سەمەي قالاسى اكىمدىگى جانىنداعى اقپاراتتىق ورتالىق ءوز قىزمەتىن باستادى. ورتالىق ء«بىر تەرەزە» قاعيداتى بويىنشا حالىققا قىزمەت كورسەتەتىن بولادى. سالتاناتتى اشىلۋ راسىمىنە اكىمدىك قىزمەتكەرلەر, قوعامدىق ۇيىمداردىڭ وكىلدەرى جانە باق وكىلدەرى قاتىستى.
جاقىندا عانا وبلىس اكىمى دانيال احمەتوۆ حالىققا ەلەكتروندىق قىزمەت كورسەتۋ دەڭگەيىن قاتاڭ سىنعا العان بولاتىن, - دەدى قالا اكىمى ەرماك ءسالىموۆ, بۇگىن وبلىس اكىمىنىڭ تاپسىرماسىن ورىنداي وتىرىپ, ءبىز فرونت-كەڭسەنى ىسكە قوسامىز. ءبىز ءۇشىن بۇل جاڭا جوبا, سوندىقتان باستاپقى كەزەڭدە دە بەلگىلى ءبىر قيىندىقتار بولادى دەپ ويلامايمىز. ءبىز حالىقتىڭ تۇيتكىل ماسەلەسىن شەشۋدە ءتيىمدى جۇمىس جاساي الاتىنىمىزعا سەنىمدىمىز.
اقپاراتتىق ورتالىقتىڭ جۇمىسى حالىققا قىزمەت كورسەتۋ ورتالىقتارى قاعيداتى بويىنشا, ياعني ء«بىر تەرەزە» قاعيداتى بويىنشا قۇرىلاتىن بولادى. مۇندا ازاماتتارعا قالا اكىمى اپپاراتى, سونداي-اق اكىمدىكتىڭ دەربەس سالالىق بولىمدەرى كورسەتەتىن مەملەكەتتىك قىزمەتتەردىڭ بارلىق تىزبەسى كورسەتىلەتىن بولادى. سونىمەن قاتار ءاربىر ازامات اكىمدىكتىڭ سالالىق بولىمدەرىنىڭ ماماندارىنا وزدەرىن تولعاندىرعان سۇراقتارىن قويىپ, پروبلەمالىق ماسەلەلەر بويىنشا كەڭەس الا الادى. سونداي-اق مۇندا ازاماتتار جازباشا ارىزدارعا, وتىنىشتەر مەن شاعىمدارعا جاۋاپ الا الادى. جۇمىس كۇندەرى فرونت-كەڭسە تاڭعى ساعات 9.00-دەن كەشكى 18.30-عا دەيىن ىستەيتىن بولادى.