سەيسەنبى, 2 ءساۋىر 2013 0:48
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ, گرانتتارىن تاپسىرۋ جانە العىسىن جاريالاۋ قاعيدالارىن بەكىتۋ تۋرالى
قازاقستان رەسپۋبليكاسىنىڭ قوعامدىق-ساياسي, الەۋمەتتىك-ەكونوميكالىق جانە مادەني ءومىرىن جاريالاپ-كورسەتۋدىڭ ساپاسىن ارتتىرۋ جانە جۋرناليستەردىڭ كاسىبي ءوسۋىن ىنتالاندىرۋ ماقساتىندا:1. قوسا بەرىلىپ وتىرعان:1) قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ, گرانتتارىن تاپسىرۋ جانە العىسىن جاريالاۋ قاعيدالارى (1-قوسىمشا);2) قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىعى لاۋرەاتىنىڭ ديپلومى مەن توسبەلگىسىنىڭ, گرانتى يەگەرى كۋالىگىنىڭ جانە العىسىنىڭ سيپاتتاماسى (2-قوسىمشا) بەكىتىلسىن.
سەيسەنبى, 2 ءساۋىر 2013 0:48
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ, گرانتتارىن تاپسىرۋ جانە العىسىن جاريالاۋ قاعيدالارىن بەكىتۋ تۋرالى
قازاقستان رەسپۋبليكاسىنىڭ قوعامدىق-ساياسي, الەۋمەتتىك-ەكونوميكالىق جانە مادەني ءومىرىن جاريالاپ-كورسەتۋدىڭ ساپاسىن ارتتىرۋ جانە جۋرناليستەردىڭ كاسىبي ءوسۋىن ىنتالاندىرۋ ماقساتىندا:1. قوسا بەرىلىپ وتىرعان:1) قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ, گرانتتارىن تاپسىرۋ جانە العىسىن جاريالاۋ قاعيدالارى (1-قوسىمشا);2) قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىعى لاۋرەاتىنىڭ ديپلومى مەن توسبەلگىسىنىڭ, گرانتى يەگەرى كۋالىگىنىڭ جانە العىسىنىڭ سيپاتتاماسى (2-قوسىمشا) بەكىتىلسىن.
2. «قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارى مەن گرانتتارىن تاعايىنداۋ تۋرالى» قازاقستان رەسپۋبليكاسى پرەزيدەنتىنىڭ 1997 جىلعى 19 ماۋسىمداعى №3556 وكىمىنىڭ كۇشى جويىلدى دەپ تانىلسىن (قازاقستان رەسپۋبليكاسىنىڭ ءپۇاج-ى, 1997 ج., №27, 239-قۇجات; 1999 ج., №39, 331-قۇجات; 2005 ج., №22, 268-قۇجات).
قازاقستان رەسپۋبليكاسىنىڭ پرەزيدەنتى ن.نازارباەۆ.استانا, اقوردا, 2013 جىلعى 22 ناۋرىز. № 190.
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ, گرانتتارىن تاپسىرۋ جانە العىسىن جاريالاۋ قاعيدالارى
قازاقستان رەسپۋبليكاسى
پرەزيدەنتىنىڭ 2013 جىلعى 22 ناۋرىزداعى
№ 190 وكىمىنە 1-قوسىمشا
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارىسالاسىنداعى سىيلىقتارىن بەرۋ, گرانتتارىن تاپسىرۋ جانە العىسىنجاريالاۋ
قاعيدالارى
I. جالپى ەرەجەلەر
1. قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ, گرانتتارىن تاپسىرۋ جانە العىسىن جاريالاۋدىڭ وسى قاعيدالارى (بۇدان ءارى – قاعيدالار) قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ, گرانتتارىن تاپسىرۋ جانە العىسىن جاريالاۋ ءتارتىبىن ايقىندايدى.
2. مەدياكەڭىستىكتى دامىتۋعا ۇلەس قوسقان تالانتتى جۋرناليستەردى ىنتالاندىرۋ ماقساتىندا ولار مىناداي سىيلىققا ۇسىنىلۋى مۇمكىن:
1) قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى جىل سايىنعى سىيلىقتارى (بۇدان ءارى – سىيلىقتار);
2) قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى جىل سايىنعى گرانتتارى (بۇدان ءارى – گرانتتار).
