سارسەنبى, 19 ماۋسىم 2013 0:52
2013 جىلعى 9 ءساۋىر استانا قالاسى
قازاقستان رەسپۋبليكاسىنىڭ اۋماعىنان تىس جەرلەرگە ۋاكىلەتتى ادامداردى ىسساپارعا جىبەرۋ ماقساتىندا «شەتەلدىك ءىسساپارلار» باعدارلاماسى جانە «سىرتقى ساياسي قىزمەتتەردى ۇيلەستىرۋ جونىندەگى قىزمەتتەر», «مەملەكەتتىك شەكارانى دەليميتاتسيالاۋ جانە دەماركاتسيالاۋ» مەن «شەتەلدەگى ديپلوماتيالىق وكىلدىكتەردىڭ ارنايى, ينجەنەرلىك-تەحنيكالىق جانە ناقتى قورعالۋىن قامتاماسىز ەتۋ» باعدارلامالارىنىڭ 162 ەرەكشەلىگى بويىنشا رەسپۋبليكالىق بيۋدجەتتە كوزدەلگەن قاراجاتتى پايدالانۋ قاعيدالارىن بەكىتۋ تۋرالى
سارسەنبى, 19 ماۋسىم 2013 0:52
2013 جىلعى 9 ءساۋىر استانا قالاسى
قازاقستان رەسپۋبليكاسىنىڭ اۋماعىنان تىس جەرلەرگە ۋاكىلەتتى ادامداردى ىسساپارعا جىبەرۋ ماقساتىندا «شەتەلدىك ءىسساپارلار» باعدارلاماسى جانە «سىرتقى ساياسي قىزمەتتەردى ۇيلەستىرۋ جونىندەگى قىزمەتتەر», «مەملەكەتتىك شەكارانى دەليميتاتسيالاۋ جانە دەماركاتسيالاۋ» مەن «شەتەلدەگى ديپلوماتيالىق وكىلدىكتەردىڭ ارنايى, ينجەنەرلىك-تەحنيكالىق جانە ناقتى قورعالۋىن قامتاماسىز ەتۋ» باعدارلامالارىنىڭ 162 ەرەكشەلىگى بويىنشا رەسپۋبليكالىق بيۋدجەتتە كوزدەلگەن قاراجاتتى پايدالانۋ قاعيدالارىن بەكىتۋ تۋرالى
قازاقستان رەسپۋبليكاسى ۇكىمەتىنىڭ 2004 جىلعى 28 قازانداعى № 1118 قاۋلىسىمەن بەكىتىلگەن قازاقستان رەسپۋبليكاسى سىرتقى ىستەر مينيسترلىگى تۋرالى ەرەجەنىڭ 16-تارماعى 48) تارماقشاسىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسىنىڭ اۋماعىنان تىس جەرلەرگە ۋاكىلەتتى ادامداردى ىسساپارعا جىبەرۋ ماقساتىندا «شەتەلدىك ءىسساپارلار» باعدارلاماسى جانە «سىرتقى ساياسي قىزمەتتەردى ۇيلەستىرۋ جونىندەگى قىزمەتتەر», «مەملەكەتتىك شەكارانى دەليميتاتسيالاۋ جانە دەماركاتسيالاۋ» مەن «شەتەلدەگى ديپلوماتيالىق وكىلدىكتەردىڭ ارنايى, ينجەنەرلىك-تەحنيكالىق جانە ناقتى قورعالۋىن قامتاماسىز ەتۋ» باعدارلامالارىنىڭ 162 ەرەكشەلىگى بويىنشا رەسپۋبليكالىق بيۋدجەتتە كوزدەلگەن قاراجاتتى پايدالانۋ قاعيدالارى بەكىتىلسىن.
2. ۆاليۋتا-قارجى دەپارتامەنتى وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەۋدى جانە ونى قازاقستان رەسپۋبليكاسى سىرتقى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىق قازاقستان رەسپۋبليكاسى ادىلەت مينيسترلىگىنەن مەملەكەتتىك تىركەلگەن كۇننەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ سىرتقى ىستەر ءمينيسترى ە.ىدىرىسوۆ.
