اتىراۋ وبلىسىنىڭ اكىمى نۇرلان نوعاەۆ «NurOtan» پارتياسىنىڭ وبلىستىق فيليالىندا تۇرعىنداردى جەكە ماسەلەلەرى بويىنشا قابىلدادى.
ايماق باسشىسىمەن كەزدەسۋدە ءوڭىر تۇرعىندارى نەگىزىنەن تۇرمىستىق ماسەلەلەردى كوتەردى. يساتاي اۋدانىنىڭ تۇرعىنى مانشۇك مۇحامبەتوۆا اكىمنەن وبلىس ورتالىعىنان پاتەر الۋعا كومەكتەسۋىن سۇرادى. وتباسىندا 19 جاستاعى مۇگەدەك ۇلى بار. عاليا جالعاسوۆانىڭ وتباسى جەر تەلىمىن الۋ كەزەگىندە 16 جىلدان بەرى تۇر. جولداسى قايتىس بولعاننان كەيىن, كەزەگى اۆتوماتتى تۇردە جويىلعان. زاڭ بويىنشا جەر تەلىمىن ارىز بەرگەن ادام عانا الۋعا قۇقىلى. وسىنداي ساۋالدى باسقا تۇرعىندار دا قويدى, جالعا بەرىلەتىن تۇرعىن ۇيلەرگە قاتىستى دا سۇراقتار بولدى. جاۋاپ بىرەۋ: تۇرعىن ءۇي تەك قانا زاڭ بويىنشا جانە كەزەكپەن بەرىلەدى.
ءبىز كەزەكسىز ءۇي بەرە المايمىز. بەلگىلى ءبىر ەرەجەلەر بار جانە ول بارشاعا ورتاق. سوندىقتان كەزەكتەرىڭىزدى كۇتۋگە تۋرا كەلەدى. وزدەرىڭىزگە بەلگىلى, قازىر تۇرعىن ءۇي قۇرىلىسى قارقىندى ءجۇرىپ جاتىر. تالعايراڭ, نۇرسايا, بەرەكە ىقشاماۋداندارىندا ۇيلەر سالىنۋدا. كەزەكتەرىڭىز كەلگەندە پاتەرلەرىڭىزدى الاسىزدار, دەدى نۇرلان نوعاەۆ.
وبلىس اكىمىنە جۇمىسقا ورنالاسۋعا كومەك سۇراپ كەلگەندەر دە بولدى. بۇرعىلاۋ ينجەنەرى زاير سەيداعاليەۆ وتكەن جىلى جۇمىسىنان شىعىپ كەتكەن, سودان بەرى ماماندىعى بويىنشا جۇمىس تاپپاي ءجۇر. وعان ەڭبەك نارىعىنداعى باسقا دا ۇسىنىستاردى قابىلداۋ كەرەكتىگى ايتىلدى, مەملەكەتتىك باعدارلامالار بويىنشا قايتا وقىتۋدان ءوتىپ, قوسىمشا ماماندىق الۋعا دا بولادى.
تۇرعىندارمەن كەزدەسۋدى قورىتىندىلاعان ايماق باسشىسى ازاماتتاردى قابىلداۋ كەزىندە كوتەرىلگەن ماسەلەلەردىڭ نازاردان تىس قالمايتىنىن ايتتى. ءار ماسەلە باقىلاۋعا الىنادى.
-بۇگىنگى ارەكەتتەرىڭىزگە ەرتەڭ ۇيالماۋ ءۇشىن, كەز كەلگەن جۇمىستى ادال نيەتپەن جانە زاڭ اياسىندا ىستەۋ كەرەك, - دەدى نۇرلان نوعاەۆ.