3. بۇقارالىق اقپارات قۇرالدارىنىڭ شىعارماشىلىق ۇجىمدارى (باسپا بۇقارالىق اقپارات قۇرالدارى, تەلە- جانە راديوارنالار, باعدارلامالار, رەداكتسيالار, ينتەرنەت-رەسۋرستار, سونداي-اق بۇقارالىق اقپارات سالاسىندا جۇمىس ىستەيتىن جانە جۋرناليستىك قىزمەتتىڭ دامۋىنا ىقپال ەتەتىن ۇيىمدار) قازاقستان رەسپۋبليكاسى پرەزيدەنتىنىڭ العىسىن (بۇدان ءارى – العىس) جاريالاۋ ءۇشىن ۇسىنىلۋى مۇمكىن.
4. سىيلىق جۋرناليستەرگە:
«قازاقستان-2050» ستراتەگياسىن – قالىپتاسقان مەملەكەتتىڭ جاڭا ساياسي باعىتىن», پرەزيدەنتتىڭ قازاقستان حالقىنا جىل سايىنعى جولداۋلارىن, مەملەكەتتىك باعدارلامالاردى ىسكە اسىرۋ بارىسىن جاريالاپ-كورسەتۋگە;
قازاقستاندىق ءپاتريوتيزمدى قالىپتاستىرۋعا, قوعامدا ۇلتارالىق جانە كونفەسسياارالىق كەلىسىمدى نىعايتۋعا;
دەموكراتيالىق ساياسي مادەنيەتتى قالىپتاستىرۋعا جانە ازاماتتىق قوعام ينستيتۋتتارىن دامىتۋعا;
قازاقستان جۋرناليستيكاسىنىڭ, ۇلتتىق بۇقارالىق اقپارات قۇرالدارىنىڭ دامۋىنا;
شەتەلدىك بۇقارالىق اقپارات قۇرالدارىنداعى مەملەكەتتىڭ وڭ ءيميدجىن نىعايتۋعا;
جۋرناليستيكانىڭ ستيلدەرى مەن جانرلارىن يننوۆاتسيالىق دامىتۋعا قوسقان ەلەۋلى شىعارماشىلىق ۇلەسى ءۇشىن بەرىلەدى.
5. جىل سايىن ەكى سىيلىقتان ارتىق بەرىلمەيدى.
6. گرانتتار وتىز بەس جاسقا دەيىنگىلەردى قوسا العاندا, جاس جۋرناليستەرگە شىعارماشىلىق ءوسۋى مەن قازاقستان جۋرناليستيكاسىنىڭ دامۋىن ىنتالاندىرۋ ماقساتىندا بەرىلەدى.
7. جىل سايىن ەكى گرانتتان ارتىق تاپسىرىلمايدى.
8. العىس بۇقارالىق اقپارات قۇرالدارىنىڭ شىعارماشىلىق ۇجىمدارىنا مەملەكەتتىك ساياساتتى ىسكە اسىرۋ بارىسىن بەلسەندى جاريالاپ-كورسەتكەنى جانە وتاندىق مەدياكەڭىستىكتى دامىتقانى ءۇشىن جاريالانادى.
9. العىس جىل سايىن ءتورت شىعارماشىلىق ۇجىمنان ارتىققا جاريالانبايدى.
10. بەرىلەتىن سىيلىقتار مەن تاپسىرىلاتىن گرانتتار مولشەرىن جىل سايىن قازاقستان رەسپۋبليكاسىنىڭ ۇكىمەتى بەلگىلەيدى.
11. اقشالاي سىياقى سىيلىقتار مەن گرانتتار لاۋرەاتتارىنا قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن تاپسىرىلادى نەمەسە اۋدارىلادى. اقشالاي سىياقىنى سىيلىقتار مەن گرانتتار لاۋرەاتتارىنا تولەۋدى بۇقارالىق اقپارات قۇرالدارى سالاسىنداعى ۋاكىلەتتى ورگان جۇزەگە اسىرادى.