«كەلىسىلدى»
«كەلىسىلدى»
قازاقستان رەسپۋبليكاسى
ۇلتتىق بانكىنىڭ توراعاسى
گ.مارچەنكو
2013 جىلعى «28» 03
قازاقستان رەسپۋبليكاسى
قارجى ءمينيسترى
ب.جامىشەۆ
2013 جىلعى «4» 04
قازاقستان رەسپۋبليكاسى سىرتقى ىستەر ءمينيسترىنىڭ 2013 جىلعى 9 ءساۋىر №08-1-1-1/114 بۇيرىعىمەن بەكىتىلدى
قازاقستان رەسپۋبليكاسىنىڭ اۋماعىنان تىس جەرلەرگە ۋاكىلەتتى ادامداردى ىسساپارعا جىبەرۋ ماقساتىندا رەسپۋبليكالىق بيۋدجەتتە «شەتەلدىك ءىسساپارلار» باعدارلاماسى جانە «سىرتقى ساياسي قىزمەتتەردى ۇيلەستىرۋ جونىندەگى قىزمەتتەر», «مەملەكەتتىك شەكارانى دەليميتاتسيالاۋ جانە دەماركاتسيالاۋ» مەن «شەتەلدەگى ديپلوماتيالىق وكىلدىكتەردىڭ ارنايى, ينجەنەرلىك-تەحنيكالىق جانە ناقتى قورعالۋىن قامتاماسىز ەتۋ» باعدارلامالارىنىڭ 162 ەرەكشەلىگى بويىنشا كوزدەلگەن قاراجاتتىپايدالانۋ قاعيدالارى
1. جالپى ەرەجەلەر
1. وسى قازاقستان رەسپۋبليكاسىنىڭ اۋماعىنان تىس جەرلەرگە ۋاكىلەتتى ادامداردى ىسساپارعا جىبەرۋ ماقساتىندا رەسپۋبليكالىق بيۋدجەتتە «شەتەلدىك ءىسساپارلار» باعدارلاماسى جانە «سىرتقى ساياسي قىزمەتتەردى ۇيلەستىرۋ جونىندەگى قىزمەتتەر», «مەملەكەتتىك شەكارانى دەليميتاتسيالاۋ جانە دەماركاتسيالاۋ» مەن «شەتەلدەگى ديپلوماتيالىق وكىلدىكتەردىڭ ارنايى, ينجەنەرلىك-تەحنيكالىق جانە ناقتى قورعالۋىن قامتاماسىز ەتۋ» باعدارلامالارىنىڭ 162 ەرەكشەلىگى بويىنشا كوزدەلگەن قاراجاتتى پايدالانۋ قاعيدالارى (بۇدان ءارى – قاعيدالار)رەسپۋبليكالىق بيۋدجەتتە «شەتەلدىك ءىسساپارلار» باعدارلاماسى جانە «سىرتقى ساياسي ارەكەتتەردى ۇيلەستىرۋ جونىندەگى قىزمەتتەر», «مەملەكەتتىك شەكارانى دەليميتاتسيالاۋ جانە دەماركاتسيالاۋ» مەن «شەتەلدەگى ديپلوماتيالىق وكىلدىكتەردىڭ ارنايى, ينجەنەرلىك-تەحنيكالىق جانە ناقتى قورعالۋىن قامتاماسىز ەتۋ» باعدارلامالارىنىڭ 162 ەرەكشەلىگى بويىنشا وسى قاعيدالاردىڭ 2-تارماعىندا كورسەتىلگەن شەت ەلگە جىبەرىلەتىن ادامداردى ىسساپارعا جىبەرۋ ءۇشىن كوزدەلگەن قاراجاتتى پايدالانۋ ءتارتىبىن بەلگىلەيدى.
2. قازاقستان رەسپۋبليكاسى سىرتقى ىستەر مينيسترلىگى (بۇدان ءارى – سىرتقى ىستەر مينيسترلىگى):
1) «شەتەلدىك ءىسساپارلار» باعدارلاماسى جانە «سىرتقى ساياسي قىزمەتتەردى ۇيلەستىرۋ جونىندەگى قىزمەتتەر» مەن «شەتەلدەگى ديپلوماتيالىق وكىلدىكتەردىڭ ارنايى, ينجەنەرلىك-تەحنيكالىق جانە ناقتى قورعالۋىن قامتاماسىز ەتۋ» باعدارلامالارىنىڭ 162 ەرەكشەلىگىنىڭ اكىمشىسى رەتىندە مىناداي ادامداردى شەتەلگە ىسساپارعا جىبەرۋگە بايلانىستى شىعىستاردى (بۇدان ءارى – ءىسساپار شىعىسى) تولەۋگە ارنالعان قاراجاتتى پايدالانۋ تۋرالى شەشىمدەر قابىلدايدى:
رەسپۋبليكالىق بيۋدجەت ەسەبىنەن ۇستالاتىن لاۋازىمدى ادامدار (بۇدان ءارى – لاۋازىمدى ادامدار);
قازاقستان رەسپۋبليكاسى پرەزيدەنتىنىڭ جۇبايى;
حالىقارالىق ەڭبەك ۇيىمى باس كونفەرەنتسياسىنىڭ جىل سايىنعى سەسسيالارىنا قاتىساتىن قازاقستان رەسپۋبليكاسىنىڭ دەلەگاتسيالارى;
2) «مەملەكەتتىك شەكارانى دەليميتاتسيالاۋ جانە دەماركاتسيالاۋ» بيۋدجەتتىك باعدارلاماسىنىڭ 162 ەرەكشەلىگىنىڭ اكىمشىسى رەتىندە مىناداي ادامداردىڭ شەتەلگە ىسساپارعا جىبەرىلۋىنە بايلانىستى شىعىستاردى تولەۋگە ارنالعان قاراجاتتى پايدالانۋ تۋرالى شەشىمدەر قابىلدايدى:
لاۋازىمدى ادامدار;
قۇرامى قازاقستان رەسپۋبليكاسىنىڭ ۇكىمەتىمەن بەكىتىلەتىن قازاقستان رەسپۋبليكاسىنىڭ مەملەكەتتىك شەكاراسىن قىرعىز رەسپۋبليكاسىمەن, رەسەي فەدەراتسياسىمەن, تۇرىكمەنستانمەن جانە وزبەكستان رەسپۋبليكاسىمەن دەماركاتسيالاۋ جونىندەگى بىرلەسكەن كوميسسيالارداعى ۇكىمەتتىك دەلەگاتسيا مۇشەلەرى (بۇدان ءارى – مەملەكەتتىك شەكارانى دەماركاتسيالاۋ جونىندەگى ۇكىمەتتىك دەلەگاتسيا);
جەرگىلىكتى بيۋدجەتتەن ۇستالاتىن مەملەكەتتىك ورگانداردىڭ قىزمەتكەرلەرى, سىرتقى ىستەر مينيسترلىگىمەن انىقتالاتىن مەملەكەتتىك شەكارانى دەليميتاتسيالاۋ جانە دەماركاتسيالاۋ سالاسىنداعى ماماندار مەن ساراپشىلار.
