حالىقارالىق سامميت جۇمىسىن اياقتادى

الەمدىك ماڭىزى زور شارانى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن ۆيتاۋتاس ماگنۋس (ليتۆا, كاۋناس ق.) ۋنيۆەرسيتەتى جانە QS Quacquarelli Symonds حالىقارالىق كومپانياسى بىرلەسىپ ۇيىمداستىردى.

اۋقىمدى شاراعا اكادە­ميا­لىق قاۋىمداستىق كوشباس­شى­لارى – جوعارى وقۋ ورىن­دا­رى­نىڭ رەكتورلارى, ءبىلىم, عىلىم, ونەر, جۋرناليستيكا, بيزنەس, ەكو­­نوميكا جانە دەنساۋلىق ساق­­تاۋ سالاسىنداعى وكىلەتتى عا­­لىم­دار مەن ساراپشىلار, حا­لىق­ارالىق ۇيىمداردىڭ وكىل­دەرى جينالدى.

قاتىسۋشىلار قازاقستان, رەسەي, اقش, ليتۆا, لاتۆيا, ۇلى­بريتانيا, جاپونيا, كورەيا, تۇر­كيا, ازەربايجان, ەستونيا, ەفيوپيا, پولشا, ۋكراينا, وز­بەكستان سياقتى ەلدەردەن كەلدى.

كونفەرەنتسياعا بارعان قازاق­ستاندىق دەلەگاتسيا قۇرامىندا قازاقستان جوو رەكتورلارى (قازاقستان جوو رەكتورلار كەڭەسىنىڭ توراعاسى ە. سىدىقوۆ), عالىمدار مەن عىلىمي-زەرتتەۋ ينستيتۋتتارىنىڭ باسشىلارى, جالپى سانى جۇزدەن استام دەلەگات بار.

حالىقارالىق جيىنعا قا­تىس­قان سپيكەرلەر قاتارىندا Quacquarelli Symonds بريتاندىق كونسالتينگ كومپانياسىنىڭ وڭىرلىك ديرەكتورى زويا زايتسەۆا, بريتاندىق «The Guardian» گازە­تىنىڭ رەداكتورى رەيچەل حولل, بەلگىلى جۋرناليست ستي­ۆەن حوار, ەۋرازيا ۇلتتىق ۋني­ۆەر­سيتەتىنىڭ رەكتورى ەرلان سى­دىقوۆ, ۆيتاۋتاس ماگنۋس ۋنيۆەرسيتەتىنىڭ رەكتورى يۋوزاس اۋگۋتيس, سكولكوۆ عىلىم جانە تەح­نولوگيالار ينستيتۋتىنىڭ فا­كۋلتەت دەكانى كلەمەنت فور­تين جانە باسقالار بولدى.

QS in conversation – بۇل جوعا­رى ءبىلىم سالاسىنداعى جاھاندىق مىندەتتەردى تالقىلاۋعا, الەمدىك قاۋىمداستىقتى نىعايتۋداعى ۋنيۆەرسيتەتتەردىڭ ءرولىن انىق­تاۋعا, حالىقارالىق جوعارى ءبى­لىم بەرۋ جۇيەسىندەگى ترەندتەردى تالقىلاۋعا جانە ت.ب. اسا قاجەتتى ماسەلەلەرگە باعىتتالعان الەمدىك ماڭىزى زور جيىن.

جيىندا حالىقارالىق ىنتى­­ماقتاستىق ارقىلى جوعارى وقۋ ورىندارىنىڭ تانىمال­دى­لىعىن ارتتىرۋ ادىستەرى, باق-پەن بايلانىس جولدارى قا­راستىرىلدى جانە ستۋدەنتتەردىڭ كاسىپكەرلىك داعدىلارىن دامى­تۋ ارقىلى جۇمىسقا ورنالاستى­رۋ, كرەا­تيۆتى ويلاۋ, جەكە برەن­دينگ, سونىمەن قاتار رەيتينگ­تەر ارقىلى باسەكەگە قابىلەت­تى كەڭىستىكتە جوو-نىڭ ءوز سايكەس­تىگىنىڭ جەتىستىكتەرى تالقىلاندى.

فورۋمنىڭ اشىلۋىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ, Quacquarelli Symonds بريتاندىق كونسالتينگ كومپانياسىنىڭ وڭىرلىك ديرەكتورى زويا زايتسەۆا, ۆيتاۋتاس ماگنۋس ۋنيۆەرسيتەتىنىڭ رەكتورى يۋوزاس اۋگۋتيس, تاعى باسقالار ءسوز الدى.