II. قازاقستان رەسپۋبليكاسى پرەزيدەنتىنىڭ سىيلىقتارىن بەرۋ, گرانتتارىنتاپسىرۋ جانە العىسىن جاريالاۋ جونىندەگى قوعامدىق كوميسسيا قىزمەتىنۇيىمداستىرۋ جانە ونىڭ تارتىبى
12. قازاقستان رەسپۋبليكاسى پرەزيدەنتىنىڭ سىيلىقتارىن بەرۋ, گرانتتارىن تاپسىرۋ جانە العىسىن جاريالاۋ جونىندەگى قوعامدىق كوميسسيا (بۇدان ءارى – قوعامدىق كوميسسيا) قازاقستان رەسپۋبليكاسى پرەزيدەنتىنىڭ جانىنداعى كونسۋلتاتيۆتىك-كەڭەسشى ورگان بولىپ تابىلادى جانە سىيلىقتار, گرانتتار الۋعا جانە العىس جاريالاۋعا ۇسىنىلعان ۇمىتكەرلەردى قاراۋ مەن ىرىكتەۋ ماقساتىندا قۇرىلادى.
13. قوعامدىق كوميسسيا ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, پرەزيدەنتتىڭ اكتىلەرىن, قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىن جانە وسى قاعيدالاردى باسشىلىققا الادى.
14. قوعامدىق كوميسسياعا قازاقستان رەسپۋبليكاسىنىڭ مەملەكەتتىك حاتشىسى باسشىلىق جاسايدى. قازاقستان رەسپۋبليكاسى پرەزيدەنتىنىڭ ءباسپاسوز حاتشىسى قوعامدىق كوميسسيانىڭ حاتشىسى بولىپ تابىلادى.
قوعامدىق كوميسسيا قۇرامىن جىل سايىن قازاقستان رەسپۋبليكاسىنىڭ مەملەكەتتىك حاتشىسى بەكىتەدى. قوعامدىق كوميسسيا قۇرامىنا بۇقارالىق اقپارات قۇرالدارىنىڭ, شىعارماشىلىق وداقتاردىڭ, جۋرناليستەردىڭ قوعامدىق بىرلەستىكتەرىنىڭ جانە مۇددەلى مەملەكەتتىك ورگانداردىڭ وكىلدەرى كىرەدى.
15. قوعامدىق كوميسسيا توراعاسى ونىڭ جۇمىسىن ۇيىمداستىرادى جانە قازاقستان رەسپۋبليكاسىنىڭ زاڭناماسى مەن وسى قاعيدالارعا سايكەس قوعامدىق كوميسسيا مۇشەلەرىنىڭ قىزمەتىن ۇيلەستىرەدى.
16. قازاقستان رەسپۋبليكاسى پرەزيدەنتىنىڭ ءباسپاسوز قىزمەتى قوعامدىق كوميسسيانىڭ جۇمىس ورگانى بولىپ تابىلادى.
17. قۇجاتتار قابىلداۋدىڭ باستالۋى تۋرالى حابارلاندىرۋ جانە سىيلىقتار مەن گرانتتار الۋعا ۇسىنىلاتىن ۇمىتكەرلەردىڭ, سونداي-اق العىس جاريالاۋ ءۇشىن شىعارماشىلىق ۇجىمداردىڭ قاجەتتى قۇجاتتارىنىڭ تىزبەسى قۇجاتتاردى قابىلداۋ اياقتالۋدان كەمىندە وتىز كۇن بۇرىن رەسپۋبليكالىق باسىلىمداردا جاريالانادى جانە قازاقستان رەسپۋبليكاسى پرەزيدەنتىنىڭ www.akorda.kz رەسمي ينتەرنەت-رەسۋرسىنا ورنالاستىرىلادى.
