پولشانىڭ گليۆيتسە قالاسىندا وتكەن Junior Eurovision-2019 ءان بايقاۋىندا ونەر كورسەتكەن ەرجان ماكسيم جۇلدەلى ەكىنشى ورىن الدى.
ەرجان ماكسيم بايقاۋدا «ارماننان قالما» اتتى ءاندى ورىندادى. قازىلاردىڭ بەرگەن باعاسى بويىنشا ول ءبىرىنشى ورىننان كورىندى. ال ونلاين داۋىس بەرۋ قورىتىندىسىمەن 79 ۇپاي جينادى. جالپى 227 ۇپايمەن ەكىنشى ورىندى يەلەندى.
بايقاۋدىڭ باس جۇلدەسى 278 ۇپاي جيناعان پولشا وكىلى ۆيكي گابورعا بۇيىردى. ءۇشىنشى ورىن يسپانيا ءانشىسى مەلاني گارسيانىڭ ەنشىسىندە.