مۇنداي نۇسقا 2020 جىلدىڭ 1 قاڭتارىنان باستاپ كۇشىنە ەنەدى. جانە بۇل وزگەرىستەر ۇلتتىق بانكتىڭ ميكروقارجى ۇيىمدارىنىڭ نارىعىن جاڭا جولمەن رەتتەيتىن تۇزەتۋلەرىندە بار ەكەن.
ەگەر بۇگىندە قارجى ۇيىمدارى قارىز الۋشىعا 8 مىڭ اەك (شامامەن 20 ميلليون تەڭگە) كولەمىندە نەسيە بەرە الاتىن بولسا, وندا 1 قاڭتاردان باستاپ نەسيەنىڭ ەڭ جوعارى مولشەرى 20 مىڭ اەك بولادى - 50 ميلليوننان ءسال استام.
«بۇل وپتسيا شاعىن قارجى ۇيىمدارىنىڭ قارىز الۋشىلارىنىڭ شەڭبەرىن ەداۋىر كەڭەيتەدى, ولاردىڭ قۇرامىنا ورتا بيزنەس كىرەدى. قازىردىڭ وزىندە قارجى ۇيىمدارىنىڭ تۇراقتى كليەنتتەرى نەسيە كولەمىن ۇلعايتۋدى سۇرايدى» دەدى ميكروقارجى ۇيىمدارى قاۋىمداستىعىنىڭ ديرەكتورى ەربول ومارحانوۆ.
سونداي-اق جاڭا قۇجات قارجىگەرلەرگە قارىز الۋشىنى باعالاۋعا مۇقيات قاراۋعا مۇمكىندىك بەرەدى.
قارىزدار كوەففيتسيەنتىن ەسەپتەۋدەگى جاڭاشىلدىقتار اياسىندا قارىز الۋشىنىڭ نەسيەلىك قابىلەتىن الدىن الا باعالاۋدىڭ قوسىمشا كەزەڭىن ەنگىزۋ جوسپارلانۋدا. وتباسىنىڭ ءاربىر كامەلەتكە تولماعان مۇشەسىنە ەڭ تومەنگى كۇنكورىس مينيمۋمى مەن ەڭ تومەنگى كۇنكورىس دەڭگەيىنىڭ جارتىسىن الدىمەن قارىز الۋشىنىڭ كىرىستەرىنەن الىپ تاستاۋ ۇسىنىلادى.
«بۇرىن رەتتەلمەگەن نەسيەلەۋ سەكتورى ەندى ۇلتتىق بانكتىڭ قاراۋىندا بولادى. بارلىق نەسيە ۇيىمدارى نەسيە بيۋروسىنا اقپارات ۇسىنۋعا مىندەتتى. قارىز الۋشىنىڭ تولەم قابىلەتتىگىن جاقسىراق باعالايمىز, ويتكەنى اقپارات كولەمى ارتادى» دەپ قورىتىندىلادى سپيكەر.
الماتى
.