18. قوعامدىق كوميسسيا وتىرىستارى قوعامدىق كوميسسيانىڭ توراعاسى بەكىتەتىن جۇمىس جوسپارىنا سايكەس وتكىزىلەدى. قوعامدىق كوميسسيا توراعاسىنىڭ شەشىمى بويىنشا جوسپاردان تىس وتىرىستار وتكىزىلۋى مۇمكىن. قوعامدىق كوميسسيانىڭ وتىرىسى, ەگەر وعان قوعامدىق كوميسسيا مۇشەلەرىنىڭ كەمىندە ۇشتەن ەكىسى قاتىسسا, زاڭدى دەپ سانالادى. قوعامدىق كوميسسيانىڭ شەشىمى حاتتامامەن رەسىمدەلەدى.
19. قوعامدىق كوميسسيا مۇشەسى سىيلىق نەمەسە گرانت الۋعا ۇسىنىلعان جاعدايدا, ونىڭ قوعامدىق كوميسسيانىڭ مۇشەسى رەتىندەگى جۇمىسى ونى سىيلىق نەمەسە گرانت الۋعا ۇسىنۋ جونىندەگى قۇجاتتارىن قاراۋ كەزەڭىندە توقتاتىلا تۇرادى. العىس جاريالاۋ ءۇشىن ۇسىنىلعان شىعارماشىلىق ۇجىم باسشىسىنىڭ قوعامدىق كوميسسياداعى جۇمىسى دا كونكۋرستىق قۇجاتتاردى قاراۋ كەزەڭىندە توقتاتىلا تۇرادى.
20. قوعامدىق كوميسسيانىڭ حاتشىسى قوعامدىق كوميسسيانىڭ قاراۋىنا جۇمىس ورگانى دايىنداعان قۇجاتتار مەن ماتەريالداردى ۇسىنادى.
21. قوعامدىق كوميسسيانىڭ جۇمىس ورگانى:
1) بۇقارالىق اقپارات قۇرالدارىندا سىيلىقتار مەن گرانتتار الۋعا, العىس جاريالاۋعا ۇسىنىلاتىن ۇمىتكەرلەردىڭ قۇجاتتارىن قابىلداۋدىڭ باستالعانى تۋرالى حابارلاندىرۋدىڭ جاريالانۋىن قامتاماسىز ەتەدى;
2) ۇسىنىلعان قۇجاتتاردىڭ وسى قاعيدالار تالاپتارىنا سايكەستىگىن تەكسەرەدى;
3) كەلىپ تۇسكەن جۇمىستارعا تالداۋ جاسايدى جانە ولاردى قوعامدىق كوميسسيانىڭ وتىرىسىنا شىعارادى;
4) قوعامدىق كوميسسيا وتىرىسىنىڭ قورىتىندىسى بويىنشا سىيلىقتار, گرانتتار الۋعا جانە العىس جاريالاۋعا ۇسىنىلعان ۇمىتكەرلەردى قازاقستان رەسپۋبليكاسى پرەزيدەنتىنىڭ قاراۋىنا ەنگىزەدى;
5) بەلگىلەنگەن تارتىپپەن قازاقستان رەسپۋبليكاسى پرەزيدەنتىنىڭ ءتيىستى اكتىسىنىڭ جوباسىن ازىرلەيدى;
6) ديپلومداردى, كۋالىكتەر مەن العىستى دايىنداۋدى جانە رەسىمدەۋدى قامتاماسىز ەتەدى.
III. سىيلىقتاردى بەرۋ, گرانتتاردى تاپسىرۋ
جانە العىس جاريالاۋ تارتىبى
22. سىيلىقتار مەن گرانتتار الۋعا ۇمىتكەرلەردى بۇقارالىق اقپارات قۇرالدارى, شىعارماشىلىق وداقتار, قوعامدىق بىرلەستىكتەر, مەملەكەتتىك ورگاندار ۇسىنادى. العىس جاريالاۋعا شىعارماشىلىق ۇجىمداردى شىعارماشىلىق وداقتار, قوعامدىق بىرلەستىكتەر, مەملەكەتتىك ورگاندار ۇسىنادى.
23. ءاربىر بۇقارالىق اقپارات قۇرالى, شىعارماشىلىق وداق, قوعامدىق بىرلەستىك, مەملەكەتتىك ورگان سىيلىقتار مەن گرانتتار الۋعا ەكى ۇمىتكەردەن ارتىق ۇسىنۋعا قۇقىلى ەمەس.
