دالا ديدارى

قىلقالام شەبەرى دالا حا­لىقتارىنىڭ داستۇرىنە, مادە­نيەتى مەن تۇرمىسىنا اسقان سەزىمتالدىقپەن دەن قويعان. كەز كەلگەن تۋىندىگەر اڭعارا بەرمەيتىن جەكە قۇبىلىستارعا جان-جاقتى كوز­قاراسپەن ۇمتىلىسى سۋرەت­شىنى ۇلتتىق تا­قىرىپتىڭ ەتنورومانتيكالىق بيىك ساتىسىنا جەتەلەيدى. تانىم مەن تاعىلىم, ۇلت تاري­حىنىڭ بويا­ماسىز بەينەسى, ءدا­ۋىر شىندىعى سۋرەتشىنىڭ شى­عارماشىلىق كرەدوسى دەرسىز.

ول سۋرەتشى رەتىندە دە, پەداگوگ رەتىندە دە قازاق زاماناۋي كەسكىندەمە مەكتەبىنىڭ دامۋىنا زور ۇلەس قوستى. ۇس­تاز­دىقپەن وتكەن 25 جىل ىشىن­دە و.تاڭسىقباەۆ اتىن­داعى الماتى ساندىك-قول­دان­بالى ونەر كوللەدجىنىڭ قا­بىر­عا­سىندا ەرەن جۇيرىك سۋرەت­شىلەردىڭ تۇتاس ءبىر شوعىرىن شىڭداپ شىعاردى. شاكىرتتەرى قازىرگى تاڭدا «باقتىگەرەەۆتىڭ مەكتەبى» سۋرەت ونەرىندە وزىنە ءتان ورنەگىن قالىپتاستىرعان, ۇلتتىق مىنەزگە باي مەكتەپ ەكەنىن دالەلدەپ كەلەدى.

ءا.قاستەەۆ اتىنداعى ونەر مۋزەيىندەگى «الاۋ» دەپ اتالعان كورمەنىڭ ەكسپوزيتسياسىنداعى باق­تىگەرەەۆ شىعارما­شى­لى­عى­نىڭ ءارتۇرلى كەزەڭىن قام­تىعان 80-گە جۋىق كەسكىن­دەمەلىك كارتينا كورەرمەننىڭ ويى مەن كوڭىلىن تەرەڭگە تارتادى. بۇل تۇرعىدا دارىن­دى قىلقالام شەبەرىنىڭ «كوش», «باتىر», «كۇننىڭ با­تۋى», «اۋەز», ء«ومىر», «كەش» سەكىل­دى اسەرلى دە اۋەزدى شىعار­ما­لارىن ايرىقشا اتاي كەتكەن ءجون. كورمەدە سونىمەن قاتار سۋرەتشىنىڭ حالىقارالىق جانە رەسپۋبليكالىق كونكۋرس­تاردا توپ جارىپ جۇرگەن شاكىرت­تەرىنىڭ تۋىندىلارى دا توپ­تاس­تىرىلىپتى. بۇل ءوز كەزە­گىندە دەگدار ونەردىڭ تەرەڭ دىڭىنەن ءنار الىپ, ونەگەلى ءومى­­رىن ۇستازدىق جولمەن ۇش­تاستىرعان تۋىندىگەردىڭ ىزدە­نىس ىزدەرى كەڭگە قانات جاي­عانىن ايگىلەيدى.

«ونىڭ شىعارماشىلىق الەمى ۇلتتىق ءداستۇر باي­لى­عىمەن تىعىز بايلانىستى. ول ادام جانىنىڭ جىلۋىن ءدال, انىق بەرەتىن تەحنيكالاردى ارتىق كورەدى. كوركەمدىك ءستيلى مەن قولتاڭباسى, تاقى­رىپتارى مەن سيۋجەتتەرى ەرەكشە. «الاۋ» توپتىق كورمە ەكەندىگىنە قاراماستان, ەكسپو­زيتسيانىڭ باستى بولىگىن ءا. باقتىگەرەەۆتىڭ تۋىندىلارى قۇرايتىندىقتان, كورمەنى بەينەلەۋ ونەرى شەبەرىنىڭ وزىندىك ءبىرىنشى جەكە كورمەسى دەپ اي­تۋعا بولادى», – دەيدى كورمە جە­تەكشىسى ەركەجان وماروۆا.

الماتى