ەلوردانىڭ بارلىق اۋدانىن قاردان تازارتۋ, كوكتايعاقتىڭ الدىن الۋ ءۇشىن قۇم-تۇز قوسپاسىن سەبۋ جۇمىستارى جۇرگىزىلىپ جاتىر. وعان بارلىعى 564 تەحنيكا مەن 1800-دەن استام ادام جۇمىلدىرىلدى. بۇل تۋرالى اكىمدىكتىڭ ءباسپاسوز قىزمەتى حابارلادى.
بۇگىن, ياعني 6 قاراشا كۇنى قالانى سانيتارلىق تازالاۋعا 564 بىرلىك ارنايى تەحنيكا جۇمىلدىرىلىپ, ونىڭ ىشىندە 163-ءى كۇشەيتىلگەن رەجىمگە كوشۋگە ءازىر وتىر.
«الماتى» اۋدانىندا 129 بىرلىك تەحنيكا مەن 430 جول جۇمىسشىسى قىزمەت ەتۋدە. ونىڭ ىشىندە «كۇتۋ رەجىمىنە» كوشۋگە 14 تەحنيكا دايىن وتىر. «بايقوڭىر» اۋدانىندا 90 بىرلىك پەن 360 جول جۇمىسشىسى جۇمىلدىرىلعان. ونىڭ ىشىندە «كۇتۋ رەجىمىندە» ارنايى 30 ماشينا دايىن وتىر. «ەسىل» اۋدانى – 187 بىرلىك تەحنيكا مەن 543 جول جۇمىسشىسى, «كۇتۋ رەجىمىندە» ارنايى 78 بىرلىك ماشينا بار. «سارىارقا» اۋدانىندا 158 بىرلىك پەن 491 جول جۇمىسشىسى بار, «كۇتۋ رەجيمىندە» ارنايى 41 بىرلىك تەحنيكا بار.
ايتا كەتۋ كەرەك, تۇرعىن ءۇي-كوممۋنالدىق ماسەلەلەر بويىنشا, سونىڭ ىشىندە قار تازالاۋ بويىنشا تاۋلىك بويى iKomek مونيتورينگ جانە جەدەل ارەكەت ەتۋ ورتالىعىنا 109 نومىرىنە قوڭىراۋ شالىپ حابارلاسۋعا بولادى. سونداي-اق ءوتىنىشتى نەمەسە شاعىمدى اكىمدىكتىڭ رەسمي سايتىنا دا, www.astana.gov.kz, Telegram چاتتا https://t.me/nursultanikomek109_bot, iKOMEK109 موبيلدىك قوسىمشاسىندا, سونداي-اق +7-747-109-0-109 ءنومىرى بويىنشا Whatsapp, ikomek109 چات-بوتىندا قالدىرۋعا بولادى.