بۇگىنگى تاڭدا جامبىل وڭىرىندە قۇرىلىس قارقىندى ءجۇرىپ جاتىر دەسەك تە, وبلىس بويىنشا قۇرىلىس زاڭدىلىقتارىن بۇزىپ سالىنعان كاسىپكەرلىك نىساندار ءبىرتالاي بولىپ تۇر. جامبىل وبلىستىق ساۋلەت جانە قالا قۇرىلىسى باسقارماسى باسشىسىنىڭ مىندەتىن اتقارۋشى داۋلەت دوسانوۆ وبلىس اۋماعىندا قىزىل سىزىق نورمالارىن بۇزىپ جۇرگىزىلگەن 35 قۇرىلىس نىسانى انىقتالعانىن ايتتى.
ونىڭ ىشىندە 11 نىسان بۇزىلعان بولسا, 20 نىسان سوت ورگاندارىنىڭ قاراۋىندا ەكەن. ال قالعان 4 نىساندارعا قاتىستى تالقىلاۋ جۇرگىزىلۋدە.
«جۇيەلى تۇردە اتالعان ماسەلەنى باقىلاۋدا ۇستاۋ ءۇشىن قۇرىلىس نىساندارىنىڭ ەلەكتروندىق دەرەكتەر بازاسىنا ەنگىزىلىپ, نىسانداردى جەدەلدەتىپ انىقتاپ, شارا قولدانۋعا مۇمكىندىك بەرەدى» دەيدى داۋلەت دوسانوۆ.
اتاپ ايتساق, تاراز قالاسىنان 3, جامبىل اۋدانىنان 2, ت.رىسقۇلوۆ اۋدانىنان 3 جانە قورداي اۋدانىنان 3 نىسان, بارلىعى 11 نىسان مەنشىك يەلەرىنىڭ ءوز ەركىمەن بۇزىلعان. سول سياقتى تاراز قالاسىنان 19 جانە ت.رىسقۇلوۆ اۋدانىنان 1 نىسان, بارلىعى 20 نىسانعا قاتىستى ءتيىستى شارالار قولدانۋ ءۇشىن ماتەريالدار سوتقا جولدانعان. ال مەركى اۋدانىنداعى 1 نىسانعا قاتىستى جامبىل وبلىستىق مەملەكەتتىك ساۋلەت باقىلاۋ باسقارماسى تاراپىنان ايىپپۇل سالىنعان بولسا, قورداي اۋدانىنداعى 2 نىسان بويىنشا پايدالانۋعا قابىلداۋ اكتى مەن م ۇلىكتى جاريا ەتۋ كوميسسياسىنىڭ حاتتاماسى تىركەلگەنى انىقتالعان. سونىمەن قاتار تاراز قالاسىنداعى 1 نىساننىڭ يەسىنىڭ قايتىس بولۋىنا بايلانىستى شارا قولدانۋ مۇمكىن بولماي تۇر ەكەن.
جامبىل وبلىسى