2. ءىسساپار شىعىستارىن تولەۋگە بولىنەتىن رەسپۋبليكالىق بيۋدجەتقاراجاتىن پايدالانۋ ءتارتىبى
3. سىرتقى ىستەر مينيسترلىگى رەسپۋبليكالىق بيۋدجەتتە كەزەكتى قارجى جىلىنا «شەتەلدىك ءىسساپارلار» باعدارلاماسى جانە «سىرتقى ساياسي قىزمەتتەردى ۇيلەستىرۋ جونىندەگى قىزمەتتەر», «مەملەكەتتىك شەكارانى دەليميتاتسيالاۋ جانە دەماركاتسيالاۋ» جانە «شەتەلدەگى ديپلوماتيالىق وكىلدىكتەردىڭ ارنايى, ينجەنەرلىك-تەحنيكالىق جانە ناقتى قورعالۋىن قامتاماسىز ەتۋ» باعدارلامالارىنىڭ 162 ەرەكشەلىگى بويىنشا كوزدەلگەن قاراجاتتى پايدالانادى.
4. كاسسالىق وپەراتسيالاردى جۇرگىزۋ مەملەكەتتىك مەكەمەنىڭ كاسساسىندا قولما-قول اقشا قالدىعىنىڭ كۇندەلىكتى ءليميتىن جانە كاسسادا قولما-قول اقشانىڭ ساقتالۋ مەرزىمىن بەلگىلەيتىن نورمالاردى قوسپاعاندا, قازاقستان رەسپۋبليكاسى قارجى ءمينيسترى مىندەتىن اتقارۋشىنىڭ 2009 جىلعى 6 تامىزداعى № 331 بۇيرىعىمەن بەكىتىلگەن كاسسالىق وپەراتسيالار جۇرگىزۋ, مەملەكەتتiك مەكەمەلەردiڭ كاسسالارىنداعى جانە كارت-شوتتارىنداعى قولما-قول اقشا قالدىعىنىڭ ءليميتىن انىقتاۋ ەرەجەسىنە (2009 جىلى 28 تامىزدا قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋدىڭ تىزىلىمىنە № 5760 تىركەلگەن), قازاقستان رەسپۋبليكاسى قارجى ءمينيسترىنىڭ 2011 جىلعى 22 تامىزداعى № 423 بۇيرىعىمەن بەكىتىلگەن مەملەكەتتىك مەكەمەلەردە تۇگەندەۋ جۇرگىزۋ قاعيداسىنا (2011 جىلى 22 قىركۇيەكتە قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋدىڭ تىزىلىمىنە № 7197 تىركەلگەن) جانە قازاقستان رەسپۋبليكاسى قارجى ءمينيسترى مىندەتىن اتقارۋشىنىڭ 2011 جىلعى 2 تامىزداعى № 390 بۇيرىعىمەن بەكىتىلگەن مەملەكەتتىك مەكەمەلەر ءۇشىن بۋحگالتەرلىك قۇجاتتاما نىساندارىنىڭ البومىنا (2011 جىلى 15 تامىزدا قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋدىڭ تىزىلىمىنە № 7126 تىركەلگەن) سايكەس جۇزەگە اسىرىلادى.
5. بولىنگەن قاراجاتتى ايىرباستاۋدى قامتاماسىز ەتۋ ءۇشىن سىرتقى ىستەر مينيسترلىگى استانا قالاسىنىڭ قازىناشىلىق دەپارتامەنتىندە شەتەلدىك ۆاليۋتادا ەسەپشوتتار (قولما-قول ەسەپتەسۋگە ارنالعان) اشادى.
6. استانا قالاسىنىڭ قازىناشىلىق دەپارتامەنتى قازاقستان رەسپۋبليكاسى ۇلتتىق بانكىنىڭ استانا قالاسىنداعى ورتالىق فيليالىندا بيۋدجەت قاراجاتىن اقش دوللارىنا, سونداي-اق, ەۋروعا ايىرباستاۋدى جۇرگىزەدى جانە ولاردى وسى قاعيدالاردىڭ 5-تارماعىندا كورسەتىلگەن شەتەلدىك ۆاليۋتاداعى ەسەپشوتتارعا اۋدارادى.
