بەيجىڭدە «سيانشان» قاۋىپسىزدىك ماسەلەلەرى بويىنشا IX بەيجىڭ فورۋمىنىڭ اشىلۋى ءوتتى. قازاقستاندىق تاراپتان قورعانىس ءمينيسترى نۇرلان ەرمەكباەۆ باستاعان دەلەگاتسيا قاتىستى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
بۇگىن العاشقى پلەنارلىق وتىرىس ءوتتى. وندا قورعانىس ۆەدومستۆولارىنىڭ وكىلدەرى ءىرى دەرجاۆالاردىڭ قارىم-قاتىناستارى مەن حالىقارالىق ءتارتىپتى تالقىلادى.
فورۋم اياسىندا بارلىعى ءتورت پلەنارلىق وتىرىس وتەدى. ونىڭ بارىسىندا قاتىسۋشىلار جاھاندىق قاۋىپسىزدىك, اسكەري سالاداعى حالىقارالىق باقىلاۋ جۇيەسى ماسەلەلەرىن جانە تاعى باسقانى تالقىلايدى.
ودان باسقا, «CATIC» قىتاي ۇلتتىق اەروعارىش يمپورتتىق-ەكسپورتتىق كورپوراتسياسىنا جانە قوسالقى بولشەكتەردى ساقتاۋعا ارنالعان اۆتوماتتاندىرىلعان قويماعا بارادى.