24. سىيلىقتار, گرانتتار الۋعا ۇمىتكەرلەردىڭ جانە العىس جاريالاۋعا شىعارماشىلىق ۇجىمداردىڭ ءوزىن-ءوزى ۇسىنۋىنا جول بەرىلمەيدى.
25. سىيلىقتار, گرانتتار الۋعا جانە العىس جاريالاۋعا ۇسىنىلعان ۇمىتكەرلەردىڭ قوعامدىق كوميسسيانىڭ مەكەنجايىنا جولدانعان قۇجاتتارى سىيلىقتار بەرۋگە, گرانتتار تاپسىرۋعا جانە العىس جاريالاۋعا ۇسىناتىن جىلدىڭ 1 ماۋسىمىنان كەشىكتىرمەي قابىلدانادى. قۇجاتتار قابىلداۋ مەرزىمى ءوتىپ كەتكەننەن كەيىن تۇسكەن قۇجاتتار سىيلىقتار, گرانتتار الۋعا جانە العىس جاريالاۋعا جىبەرىلمەيدى.
26. سىيلىقتار مەن گرانتتار الۋعا مىناداي قۇجاتتار ۇسىنىلادى:
1) بۇقارالىق اقپارات قۇرالىنىڭ, شىعارماشىلىق وداقتىڭ, قوعامدىق بىرلەستىكتىڭ, مەملەكەتتىك ورگاننىڭ رەسمي بلانكىسىنە جازىلعان, ءبىرىنشى باسشى نەمەسە ونىڭ ورنىنداعى ادام قول قويعان ۇسىنىس (ا4 فورماتتاعى 2 پاراقتان ارتىق ەمەس);
2) سىيلىقتار مەن گرانتتار الۋعا ۇسىنىلعان ۇمىتكەردىڭ اتى, اكەسىنىڭ اتى, تەگى جانە شىعارماشىلىق بۇركەنشىك ەسىمى (ەگەر بولسا), سونداي-اق اتقاراتىن لاۋازىمى كورسەتىلگەن نەگىزگى جۇمىس ورنىنان انىقتاما;
3) سىيلىقتار مەن گرانتتار الۋعا ۇسىنىلعان ۇمىتكەردىڭ شىعارماشىلىق قىزمەتىنىڭ قىسقاشا سيپاتتاماسى;
4) جاريالانىمدار ماتىندەرى نەمەسە اۋديو- جانە (نەمەسە) بەينەماتەريالدار;
5) نەگىزگى جاريالانىمدارىنىڭ ءتىزىمى جانە (نەمەسە) ولاردىڭ كوشىرمەلەرى.
وسى باپتىڭ 2) تارماقشاسىندا كورسەتىلگەن قۇجات سىيلىقتار مەن گرانتتار الۋعا ۇمىتكەر جۇمىستان شىعارىلعان جاعدايدا ونىڭ سوڭعى جۇمىس ورنىنان ۇسىنىلادى.
27. العىس جاريالاۋعا مىناداي قۇجاتتار ۇسىنىلادى:
1) شىعارماشىلىق وداقتىڭ, قوعامدىق بىرلەستىكتىڭ, مەملەكەتتىك ورگاننىڭ رەسمي بلانكىسىنە جازىلعان ءبىرىنشى باسشى نەمەسە ونىڭ ورنىنداعى ادام قول قويعان بۇقارالىق اقپارات قۇرالىنىڭ قىزمەتى تۋرالى ۇسىنىس (ا4 فورماتتاعى 2 پاراقتان ارتىق ەمەس);
2) كونكۋرس جاريالانعان جىلدىڭ الدىنداعى جىل ىشىندە جارىق كورگەن نەگىزگى ماڭىزدى جاريالانىمدار نەمەسە اۋديو- جانە (نەمەسە) بەينەماتەريالدار.
28. سىيلىقتار, گرانتتار الۋعا جانە العىس جاريالاۋعا ۇسىنىلعان ماتەريالدار مەن قۇجاتتار قايتارىلمايدى.
