گوللانديادا بوكستان ءداستۇرلى World Port Boxing ءتۋرنيرى اياقتالىپ, قازاقستاندىق سپورتشىلار جۇلدەگە ىلىكتى. بۇل تۋرالى Olympic.kz حابارلادى.
قازاقستان مەن نيدەرلاند كوماندالارى اراسىنداعى كەزدەسۋدە التى قازاقستاندىق بوكسشى جەڭىسكە جەتتى.
اتالعان سىندا قازاقستان اتىنان تومەندەگى بوكسشىلار شارشى الاڭعا شىقتى: زاكىر سافيۋللين (60 كەلى), تالعات شايكەن, ابىلايحان ءجۇسىپوۆ (69 كەلى), تۇرسىنباي قۇلاحمەت, ەرماحان جاكپەكوۆ (75 كەلى), نۇربەك ورالباي (81 كەلى), ايدا ابىكەەۆا (57 كەلى), ۆالەنتينا حالزوۆا (69 كەلى).
نيدەرلاند بوكس فەدەراتسياسى بيىلعى دوداعا قازاقستان كومانداسىن شاقىرعان. بۇرىن بۇل تۋرنيرگە اقش جانە كۋبا قۇرامالارى قاتىسقان بولاتىن.