وتكەن سەيسەنبى-سارسەنبى كۇندەرى فۋتبولدان چەمپيوندار ليگاسىنىڭ توپتىق كەزەڭدەگى 4-تۋر ويىندارى ءوز مارەسىنە جەتتى. «يۋۆەنتۋس», «باۆاريا» جانە پسج كوماندالارى وتكەن تۋردا قارسىلاستارىنان باسىم ءتۇسىپ, مەرزىمىنەن بۇرىن پلەي-وفف كەزەڭىنە جولداما الدى.
توپتىق كەزەڭدەگى ءتورتىنشى ماتچتا يتاليانىڭ «يۋۆەنتۋس» كومانداسى سىرت الاڭدا ماسكەۋدىڭ «لوكوموتيۆ» كلۋبىنان 2:1 ەسەبىمەن باسىم ءتۇستى. وسى جەڭىسىنەن كەيىن تۋرين كومانداسى 10 ۇپاي جيناپ, توپتان ءبىرىنشى بولىپ كەلەسى كەزەڭگە جولداما الدى. ال گەرمانيانىڭ «باۆاريا» كومانداسى ءوز الاڭىندا گرەكيانىڭ «وليمپياكوسىن» قابىلداپ, 2:0 ەسەبىمەن جەڭىسكە جەتتى. ءتورت تۋردا ميۋنحەن كومانداسى 12 ۇپاي يەلەنىپ, پلەي-وفف كەزەڭىنىڭ ماسەلەسىن مەرزىمىنەن بۇرىن شەشىپ قويدى.
سونداي-اق فرانتسيانىڭ پسج كومانداسى دا چەمپيوندار ليگاسىنىڭ 1/16 كەزەڭىنە جولداما الدى. 4-تۋر اياسىندا پاريج كومانداسى ءوز الاڭىندا بەلگيانىڭ «بريۋگگە» كومانداسىمەن كەزدەسىپ, 1:0 ناتيجەسىمەن جەڭدى. وسىلايشا ءتورت ويىننان كەيىن 12 ۇپايمەن پلەي-وفف ساتىسىنا شىقتى.