7. سىرتقى ىستەر مينيسترلىگى ءتيىستى ايدىڭ جوسپارلى ماقساتتارىنا بالامالى سومادا كەلەسى كۇنتىزبەلىك ايعا قولما-قول شەتەلدىك ۆاليۋتانى الۋعا ارنالعان ءوتىنىشتى استانا قالاسىنىڭ قازىناشىلىق دەپارتامەنتىنە ءار ايدىڭ ونىنشى كۇنىنە دەيىن جولدايدى.
3. ءىسساپار شىعىستارىن تولەۋگە ارنالعان قاراجاتتى ءبولۋ ءتارتىبى
8. سىرتقى ىستەر مينيسترلىگىنە «شەتەلدىك ءىسساپارلار» باعدارلاماسى جانە «سىرتقى ساياسي قىزمەتتەردى ۇيلەستىرۋ جونىندەگى قىزمەتتەر» مەن «شەتەلدەگى ديپلوماتيالىق وكىلدىكتەردىڭ ارنايى, ينجەنەرلىك-تەحنيكالىق جانە ناقتى قورعالۋىن قامتاماسىز ەتۋ» بيۋدجەتتىك باعدارلامالارىنىڭ 162 ەرەكشەلىگى بويىنشا ءىسساپار شىعىستارىن تولەۋگە:
1) مەملەكەتتىك ورگانداردىڭ سىرتقى ىستەر مينيسترلىگىنە بەرگەن جازباشا ءوتىنىشى نەگىزىندە لاۋازىمدى ادامدارعا, قازاقستان رەسپۋبليكاسى پرەزيدەنتىنىڭ جۇبايىنا, حالىقارالىق ەڭبەك ۇيىمى باس كونفەرەنتسياسىنىڭ جىل سايىنعى سەسسيالارىنا قاتىساتىن قازاقستان رەسپۋبليكاسى دەلەگاتسيالارىنىڭ مۇشەلەرىنە;
2) ىسساپارعا جىبەرۋ تۋرالى قابىلدانعان شەشىم نەگىزىندە قازاقستان رەسپۋبليكاسىنىڭ ديپلوماتيالىق قىزمەتىنىڭ قىزمەتكەرلەرىنە قاراجات ءبولۋ جۇزەگە اسىرىلادى.
9. «مەملەكەتتىك شەكارانى دەليميتاتسيالاۋ جانە دەماركاتسيالاۋ» باعدارلاماسىنىڭ 162 ەرەكشەلىگى بويىنشا ءىسساپار شىعىستارىن تولەۋگە ارنالعان قاراجاتتى ءبولۋ مەملەكەتتىك شەكارانى دەماركاتسيالاۋ جونىندەگى بىرلەسكەن كوميسسيالارداعى ۇكىمەتتىك دەلەگاتسيالاردىڭ باسشىلارىمەن نەمەسە ولاردىڭ ورىنباسارلارىمەن بەكىتىلگەن جوسپار-كەستەگە, سونداي-اق, ديپلوماتيالىق ارنالار ارقىلى كونترارىپتەستەرمەن جاسالعان ۋاعدالاستىقتارعا سايكەس جۇزەگە اسىرىلادى.
10. قازاقستان رەسپۋبليكاسى ۇكىمەتىنىڭ مۇشەلەرى باسقاراتىن قازاقستان رەسپۋبليكاسىنىڭ دەلەگاتسياسى شەتەلگە جول جۇرگەن كەزدە, ارنايى رەيستەردى ورىنداۋ قىزمەتتەرى ءۇشىن سىرتقى ىستەر مينيسترلىگىمەن ارنايى رەيستەردى ورىندايتىن اۆياتاسىمالداۋشىمەن قول قويىلعان كورسەتىلگەن قىزمەتتەر اكتىسى نەگىزىندە اۆياتاسىمالداۋشىنىڭ ەسەپ ايىرىسۋ شوتىنا قاراجاتتى اۋدارۋ ارقىلى ارنايى رەيستەردى ورىنداۋ قىزمەتتەرى تولەنەدى.
11. مەملەكەتتىك ورگان ءتيىستى ءىس-شارانى وتكىزۋگە دەيىن كەمىندە ون بەس جۇمىس كۇنى بۇرىن نە اناعۇرلىم كەش مەرزىمدە, بىراق ءۇش جۇمىس كۇنىنەن كەشىكتىرمەي ءتيىستى مەملەكەتتىك ورگان مەن سىرتقى ىستەر مينيسترلىگىنىڭ باسشىلارى اراسىنداعى كەلىسىم بويىنشا سىرتقى ىستەر مينيسترلىگىنە ءوتىنىش بەرەدى.
مەملەكەتتىك ورگاننىڭ سىرتقى ىستەر مينيسترلىگىنىڭ اتىنا ۇسىنعان وتىنىشىندە شەتەلدىك ءىسساپاردىڭ ماقساتى, مەرزىمى مەن ىسساپارعا جىبەرىلەتىن ادامدار تۋرالى مالىمەتتەر بولۋى ءتيىس.
