون.
«مالدىڭ قاتىسى بار جول-كولىك وقيعالارىنىڭ الدىن الۋ ماقساتىندا ءىس-شارالار وتكىزۋ قاجەتتىگى تۋرالى بارلىق اۋماقتىق بولىنىستەرگە نۇسقاۋ بەرىلدى. پاترۋلدىك پوليتسيا قىزمەتكەرلەرى, اسىرەسە قاراڭعى تۇسە بۇل ماسەلەگە ەرەكشە نازار اۋدارادى. رەسپۋبليكالىق ماڭىزى بار جولداردىڭ ۇستىندە نەمەسە جانىندا بوس جايىلىپ جۇرگەن مال انىقتالعان جاعدايدا جەرگىلىكتى اتقارۋشى ورگاندارعا حابارلاپ, مالدى جول ماڭىنان الىسقا ايداۋ شارالارى قابىلدانادى», دەدى وبلىستىق پد جەرگىلىكتى پوليتسيا قىزمەتى باسقارماسىنىڭ باستىعى, پوليتسيا پودپولكوۆنيگى ايدىن بايماتوۆ.
اپاتقا سەبەپشى بولعان مال يەلەرىنە اكىمشىلىك كودەكس بويىنشا جاۋاپكەرشىلىك كوزدەلگەن. سونىمەن بىرگە جابىرلەنۋشىلەر كەلتىرىلگەن ماتەريالدىق شىعىندى وتەۋ ماقساتىندا سوتقا جۇگىنۋگە قۇقىلى. مالدى جولدان ارنايى «مالدى وتكىزۋ» بەلگىسى ورناتىلعان جەردەن عانا ايداپ وتۋگە بولادى. سونداي-اق پوليتسەيلەر جۇرگىزۋشىلەرگە جىلدامدىقتى شەكتەن تىس اسىرماۋعا كەڭەس بەرەدى. «مالدى وتكىزۋ» بەلگىسى تۇرعان جاعدايدا مىندەتتى تۇردە جىلدامدىقتى ازايتۋ قاجەت. سونىمەن بىرگە قاراڭعىدا جابايى اڭداردىڭ دا جولعا شىعا كەلەتىنىن ەستەن شىعارماعان ءجون.
ءىىد قىزمەتكەرلەرى مال يەلەرىنىڭ جەرگىلىكتى اتقارۋشى ورگاندارمەن جانە مالشىلارمەن ءۇش جاقتى شارت جاساپ, ءتورت ت ۇلىكتى ۇيىمداستىرىلعان تۇردە باعۋدى قامتاماسىز ەتۋ كەرەكتىگىنە نازار اۋدارۋىن تالاپ ەتىپ وتىر.
سولتۇستىك قازاقستان وبلىسى