ەۇۋ رەكتورى ەرلان سى­دى­قوۆ اتاپ وتكەندەي, بۇل سامميت – قازاقستاندىق جانە دوس­تاس ەلدەردىڭ ۋنيۆەرسيتەتتەرى حالىقارالىق دەڭگەيدە ءوز پوزي­تسياسىن سەنىمدى تۇردە ۇستاپ وتىرعانىنا دالەل. موبيل­دىلىك, تانۋ, برەندينگ ارقىلى تانىلۋ سياقتى حالىقارالىق سامميت تاقىرىبىنىڭ وزەك­تىلىگى دە جوعارى ءبىلىم بەرۋ سالا­سىنداعى جا­ھاندىق باسەكە­لەستىكتىڭ وسۋى­مەن بايلانىستى. ياعني, باسە­كەگە قابىلەتتى مامان, وزىق عى­لىمي ءبىلىمدى دامىتۋ – حالىق­ارالىق ارىپتەستىك پەن ىنتى­ماق­تاستىقتىڭ باستى ۇستا­نىم­دارى.

ۆيتاۋتاس ماگنۋس ۋنيۆەر­سي­تەتىنىڭ رەكتورى يۋوزاس اۋگۋتيس وزەكتى ماسەلەلەردىڭ وڭ شەشىم تاباتىنىنا ۇمىتتەنەدى. ء«بىز مۇندا كۇش-جىگەرىمىزدى قالاي بىرىكتىرىپ, بولاشاقتا ۋنيۆەر­سيتەت ءۇشىن زاماناۋي سىن-قا­تەر­لەردى انىقتاۋ, ماسەلەنى بەل­گىلەۋ جانە شەشىم تابۋ ءۇشىن جينالدىق. ۇلى ترانسفورماتسيا كەزىندە ءبىز بەيىمدەلىپ, قالاي ۇيرەتەتىنىمىزدى جانە نەنى ۇيرەتەتىنىمىزدى ءتۇسىنۋىمىز كەرەك. ويتكەنى تەك جوعارى ءبىلىم­دى, سىني ويلايتىن تۇلعا عا­نا ماني­پۋلياتسيالارعا قارسى تۇرا الادى», دەدى سپيكەر. سونى­مەن قا­تار يۋوزاس اۋگۋتيس جال­پى ماسە­لەلەردى شەشۋ ءۇشىن ۋني­ۆەر­سيتەتتەر سەرىكتەستەرمەن, بيز­نەس­پەن, ۇكىمەتپەن, قوعاممەن بىرىگۋى كەرەك دەپ مالىمدەدى.

Quacquarelli Symonds بري­تاندىق كونسالتينگ كومپانيا­سىنىڭ شىعىس ەۋروپا جانە ور­تالىق ازيا بويىنشا وڭىرلىك ديرەكتورى زويا زايتسەۆا فورۋمنىڭ ماڭىزدىلىعىن اتاپ وتە كەلە: «بۇل جەردە تەوريا, پرەزەنتاتسيالار, باياندامالار عانا ەمەس, ەڭ باستىسى, ادامدار ءبىرىن-ءبىرى بىلەدى, كەزدەسەدى جانە تاجىريبە الماسادى», دەدى.

سامميت ەكى كۇنگە سوزىلدى. جيىنعا قاتىسۋشىلار «ۋنيۆەرسيتەت & باق-پەن بايلانىس», «ۋنيۆەرسيتەتتىك برەندينگ: باسەكەلەستىك كەڭىستىكتە ءوز جولىن تابۋ», «رەيتينگتەر ارقىلى برەندينگ: QS قالاي بارىنشا پايدالانۋ كەرەك» جانە ت.ب. تاقىرىپتاردى تالقىلادى.

كونفەرەنتسيا سوڭىندا «QS EECA University Rankings 2019 – دامۋشى ەۋروپا مەن ورتالىق ازيا ۋنيۆەرسيتەتتەرىنىڭ QS 2019» رەيتينگىسىنىڭ ناتيجەلەرى جاريالاندى.

سونداي-اق وسى شارا اياسىندا ەرلان سىدىقوۆتىڭ توراعالىق ەتۋىمەن قازاقستاننىڭ جوعارى وقۋ ورىندارى رەكتورلارى كە­ڭە­سىنىڭ وتىرىسى ءوتىپ, وعان ليت­ۆالىق ارىپتەستەر دە قاتىستى.

ء لايلا راحمانوۆا,

ارنايى «Egemen Qazaqstan» ءۇشىن

 كاۋناس (ليتۆا)