ىسساپارعا جىبەرۋ مەرزىمدەرى ىسساپارعا جىبەرىلەتىن ادامدى:
وقۋعا, بىلىكتىلىگىن ارتتىرۋعا نەمەسە قايتا دايارلىققا;
سايلاۋدىڭ ۇزاق مەرزىمدى باقىلاۋشىسى رەتىندە جىبەرۋدى قوسپاعاندا, كۇنتىزبەلىك 40 كۇننەن اسپاۋى ءتيىس (جولداعى كۇندەرىن ەسەپتەمەگەندە).
ءىسساپار بارىسىندا فورس-ماجورلىق جاعدايلار پايدا بولعان كەزدە, مەملەكەتتىك ورگاننىڭ نەگىزدەمەسىمەن جانە راستايتىن قۇجاتتارى قوسا بەرىلگەن جازباشا ءوتىنىشى نەگىزىندە ءىسساپار مەرزىمى كۇتىزبەلىك 40 كۇننەن استام ۋاقىتقا ۇزارتىلادى.
12. سىرتقى ىستەر مينيسترلىگى ءىسساپار شىعىستارىن تولەۋگە ارنالعان قاراجاتتى ءبولۋ تۋرالى كەلىپ تۇسكەن ءوتىنىشتى:
1) بيۋدجەتتىك باعدارلامالار شەڭبەرىندە ءتيىستى مەملەكەتتىك ورگان قاتىساتىن اعىمداعى جىلى جوسپارلانعان ءىس-شارالاردى;
2) اعىمداعى جىلعا ارنالعان رەسپۋبليكالىق بيۋدجەتتە كوزدەلگەن بيۋدجەت قاراجاتىنىڭ كولەمىن;
3) مەملەكەتتىك ورگان ۇسىناتىن ءىس-شاراعا قاتىسۋدىڭ سىرتقى ساياسي ورىندىلىعىن ەسكەرە وتىرىپ قاراستىرادى.
ءوتىنىشتى قاراۋدىڭ قورىتىندىلارى بويىنشا سىرتقى ىستەر مينيسترلىگى بەس جۇمىس كۇنى ىشىندە ءىسساپار شىعىستارىن تولەۋگە قاراجات ءبولۋ تۋرالى شەشىم قابىلدايدى.
وسى قاعيدالاردىڭ 2-تارماعىندا كورسەتىلگەن ادامدارعا ءىسساپار شىعىندارىنا ارنالعان قاراجاتتاردى بەرۋ ىسساپارعا جىبەرىلەتىن ادامدى رەسىمدەۋ كۇنى سىرتقى ىستەر مينيسترلىگىنىڭ كاسساسىندا جۇرگىزىلەدى.
13. جوسپارلانعان ءىس-شارا باستالعانعا دەيىن ءىسساپار شىعىستارىن ءبولۋ تۋرالى شەشىم قابىلدانباعان جاعدايدا, سىرتقى ىستەر مينيسترلىگى مەملەكەتتىك ورگاننان جازباشا ءوتىنىشى تۇسكەن كۇننەن باستاپ بەس جۇمىس كۇنى ىشىندە ءىسساپار شىعىستارىن وتەۋ تۋرالى شەشىم قابىلدايدى.
14. قاراجات ءبولۋ تۋرالى قابىلدانعان شەشىم نەگىزىندە سىرتقى ىستەر مينيسترلىگى شەتەلدىك ۆاليۋتا الۋ ءۇشىن سىرتقى ىستەر مينيسترلىگىنىڭ قىزمەتكەرىنە استانا قالاسىنىڭ قازىناشىلىق دەپارتامەنتىنە رەسىمدەۋگە ارنالعان سەنىمحات بەرەدى.
سەنىمحات ءبىر جۇمىس كۇنى مەرزىمىنە بەرىلەدى, وعان سىرتقى ىستەر مينيسترلىگىنىڭ باسشىسى جانە بۋحگالتەرى قول قويادى.
استانا قالاسىنىڭ قازىناشىلىق دەپارتامەنتى سىرتقى ىستەر مينيسترلىگىنىڭ سەنىمحاتىندا كورسەتىلگەن ادامعا قازاقستان رەسپۋبليكاسى ۇلتتىق بانكىنىڭ استانا قالاسىنداعى ورتالىق فيليالىندا قولما-قول شەتەلدىك ۆاليۋتانى الۋ ءۇشىن سەنىمحات بەرەدى.
قازاقستان رەسپۋبليكاسى ۇلتتىق بانكىنىڭ استانا قالاسىنداعى ورتالىق فيليالى سىرتقى ىستەر مينيسترلىگىنىڭ ۋاكىلەتتى ادامىنا سىرتقى ىستەر مينيسترلىگىنىڭ حاتىندا كورسەتىلگەن سوماعا سايكەس قولما-قول شەتەلدىك ۆاليۋتانى بەرەدى. سىرتقى ىستەر مينيسترلىگىنىڭ حاتى ەركىن نىساندا جاسالادى جانە قولما-قول شەتەلدىك ۆاليۋتانى الۋدىڭ جوسپارلانعان كۇنىنە دەيىن 2 جۇمىس كۇنى بۇرىن قازاقستان رەسپۋبليكاسى ۇلتتىق بانكىنىڭ استانا قالاسىنداعى ورتالىق فيليالىنا ۇسىنىلادى.
