قازاقستان – ەلەكتروندى مەملەكەتتىك قىزمەتتەردى دامىتۋ بويىنشا كوشباسشى. بۇل تۋرالى Digital Bridge حالىقارالىق تەحنولوگيالىق فورۋمى بارىسىندا Tech Farm باسقارۋشى سەرىكتەسى امان تەنتيەۆ مالىمدەدى. ونىڭ ايتۋىنشا, قىرعىزستاننىڭ ەلەكتروندى مەملەكەتتىك قىزمەتتەردىڭ دامۋىن قامتيتىن تسيفرلاندىرۋ باعدارلاماسى 2017 جىلى ىسكە قوسىلدى, ال قازاقستانداعى ەلەكتروندى ۇكىمەت قىزمەتى 13 جىلدان بەرى جۇمىس ىستەپ كەلەدى.
«قازاقستان – وڭىردەگى ەلەكتروندى مەملەكەتتىك قىزمەتتەردى دامىتۋداعى كوشباسشى ەل. ازاماتتار ونلاين تىركەلىپ, ينتەرنەت ارقىلى كاسىپكەرلىك اشا الادى. بىلۋىمشە, بۇل – ەلدەرىڭىزدە بەس-التى جىل بۇرىن ەنگىزىلگەن قىزمەت. قازاقستان بۇل باعىتقا قوماقتى ينۆەستيتسيا جۇمساعان, سايكەسىنشە ناتيجەسىن كورىپ كەلەدى», – دەيدى تەنتيەۆ.
سونىمەن قاتار ا.تەنتيەۆ تانىمال مەسسەندجەرلەر مەن الەۋمەتتىك جەلىلەر ارقىلى مەملەكەتتىك قىزمەتتەردى الۋ جولدارىنا جوعارى باعا بەردى. «ازىرگە قىرعىزستاندا بارلىعى مەملەكەتتىك قىزمەتتەر پورتالىنا تسيفرلى قولتاڭبامەن كىرۋ ارقىلى جۇزەگە اسىپ جاتىر. بولاشاقتا ءبىز دە قازاقستاننىڭ تاجىريبەسىن ەسكەرىپ, قىزمەتتەردى الەۋمەتتىك جەلىلەر ارقىلى كورسەتۋدى جوسپارلاپ وتىرمىز», – دەپ تولىقتىردى ول.
ساراپشىنىڭ پىكىرىنشە, ازاماتتارعا تسيفرلى قىزمەتتەردى پايدالانۋدى ۇيرەتۋ كوپ ۇزاماي ءوز جەمىسىن بەرەدى. «بارلىق ادام مەملەكەتتىك قىزمەتتەردى جىلدام ءارى وڭاي العىسى كەلەدى. ەشكىم دە حقو-عا قىزمەتتەردى الۋ ءۇشىن ارنايى بارعىسى كەلمەيدى, سوندىقتان تەلەگرام بوتتارى مەن ءموبيلدى قوسىمشالار سياقتى قىزمەتتەردى الۋدىڭ بالاما ادىستەرى داميدى», دەيدى ول.
ەسكە سالا كەتەيىك, وتكەن اپتادا نۇر- سۇلتاندا Digital Bridge حالىقارالىق تەحنولوگيالىق فورۋمى ءوتتى. وعان ءارتۇرلى ەلدەن IT-شەشىمدەر, تسيفرلى تەحنولوگيالار جانە ت.ب. سالا ساراپشىلارى قاتىستى.