«100 جاڭا ەسىم» جوباسىنىڭ ءىىى ماۋسىمىنىڭ داۋىس بەرۋ كەزەڭى باستالدى. داۋىس بەرۋ كەزەڭى 20 قاراشاعا دەيىن جالعاسپاق.
«قازاقستاندىق جاس كاسىپكەرلەر اراسىنان – 129 ادام, اق حالاتتى ابزال جاستاردان – 106 ادام, مادەنيەت جاستارىنان – 373 ادام, قوعام بەلسەندىلەرىنەن – 307 ادام, سالاۋاتتى ءومىر سالتىن ۇستاناتىن – 411 ادام, عىلىم-ءبىلىم جولىندا ەڭبەك ەتىپ جۇرگەن – 336 ادام, جانە ت.ب. قازاقستاندىق جاستىڭ جانە قىتاي مەن رەسەيدەگى قازاق جاستارىنىڭ ءوتىنىمى قابىلداندى.
جاس تا بولسا ءبىرشاما جەتىستىكتەرگە جەتكەن زامانداستارىمىزدى قولداۋعا, داۋىس بەرۋگە, جەڭىمپازدى انىقتاۋعا اتسالۋعا شاقىرامىن. ەل ءبىلۋى كەرەك دەپ ەسەپتەيتىن قىز-جىگىتتەردى, «قازاقستاننىڭ 100 جاڭا ەسىمىن» بىرگە انىقتالىق!
قالاي داۋىس بەرۋ كەرەك؟
https://100janaesim.ruh.kz/ سىلتەمەسى ارقىلى, نە كەز كەلگەن ىزدەۋ جۇيەسى ارقىلى جوبانىڭ نەگىزگى سايتىنا ءوتىپ, ءتىنتۋىردى قالاعان قاتىسۋشىڭىزعا جاقىنداتساڭىز «داۋىس بەرۋ» تەتىگى شىعادى. سول تەتىكتى ءبىر رەت باسۋ ارقىلى ءسىز انكەتاعا وتە الاسىز. انكەتانىڭ (قاتىسۋشى فوتوسىنىڭ) استىندا تۇرعان «داۋىس بەرۋ» تەتىگىن تاعى باسقان سوڭ, جۇيە سىزدىڭ ەلەكتروندى مەكەن-جايىڭىزدى سۇرايدى. ەلەكتروندى مەكەن-جايدى ەنگىزۋ ارقىلى قۇپيا كود الا الاسىز. قۇپيا كودتى كورسەتىلگەن جەرگە جازۋ ارقىلى ءسىز قاتىسۋشىعا داۋىس بەرە الاسىز.
ءبىر ادام ءبىر عانا داۋىس بەرە الادى», دەلىنگەن حابارلامادا.