سىرتقى ىستەر مينيسترلىگى سەنىمحات بويىنشا الىنعان قولما-قول شەتەلدىك ۆاليۋتانى ءوزىنىڭ كاسساسىندا قارجىلاندىرۋدىڭ بەكىتىلگەن ايلىق جوسپارىنىڭ شەگىندە ساقتايدى. سىرتقى ىستەر مينيسترلىگىنىڭ كاسساسىنداعى قولما-قول شەتەلدىك ۆاليۋتانىڭ كۇن سايىنعى ءليميتى اعىمداعى ايعا ارنالعان قارجىلاندىرۋ جوسپارىمەن كوزدەلگەن سومادان اسپاۋى ءتيىس.
15. سىرتقى ىستەر مينيسترلىگى ءىسساپارلار شىعىستارىن تولەۋگە بولىنگەن قاراجاتتىڭ ماقساتتى پايدالانىلۋىن قامتاماسىز ەتەدى.
16. وسى قاعيدالاردىڭ 2-تارماعىندا كورسەتىلگەن ادامداردى (بۇدان ءارى – ىسساپارعا جىبەرىلگەن ادام) شەتەلگە ىسساپارعا جىبەرۋ كەزىندە سىرتقى ىستەر مينيسترلىگىنىڭ شەشىمىنە سايكەس مىناداي ءىسساپار شىعىستارىن تولەۋگە:
1) ءىسساپار مەرزىمىنە ارنالعان تاۋلىكتىك;
2) باراتىن ورنىنا جانە كەرى جول ءجۇرۋ جونىندەگى شىعىستارعا (تاكسي قىزمەتى تولەنبەيدى);
3) تۇرعىن ءۇي-جايدى جالعا الۋ جونىندەگى شىعىستارعا, ونىڭ ىشىندە باراتىن پۋنكتىنە كىرەر الدىندا بولاتىن پۋنكتتەردە;
4) بيلەتتى قايتارۋ/ايىرباستاۋ ايىپپ ۇلىنا ء(ىسساپار كەيىنگە قالدىرىلعان نەمەسە اۋىستىرىلعاندا, اۋىرعاندا, فورس-ماجورلىق جاعدايلاردا);
5) ۆاليۋتانى ايىرباستاعانى ءۇشىن كوميسسيالىق الىمدارعا;
6) تۇبىرتەككە نەمەسە چەككە سايكەس ۆيزانى رەسىمدەۋ ءۇشىن كونسۋلدىق الىمدارعا قاراجات بولىنەدى.
ەگەر قابىلداۋشى تاراپ وسى تارماقتا كورسەتىلگەن قانداي دا ءبىر ءىسساپار شىعىستارىن ءوزىنىڭ ەسەبىنەن تولەيتىن بولسا, بەلگىلەنگەن نورمالاردىڭ 30 (وتىز) پايىزى مولشەرىندە بولىنەتىن تاۋلىكتىكتى قوسپاعاندا, ءتيىستى ءىسساپار شىعىستارىن تولەۋگە ارنالعان قاراجات بولىنبەيدى.
ءىسساپار شىعىستارى «مەملەكەتتىك قىزمەتكەرلەرگە رەسپۋبليكالىق جانە جەرگىلىكتى بيۋدجەتتەر قاراجاتى ەسەبىنەن قىزمەتتىك شەتەلدىك ىسساپارلارعا ارنالعان شىعىستاردى وتەۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 6 اقپانداعى № 108 قاۋلىسىمەن بەكىتىلگەن نورمالارعا سايكەس وتەلەدى. ادامداردىڭ تۇرۋ شىعىستارى ناقتى شىعىندار بويىنشا تولەنەتىن بەلگىلەنگەن نورمالاردان اسىپ كەتكەن جاعدايدا وتەۋ راستايتىن قۇجاتتاردى ۇسىنۋ ارقىلى جۇرگىزىلەدى.
17. وسى قاعيدالاردىڭ 16-تارماعىندا كوزدەلمەگەن ءىسساپار شىعىستارىن سىرتقى ىستەر مينيسترلىگى تولەمەيدى.
18. ىسساپارعا جىبەرىلگەن ادامدار شەتەلگە ىسساپارعا جول جۇرگەن كەزدە قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كۇن جانە قازاقستان رەسپۋبليكاسىنا قايتقان كەزدە قازاقستان رەسپۋبليكاسىنا كەلەر الدىندا شەت مەملەكەتتىڭ مەملەكەتتىك شەكاراسىن كەسىپ وتكەن كۇن ءىسساپار مەرزىمىنە قوسىلادى.