29. سىيلىقتار, گرانتتار الۋعا جانە العىس جاريالاۋعا ۇمىتكەرلەردى تاڭداۋ قوعامدىق كوميسسيانىڭ وتىرىسقا قاتىسۋشى مۇشەلەرىنىڭ اشىق داۋىس بەرۋى ارقىلى قاراپايىم كوپشىلىك داۋىسىمەن جۇرگىزىلەدى.
30. قوعامدىق كوميسسيا سىيلىقتار مەن گرانتتار الۋعا ۇمىتكەرلەردى تاڭداۋدا مىناداي كريتەريلەردى:
1) جاريالانىمداردىڭ وبەكتيۆتىلىگىن;
2) كوتەرىلگەن پروبلەمالاردىڭ تەرەڭدىگىن جانە ونىڭ شىعارماشىلىق تۇرعىدان تالدانۋىن;
3) جۇمىستاردىڭ الەۋمەتتىك ماڭىزدىلىعىن;
4) جاريالانىمدار تۋىنداتقان قوعامدىق پىكىر جاڭعىرىعىن;
5) ءجۋرناليستىڭ تاۋەلسىزدىگىن, پرينتسيپشىلدىگىن;
6) جۇمىستاردىڭ جاڭاشىلدىعى مەن شىعارماشىلىق تولىمدىلىعىن باسشىلىققا الادى.
31. قوعامدىق كوميسسيا العىس جاريالاۋعا ۇمىتكەرلەردى تاڭداۋ كەزىندە:
1) مەملەكەت قىزمەتىنىڭ ساياسي, ەكونوميكالىق جانە الەۋمەتتىك اسپەكتىلەرىن جاريالاپ-كورسەتەتىن بۇقارالىق اقپارات قۇرالدارى شىعارماشىلىق ۇجىمىنىڭ بيىك ازاماتتىق ۇستانىمىن;
2) بۇقارالىق اقپارات قۇرالدارىنىڭ قازاقستان رەسپۋبليكاسىندا جۇرگىزىلىپ وتىرعان رەفورمالاردى قولداۋعا, سونداي-اق زاماناۋي مەدياكەڭىستىكتى دامىتۋعا قوسقان شىعارماشىلىق ۇلەسىن باعالاۋدى باسشىلىققا الادى.
32. قوعامدىق كوميسسيا سىيلىقتاردى بەرۋ, گرانتتاردى تاپسىرۋ جانە العىس جاريالاۋ ءجونىندەگى ۇسىنىمداردى قازاقستان رەسپۋبليكاسى پرەزيدەنتىنىڭ قاراۋىنا ەنگىزەدى. ۇمىتكەردى جانە (نەمەسە) شىعارماشىلىق ۇجىمدى قازاقستان رەسپۋبليكاسى پرەزيدەنتى قابىلداماعان جاعدايدا اتالعان ۇمىتكەردى سىيلىقتار, گرانتتار الۋعا جانە (نەمەسە) شىعارماشىلىق ۇجىمعا العىس جاريالاۋعا كەلەسى ۇسىنىس ەكى جىلدان كەيىن جۇرگىزىلۋى مۇمكىن.
33. سىيلىققا يە بولعان ادامعا «قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىعىنىڭ لاۋرەاتى» اتاعى بەرىلىپ, ديپلوم, ەستەلىك توسبەلگى جانە اقشالاي سىياقى تاپسىرىلادى.
34. گرانتقا يە بولعان ادامعا «قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى گرانتىنىڭ يەگەرى» اتاعى بەرىلىپ, كۋالىك جانە اقشالاي سىياقى تاپسىرىلادى.
35. وسى قاعيدالاردىڭ 33 جانە 34-تارماقتارىندا كورسەتىلگەن اتاقتاردى قايتادان بەرۋگە جول بەرىلمەيدى.
36. گرانت يەگەرىن سىيلىق الۋ ءۇشىن گرانت تاپسىرىلعاننان كەيىن كەمىندە بەس جىلدان كەيىن ۇسىنۋعا بولادى.
