قازاقستان رەسپۋبليكاسىنىڭ دەنساۋلىق ساقتاۋ مينيسترلىگى جوسپاردان تىس اۋديتورلىق تەكسەرۋ قورىتىندىسىن قۇقىق قورعاۋ ورگاندارىنا جىبەردى. بۇل تۋرالى دەنساۋلىق ساقتاۋ ءمينيسترىنىڭ ءباسپاسوز قىزمەتى حابارلادى.
اعىمداعى جىلعى 11 قازاندا قازاقستان رەسپۋبليكاسىنىڭ دەنساۋلىق ساقتاۋ مينيسترلىگىندە جاۋاپتى حاتشى بوتاگوز جاكسەلەكوۆانىڭ توراعالىعىمەن مەملەكەتتىك اۋديت جانە تاۋەكەلدەر جونىندەگى كەڭەستىڭ وتىرىسى ءوتتى.
جيىندا «مارات وسپانوۆ اتىنداعى باتىس قازاقستان مەديتسينا ۋنيۆەرسيتەتى» كەاق جۇرگىزىلگەن جوسپاردان تىس مەملەكەتتىك اۋديتورلىق تەكسەرۋدىڭ قورىتىندىسى قارالدى.
ىشكى اۋديت دەپارتامەنتى اۋديتورلىق ءىس-شارا بويىنشا انىقتالعان بىرقاتار زاڭ بۇزۋشىلىقتى اتادى:
ۋنيۆەرسيتەتتەگى ماتەريالدىق -تاۋارلار نەگىزسىز ەسەپتەن شىعارىلعان, ازاماتتىق-قۇقىقتىق مامىلە شارتتارىنا سايكەس كەلمەيتىن تاۋارلار, جۇمىستار مەن قىزمەتتەر انىقتالدى, «جاستار-ارەنا» ستاديونىنا جۇرگىزىلگەن قۇرىلىستىڭ ساپاسى تومەن جانە ەڭبەك زاڭناماسى بۇزىلعان.
كەڭەستە بقو مەدۋنيۆەرسيتەتىنەن تەكسەرۋ بارىسىندا تابىلعان بارلىق ماتەريالدى قۇقىق قورعاۋ ورگاندارىنا جىبەرۋ تۋرالى شەشىم قابىلدادى.
ايتا كەتۋ كەرەك, 2018 جىلى 15 تامىزدا دەنساۋلىق ساقتاۋ مينيسترلىگى مەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ىنتىماقتاستىق تۋرالى مەموراندۋمعا قول قويعان, وندا سىبايلاس جەمقورلىق قۇقىق بۇزۋشىلىق بويىنشا كۇدىك بولعان كەزدە, جەدەل دەن قويۋ جانە ماتەريالداردى سىبايلاس جەمقورلىققا قارسى ءىس-قيمىل ورگاندارىنا جىبەرۋ قاراستىرىلعان.