اقش-تىڭ فرەسنو قالاسىندا كانادالىق البەرت ونولۋنوسەنى ۇرىپ جىققان قازاق كاسىپقوي بوكسشىسى جانىبەك ءالىمحان ۇلى WBC رەيتينگىندە ءبىر ساتىعا جوعارىلادى.
ورتا سالماقتا ونەر كورسەتەتىن قازاقستاندىق قازىرگى كەزدە 15-ورىندى يەلەنۋدە. ال BoxRec تىزىمىندە ءالىمحان ۇلى بىردەن 11 ساتىعا جوعارىلاپ, بۇل كۇندەرى 55 ورىنعا تۇراقتادى. سونىمەن قاتار جۋىق ارادا الەمنىڭ ءار قيىرىندا وتكەن بوكس كەشتەرىندە تابىستى ونەر كورسەتىپ جۇرگەن باسقا دا قازاقستاندىق بىلعارى قولعاپ شەبەرلەرى WBC-ءتىڭ جاڭارتىلعان رەيتينگىندەگى جاعدايلارىن ءبىرشاما جاقسارتتى.
اتاپ ايتساق, بۇگىنگى تاڭدا ءوز سالماق دارەجەلەرى بويىنشا باتىر جۇكەنباەۆ – 12, ءالي احمەدوۆ –14, ۆيكتور كوتوچيگوۆ – 22, قانات يسلام – 23, مەيىرىم نۇرسۇلتانوۆ – 25, سادريددين احمەدوۆ – 27, نۇرسۇلتان جاناباەۆ – 30, ايدوس ەربوسىن ۇلى – 33 جانە ماديار اشكەەۆ 39 ساتىلارعا جايعاستى.