37. Cىيلىقتاردى بەرۋ, گرانتتاردى تاپسىرۋ جانە العىس جاريالاۋ ءراسىمىن بايلانىس جانە اقپارات قىزمەتكەرلەرىنىڭ كۇنىنە ورايلاستىرىلادى جانە قازاقستان رەسپۋبليكاسىنىڭ پرەزيدەنتى نەمەسە ونىڭ تاپسىرماسى بويىنشا قازاقستان رەسپۋبليكاسىنىڭ مەملەكەتتىك حاتشىسى سالتاناتتى جاعدايدا وتكىزەدى.
قايتىس بولعاننان كەيىن بەرىلگەن ديپلوم, اقشالاي سىياقى جانە سىيلىق لاۋرەاتىنىڭ ەستەلىك توسبەلگىسى, سونداي-اق قايتىس بولعاننان كەيىن تاپسىرىلعان گرانت يەگەرىنىڭ كۋالىگى مەن اقشالاي سىياقىسى قازاقستان رەسپۋبليكاسىنىڭ زاڭناماسىنا سايكەس مۇراگەرلەرىنە بەرىلەدى.
38. سىيلىقتار بەرۋ, گرانتتار تاپسىرۋ جانە العىس جاريالاۋ تۋرالى قازاقستان رەسپۋبليكاسى پرەزيدەنتىنىڭ اكتىلەرى بۇقارالىق اقپارات قۇرالدارىندا جاريالانادى.
قازاقستان رەسپۋبليكاسى پرەزيدەنتىنىڭ 2013 جىلعى 22 ناۋرىزداعى №190 وكىمىنە
2-قوسىمشا
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىعى لاۋرەاتىنىڭ ديپلومى مەن توسبەلگىسىنىڭ, گرانتى يەگەرى كۋالىگىنىڭ جانە العىسىنىڭ
سيپاتتاماCى
1. قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىعى لاۋرەاتىنىڭ ديپلومى تسيفرلى پرينتەردە كولەمى 297 ح 420 مم (از فورماتتا) «Sirio Pearl» ۇلگىسىندەگى قاعازعا تىگىنەن باسىلادى.
2. ديپلومنىڭ فونى اشىق التىن تۇستەس قازاق ويۋ-ورنەكتەرى تۇرىندەگى جالعاسپالى توركوزبەن تۇسىرىلگەن.
3. ديپلومنىڭ ءماتىنى التىن تۇستەس قازاق ويۋ-ورنەگىمەن كومكەرىلەدى جانە كوك بوياۋمەن تسيفرلى تاسىلمەن مەملەكەتتىك تىلدە مىناداي رەداكتسيادا باسىلادى:
قازاقستان رەسپۋبليكاسى پرەزيدەنتىنىڭ
بۇقارالىق اقپارات قۇرالدارى سالاسىنداعى سىيلىعى
ديپلوم
قازاقستان رەسپۋبليكاسى پرەزيدەنتىنىڭ
سىيلىعى
_________________________________
(اتى, اكەسىنىڭ اتى, تەگى)
_________________________________
_________________________________
ءۇشىن بەرىلدى.
تومەندە مىناداي سوزدەر ورنالاسقان:
«قازاقستان رەسپۋبليكاسىنىڭ
پرەزيدەنتى ن.نازارباەۆ».
ونىڭ استىندا ورتا تۇستا «استانا, 20 جىل» دەگەن سوزدەر ورنالاسقان.
قازاقستان رەسپۋبليكاسى پرەزيدەنتىنىڭ
بۇقارالىق اقپارات قۇرالدارى سالاسىنداعى
سىيلىعىنىڭ لاۋرەاتى ديپلومىنىڭ كەسكىندەمەسى
4. «قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىعى لاۋرەاتى» توسبەلگىسى 750 التىن سىناماسى قوسپاسىنان دايىندالعان جانە شىعارماشىلىق شابىت سيمۆولى – قاۋىرسىن قالام ستيلىندەگى پىشىنگە يە.