ەگەر قازاقستان رەسپۋبليكاسىنان ۇشۋ (كەتۋ) جول ءجۇرۋ قۇجاتىنا سايكەس اعىمداعى تاۋلىكتىڭ ساعات 21:00-دەن كەش جۇزەگە اسىرىلعان جاعدايدا, قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كۇن ءىسساپار مەرزىمىنە قوسىلمايدى.
ىسساپارعا جىبەرىلگەن ادامداردىڭ مەملەكەتتىك شەكارالاردى كەسىپ وتكەن كۇندەرى ۋاكىلەتتى ورگانداردىڭ پاسپورتتاعى بەلگىلەرى بويىنشا ايقىندالادى. ەگەر ىسساپارعا جىبەرىلگەن ادامداردىڭ قۇجاتتارىنا مەملەكەتتىك شەكارانى كەسىپ وتكەنى تۋرالى ۋاكىلەتتى مەملەكەتتىك ورگان بەلگى قويماعان بولسا, مەملەكەتتىك شەكارانى كەسىپ وتكەن كۇن ىسساپارلىق كۋالىگىندەگى بەلگىلەر بويىنشا ايقىندالادى.
19. ەگەر ىسساپارعا جىبەرىلگەن ادامدا ءىسساپار كۋالىگى نە شەت مەملەكەتتەردىڭ نەمەسە پاسپورتتا ىسساپارعا جىبەرىلگەن ادامدار ترانزيتتىك ايماقتا بولعان مەملەكەتتەردىڭ ۋاكىلەتتى ورگاندارىنىڭ بەلگىلەرى بولماسا, ىسساپارعا جىبەرىلگەن ادامداردىڭ ءاربىر ەلدە بولعاندىعىن راستايتىن جول ءجۇرۋ قۇجاتتارى ەسەپتى قابىلداۋ ءۇشىن نەگىز بولا الادى.
20. ىسساپارعا جىبەرىلگەن ادامدار ءبىر تاۋلىكتىڭ ىشىندە ەكى شەت مەملەكەتتىڭ اۋماعىندا بولعان بولسا, ءىسساپار شىعىستارىن تولەۋگە ارنالعان قاراجات بەلگىلەنگەن نورمالار بويىنشا 50 (ەلۋ) پايىز مولشەرىندە وسى ەلدەردىڭ ارقايسىسى ءۇشىن بولىنەدى.
21. ىسساپارعا جىبەرىلگەن ادامدار ءبىر تاۋلىكتىڭ ىشىندە ەكى شەت مەملەكەتتەن كوپ اۋماقتا بولاتىن بولسا, ءىسساپار شىعىستارىن تولەۋگە ارنالعان قاراجات وسى تاۋلىك ىشىندە سوڭعى پۋنكت بولىپ تابىلاتىن ەل ءۇشىن بەلگىلەنگەن نورمالار بويىنشا بولىنەدى.
22. ءىسساپار شىعىستارىن تولەۋگە بولىنگەن قاراجاتتى ءۇشىنشى ادام العان جاعدايدا, زاڭنامادا بەلگىلەنگەن تارتىپپەن راستالعان سەنىمحات ۇسىنۋ قاجەت. سەنىمحات مەملەكەتتىك ورگاننىڭ ءبىرىنشى باسشىسى نەمەسە ورتالىق اتقارۋشى ورگاننىڭ جاۋاپتى حاتشىسى (ورتالىق اتقارۋشى ورگاننىڭ ءبىرىنشى باسشىسى, جاۋاپتى حاتشىسى ۋاكىلەتتىگى جۇكتەلگەن لاۋازىمدى ادام نەمەسە وسى لاۋازىمعا ۋاكىلەتتى وزگە ادام) جانە مەملەكەتتىك ورگاننىڭ باس (اعا) بۋحگالتەرىنىڭ قولى قويىلعان مەملەكەتتىك ورگاننىڭ رەسمي بلانكىسىندە بەرىلەدى.
ءىسساپار شىعىستارىن تولەۋگە ارنالعان قاراجاتتى ىسساپارعا جىبەرىلگەن ادامدارعا ءبولۋ وسى ىسساپارعا جىبەرىلگەن ادامداردىڭ ءىسساپار شىعىستارىن تولەۋگە بۇرىن بولىنگەن قاراجاتقا تولىق ەسەپ پەن وتكىزىلگەن ءىس-شارانىڭ قورىتىندىلارى تۋرالى ەسەپ بەرىلگەن جاعدايدا عانا جۇرگىزىلەدى.
23. ۆاليۋتا ەسەپتەۋ ءۇشىن قولما-قول شەتەلدىك ۆاليۋتانى ايىرباستاعانىن ايعاقتايتىن قۇجاتتا كورسەتىلگەن ايىرباس باعامى قولدانىلادى. قولما-قول شەتەلدىك ۆاليۋتانى ايىرباستاعانىن راستايتىن قۇجاتى بولماعان جاعدايدا, شوت-فاكتۋرادا كورسەتىلگەن, قازاقستان رەسپۋبليكاسىنىڭ ۇلتتىق بانكى سوڭعى كۇنى بەلگىلەگەن باعام قولدانىلادى.
