اتىراۋدا راحىمجان وتارباەۆ اتىنداعى ءىىى رەسپۋبليكالىق تەاتر فەستيۆالى باستالدى. 18-22 قاراشا ارالىعىندا اتىراۋ جۇرتشىلىعىنا كورسەتىلەتىن مادەني شاراعا ەلىمىزدىڭ 9 شىعارماشىلىق ۇجىمى قاتىسادى.
ولاردىڭ ونەرىن ساراپتاۋشى قازىلار القاسىنىڭ توراعاسى – كسرو حالىق ءارتيسى ءاسانالى ءاشىموۆ, ەسمۇحان وباەۆ جانە سەردەش قاجىمۇرات ۇلى, تالعات تەمەنوۆ, ۇلاربەك نۇرعالىم ۇلى, ايزات قىدىراليەۆا مەن قاراكوز راحىمجانقىزى قازىلار قۇرامى بولىپ بەكىتىلگەن.
- بۇل وتە اۋقىمدى, مادەني ءىس-شارا. ويتكەنى, ادەبيەت پەن مادەنيەتكە تەڭدەي ۇلەس قوسقان راحىمجانداي پەرزەنتىن ەلى ۇمىتپاۋى كەرەك. ول قازاقستاندى عانا ەمەس, الىس-جاقىن شەت مەملەكەتتەردى مويىنداتقان ساناۋلى سۋرەتكەردىڭ ءبىرى. بۇگىن ونىڭ رۋحىنا اس بەرىلدى, ەندى مىنە جالعاسى ۇلكەن شاراعا ۇلاسىپ جاتىر. ۇمىتپاي, ەلەپ-ەسكەرگەن ۇلكەن-كىشىگە العىسىم شەكسىز, - دەيدى ء اسانالى ءاشىموۆ.
بۇگىن سونداي-اق راحىمجان وتارباەۆتىڭ «باس», «ي بىل يا پودوبيەم تۆويم...», «پلاچ چينگيسحانا» تۋىندىلارى مەن راحىمجان وتارباەۆقا ارنالعان «اڭىز ادام» جۋرنالىنىڭ قاراشا ايىنداعى سانىنىڭ تۇساۋى كەسىلدى.
راحىمجان وتارباەۆ – كورنەكتى جازۋشى-دراماتۋرگ, قر ەڭبەك سىڭىرگەن قايراتكەرى, «پاراسات» وردەنىنىڭ يەگەرى. 2018 جىلى ومىردەن ءوتتى.
اتىراۋ