توسبەلگىنىڭ ۇزىندىعى – 35 مم, ەنى – 22 مم. بۇيىمنىڭ بەت جاعى – جىلتىر, سىرت جاعىنىڭ ءتۇر-ءتۇسى – كۇڭگىرتتەۋ ءىرى بۇدىرلى ەتىپ جاسالعان. سىرتقى جاعىندا التىن سىناماسىنىڭ قوسپاسى «اu750» جازىلعان.
توسبەلگىنىڭ سىرتقى جاعىندا بۇيىمدى كيىمگە قاداۋعا ارنالعان تسانگالىق بەكىتكىش بار.
«قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىعىنىڭ لاۋرەاتى» توسبەلگىسىنىڭ گرافيكالىق كەسكىندەمەسى
5. قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى گرانتى يەگەرىنىڭ كۋالىگى تسيفرلى پرينتەردە كولەمى 297 ح 420 مم (از فورماتتا) «Sirio Pearl» ۇلگىدەگى قاعازعا تىگىنەن باسىلادى.
6. كۋالىكتىڭ فونى اشىق التىن تۇستەس قازاق ويۋ-ورنەكتەرى تۇرىندەگى جالعاسپالى توركوزبەن تۇسىرىلگەن.
7. كۋالىكتىڭ ءماتىنى كوكشىل ءتۇستى قازاق ويۋ-ورنەگىمەن كومكەرىلەدى جانە التىن تۇستەس جانە كوك بوياۋمەن تسيفرلى تاسىلمەن مەملەكەتتىك تىلدە مىناداي رەداكتسيادا باسىلادى:
قازاقستان رەسپۋبليكاسى پرەزيدەنتىنىڭ
بۇقارالىق اقپارات قۇرالدارى سالاسىنداعى
گرانتى
كۋالىك
قازاقستان رەسپۋبليكاسى پرەزيدەنتىنىڭ
گرانتى
_________________________________
(اتى, اكەسىنىڭ اتى, تەگى)
_________________________________
_________________________________
ءۇشىن تاپسىرىلدى.
تومەندە مىناداي سوزدەر ورنالاسقان:
«قازاقستان رەسپۋبليكاسىنىڭ
پرەزيدەنتى ن.نازارباەۆ».
ونىڭ استىندا ورتا تۇستا «استانا, 20 جىل» دەگەن سوزدەر ورنالاسقان.
قازاقستان رەسپۋبليكاسى پرەزيدەنتىنىڭ
بۇقارالىق اقپارات قۇرالدارى سالاسىنداعى
گرانتى يەگەرى كۋالىگىنىڭ كەسكىندەمەسى
8. قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى العىسى تسيفرلى پرينتەردە كولەمى 297 ح 210 مم (ا4 فورماتتا) «Sirio Pearl» ۇلگىدەگى قاعازعا كولدەنەڭىنەن باسىلادى.
9. العىستىڭ بەتكى فونى كۇمىس تۇستەس قازاق ويۋ-ورنەكتەرى تۇرىندەگى جالعاسپالى توركوزبەن تۇسىرىلگەن.
10. العىس ءماتىنى التىن تۇستەس قازاق ويۋ-ورنەگىمەن كومكەرىلەدى جانە كوك بوياۋمەن تسيفرلى تاسىلمەن مەملەكەتتىك تىلدە مىناداي رەداكتسيادا باسىلادى:
قازاقستان رەسپۋبليكاسى پرەزيدەنتىنىڭ
بۇقارالىق اقپارات قۇرالدارى سالاسىنداعى
العىسى
______________________________________
(شىعارماشىلىق ۇجىمنىڭ اتاۋى)
______________________________________
______________________________________
ءۇشىن جاريالاندى.
تومەندە مىناداي سوزدەر ورنالاسقان:
«قازاقستان رەسپۋبليكاسىنىڭ
پرەزيدەنتى ن.نازارباەۆ».
ونىڭ استىندا ورتا تۇستا «استانا, 20 جىل» دەگەن سوزدەر ورنالاسقان.
قازاقستان رەسپۋبليكاسى پرەزيدەنتىنىڭ
بۇقارالىق اقپارات قۇرالدارى سالاسىنداعى
العىسىنىڭ كەسكىندەمەسى