4. ەسەپتىلىك
24. ءىسساپار مەرزىمى اياقتالعاننان كەيىن ءۇش جۇمىس كۇنىنىڭ ىشىندە ىسساپارعا جىبەرىلگەن ادام سىرتقى ىستەر مينيسترلىگىنىڭ قاراجاتتى بولۋگە جاۋاپتى قۇرىلىمدىق بولىمشەسىنە ءىسساپار شىعىستارىن تولەۋگە بولىنگەن قاراجاتتى پايدالانعاندىعى تۋرالى مىناداي قۇجاتتاردى قامتيتىن اۆانستىق ەسەپتى ۇسىنادى:
1) پاسپورتتىڭ كوشىرمەسى (2-بەتتىڭ جانە شەكارانى كەسىپ وتكەندىگى تۋرالى بەلگىلەرى بار بەتتىڭ (تەردىڭ) كوشىرمەلەرى);
شەكارانى كەسىپ وتكەندىگى تۋرالى بەلگىلەرى پاسپورتتا بولماعان جاعدايدا, ىسساپارعا جىبەرىلگەن ادامنىڭ جۇمىس ورنى بويىنشا جانە قابىلداۋشى ۇيىمنىڭ كادرلىق قىزمەتىنىڭ بەلگىلەرى بار ءىسساپار كۋالىگىنىڭ كوشىرمەسى ۇسىنىلادى;
2) جول ءجۇرۋ قۇجاتتارى:
شوت-فاكتۋراسىن (ينۆويستى) جانە فيسكالدىق چەكتى (ارنايى رەيسپەن جول جۇرگەن جاعدايدا تالاپ ەتىلمەيدى) مىندەتتى تۇردە قوسا تىركەپ, باراتىن ورنىنا جانە كەرى قاراي جول ءجۇرۋ بيلەتتەرى;
ۆوكزالدان, اۋەجايدان, كەمەجايدان جانە كوپشىلىك پايدالاناتىن كولىكپەن سوڭعى پۋنكتىگە دەيىنگە جول ءجۇرۋ قۇجاتتارى;
اۋەجايلار اكىمشىلىكتەرى قاراستىرعان جاعدايدا اكىمشىلىك الىمداردى تولەۋ جونىندەگى تۇبىرتەكتەر;
بيلەتتى قايتارعانى/الماستىرعانى ءۇشىن ايىپپۇل تولەگەنىن راستايتىن قۇجاتتار بولعان جاعدايدا;
ەلەكتروندىق اۆيابيلەتتى ۇسىنعان كەزدە وتىرعىزۋ تالونىن جانە اۆيابيلەتتىڭ قۇنىن تولەگەندىگىن راستايتىن قۇجات قوسا بەرىلەدى;
جول ءجۇرۋ بيلەتتەرىن نەمەسە بيلەتتى قايتارعانى/الماستىرعانى ءۇشىن ايىپپۇل تولەگەندەگىن راستايتىن قۇجاتتاردى جوعالتقان جاعدايدا, اتالعان قۇجاتتاردى بەرگەن ۇيىمنىڭ جازباشا راستاۋحاتى ۇسىنىلادى;
ترانزيتتىك ەلدە 12 ساعاتتان ارتىق بولعان جاعدايدا اۆيابيلەتتى بەرگەن اۆياكومپانيانىڭ نەمەسە ۇيىمنىڭ ترانزيتتىك ەلگە كەلگەن ساتىنەن باستاپ جاقىن ۋاقىتتاعى 12 ساعاتقا ءىسساپاردىڭ ءارى قاراي باعىتى بويىنشا رەيسكە اۆيابيلەتتىڭ نەمەسە رەيستىڭ جوق ەكەندىگى تۋرالى حات (انىقتاما) ۇسىنادى.
3) ۆاليۋتا ايىرباستاۋ وپەراتسياسى كەزىندە الىنعان ۆاليۋتا ايىرباستاۋدىڭ باعامى مەن كۇنى كورسەتىلگەن قۇجاتتار.
25. ءىسساپار شىعىستارىن تولەۋگە ارنالىپ بولىنگەن پايدالانىلماعان قاراجاتتىڭ قالدىعىن ەسەپ بەرۋشى ادام ءىسساپار مەرزىمى اياقتالعاننان كەيىن ءۇش جۇمىس كۇنى ىشىندە سىرتقى ىستەر مينيسترلىگىنىڭ كاسساسىنا قايتارۋى ءتيىس.
26. مەملەكەتتىك ورگاننىڭ ىسساپارعا جىبەرىلگەن ادامنىڭ دەبيتورلىق بەرەشەگى بولعان جاعدايدا (قايتىپ ورالعان ساتتەن باستاپ 5 جۇمىس كۇنىنەن استام), سىرتقى ىستەر مينيسترلىگى قازىرگى بار بەرەشەگىن وتەگەنگە دەيىن وسى مەملەكەتتىك ورگاننىڭ قىزمەتكەرلەرىنە ءىسساپار شىعىستارىن تولەۋگە ارنالعان قاراجاتتى ءبولۋدى جۇزەگە اسىرمايدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 29 ءساۋىر نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8438 بولىپ ەنگىزىلدى.