ءماجىلىس سپيكەرى نۇرلان نىعماتۋليننىڭ توراعالىعىمەن پالاتانىڭ بيۋرو وتىرىسى ءوتتى. وندا الداعى جالپى وتىرىستىڭ كۇن ءتارتىبى ناقتىلاندى, دەپ حابارلادى ءماجىلىستىڭ ءباسپاسوز قىزمەتى.
الداعى سارسەنبىدە ءماجىلىس دەپۋتاتتارى اكىمشىلىك-اۋماقتىق قۇرىلىسى, مەملەكەتتىك باسقارۋ جۇيەسىن جانە بيۋدجەتارالىق قاتىناستاردى جەتىلدىرۋ ماسەلەلەرى تۇزەتۋلەرگە قاتىستى زاڭ جوباسىن ءبىرىنشى وقىلىمدا قارايتىن بولادى. ول زاڭنامالىق جاڭالىقتار جەرگىلىكتى بيۋدجەت كىرىستەرىن ارتتىرۋعا باعىتتالادى دەپ كۇتىلۋدە.
ال تاريحي-مادەني مۇرا وبەكتىلەرىن قورعاۋ جانە پايدالانۋ مەن وعان ىلەسپە زاڭ جوباسى ەكىنشى وقىلىمدا قارالماق.
وسى كۇنى دەپۋتاتتار تالقىسىنا 1994 جىلعى 10 جەلتوقسانداعى قازاقستان مەن رەسەي «بايقوڭىر» كەشەنىن جالعا بەرۋ شارتىنا وزگەرىس ەنگىزۋ تۋرالى ۇكىمەتارالىق حاتتامانى راتيفيكاتسيالاۋعا قاتىستى زاڭ جوباسى ۇسىنىلادى.
الداعى سارسەنبىدە ءماجىلىس جۇمىسقا الاتىن زاڭ جوبالارى قاتارىندا بىرقاتار راتيفيكاتسيالىق قۇجاتتار بار. ولار: 2014 جىلعى 15 تامىزداعى كولىك قۇرالى پاسپورتىنىڭ (كولىك قۇرالىنىڭ ءشاسسيى پاسپورتىنىڭ) جانە وزدىگىنەن جۇرەتىن ماشينا جانە تەحنيكانىڭ باسقا دا تۇرلەرى پاسپورتىنىڭ بىرىڭعاي نىساندارىن ەنگىزۋ جانە ەلەكتروندى پاسپورتتار جۇيەلەرىن ۇيىمداستىرۋ تۋرالى كەلىسىمگە ارمەنيانىڭ قوسىلۋى تۋرالى, 2012 جىلعى 11 مامىرداعى قازاقستان مەن قىرعىزستان اراسىنداعى قازاقستان ازاماتتارىنىڭ قىرعىزستان اۋماعىندا جانە قىرعىزستان ازاماتتارىنىڭ قازاقستان اۋماعىندا بولۋ ءتارتىبى تۋرالى ۇكىمەتارالىق كەلىسىمگە وزگەرىستەر ەنگىزۋ تۋرالى حاتتامالاردى, سونىمەن قاتار 2006 جىلعى 6 قاراشاداعى قازاقستان ۇكىمەتى مەن ارمەنيا ۇكىمەتى اراسىنداعى تابىس پەن م ۇلىككە سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسيا جانە وعان حاتتاما شەڭبەرىندە قازاقستان مەن ارمەنيا ۋاكىلەتتى ورگاندارى بەرگەن رەزيدەنتتىكتى راستايتىن رەسمي قۇجاتتاردى تانۋ ءتارتىبى تۋرالى نوتالار الماسۋ نىسانىنداعى كەلىسىمدى راتيفيكاتسيالاۋ تۋرالى زاڭ جوبالارى.
سونداي-اق جالپى وتىرىستا تەمىر جول كولىگى ماسەلەلەرىنە قاتىستى تۇزەتۋلەرگە وراي قورىتىندى ازىرلەۋ مەرزىمى بەكىتىلەتىن بولادى.