«پوليلوگ 2019» بايقاۋىن «جاس Star» قوعامدىق بىرلەستىگى وبلىستىق جاستار ءىسى جونىندەگى باسقارما جانە سىبايلاس جەمقورلىققا قارسى اگەنتتىكتىڭ قوستاناي وبلىسى بويىنشا دەپارتامەنتىمەن بىرلەسىپ وڭىردە ءبىرىنشى رەت وتكىزدى.
ا. بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىندەگى تسيفرلىق حابتا وتكەن بايقاۋعا وبلىس وڭىرىندەگى جوعارى وقۋ ورىندارىنىڭ ستۋدەنتتەرى قاتىستى. بايقاۋدىڭ شارتى بويىنشا قاتىسۋشىلار وزدەرىنىڭ تاقىرىبىن تىركەلۋ كەزىندە جەرەبە ارقىلى ءبىر-اق ءبىلدى. ءسۇت ءپىسىرىم ۋاقىت دايىندىقتان كەيىن قاتىسۋشىلار قازىلار القاسى مەن جۇرتشىلىق الدىندا 5 مينۋت عانا سويلەپ, ءوزىنىڭ پىكىرىن دالەلدەۋى, شەشەندىگىن كورسەتۋى ءتيىس بولدى.
«وسىنداي فورماتتاعى بايقاۋلار امەريكادا, ەۋروپادا جاقسى تابىسپەن وتەدى. قوستانايدا كۆن, دەباتتار سەكىلدى جاستار قوزعالىسى دامىپ كەلەدى, بىراق اسىل ءسوز, شەشەندىك بايقاۋى العاش رەت وتكىزىلدى. بايقاۋ ويىن تۇرىندە وتكىزىلسە دە, جاستارعا وتكىر ماسەلەلەردى كوتەرۋگە, ءوزىن ءوزى دامىتۋعا, بەلسەندى ازاماتتىق پوزيتسيادا بولۋعا, مادەنيەتىن تاربيەلەۋگە ۇيرەتەدى» دەيدى وبلىستىق سىبايلاس جەمقورلىققا قارسى قىزمەتتىڭ باس مامانى ەۆگەني بەدىچ.
قاتىسۋشىلار ءۇش ساعاتقا سوزىلعان جارىستا وزدەرىنىڭ پاراسات بيىگىن, قوعامداعى ەكونوميكالىق جانە ساياسي ۇدەرىستەر وزەكتىلىگىن دالەلدەۋدە ءبىلىم قارىمىن جانە اكتەرلىك شەبەرلىگىن كورسەتە ءبىلدى. جارىستىڭ جەكەلەي قورىتىندىسىندا ءو.سۇلتانعازين اتىنداعى قوستاناي مەملەكەتتىك پەداگوگيكالىق ۋنيۆەرسيتەتىنىڭ ستۋدەنتى گۇلجانار قۋەكەسوۆا ءى ورىن, رۋدنىي يندۋستريالدىق ينستيتۋتىنىڭ ستۋدەنتى ۆاديم كيرسانوۆ پ ورىن, ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىنىڭ ستۋدەنتى ۆيكتوري ۋسانينا ش ورىن الدى. ال كوماندالىق ەسەپتە ءى ورىندى الاڭ يەلەرى, پ ورىندى رۋدنىي يندۋستريالدىق ينستيتۋتىنىڭ, ش ورىندى ءو.سۇلتانعازين اتىنداعى قوستاناي مەملەكەتتىك پەداگوگيكالىق ۋنيۆەرسيتەتىنىڭ كوماندالارى جەڭىپ الدى.