نۇر-سۇلتان قالاسى مادەنيەت جانە سپورت باسقارماسى باسشىسىنىڭ ورىنباسارى بەرىك مارجىقپاەۆ ورتالىق كوممۋنيكاتسيالار قىزمەتىندە وتكەندە بريفينگ بارىسىندا قالا بويىنشا دەنە شىنىقتىرۋ جانە سپورتتى دامىتۋ باعىتىندا اتقارىلىپ جاتقان جۇمىستار تۋرالى ءمالىم ەتتى. بۇل تۋرالى قالا اكىمدىگىنىڭ رەسمي سايتى حابارلادى.
«ەلوردا بۇگىنگى ۋاقىتتا سپورتتىق ءىس-شارالار ورتالىعىنا اينالدى. قازىر سپورت بۇقاراعا قولجەتىمدى بولدى. سوڭعى 5 جىلدا سپورت عيماراتتارىنىڭ سانى 119 نىسانعا ارتتى. بارلىعى 719 سپورت نىسانى (ونىڭ ىشىندە سپورت سارايلارى – 4, جازىقتىق قۇرىلعىلارى – 324, باسسەيندەر – 23, سپورت زالدارى – 215 جانە ت. ب.). ايتا كەتەر بولساق, جاستار اراسىندا جۇگىرۋ جانە ۆەلوسپورت ترەندكە اينالدى. ولاردىڭ اراسىندا اسىرەسە «Astana Bike» تانىمال. ەلوردالىقتارعا ىڭعايلى بولۋ ءۇشىن قالادا 1200-دەن استام ۆەلوسيپەدى بار 186 ۆەلوستانتسيا ورناتىلدى. جىل سايىن ۆەلوجولداردىڭ ۇزىندىعى ارتىپ كەلەدى, تەك وسى جىلى 34 كم قۇرادى. بۇل ەلىمىز بويىنشا ەڭ جاقسى كورسەتكىش», – دەدى بەرىك مارجىقپاەۆ.
بۇدان باسقا, ول مەملەكەت باسشىسىنىڭ تاپسىرماسى بويىنشا «100 دەنە شىنىقتىرۋ-ساۋىقتىرۋ كەشەنىنىڭ» قۇرىلىسى اياسىندا «يلينكا», «كوكتال 2», ء«وندىرىس», «جەلەزنودوروجنىي» تۇرعىن الاپتارىندا 4 دەنە شىنىقتىرۋ-ساۋىقتىرۋ كەشەنىنىڭ قۇرىلىسى جوسپارلانعانىن ايتىپ, ولار 2021 جىلى اياقتالاتىنىن جەتكىزدى.