بىردە...
داڭقتى كينواكتريسا دجەين فوند اتاقتى رەجيسسەرمەن وڭاشادا تاماقتانىپ وتىرىپ:
– تاعى دا كينو تۇسىرەمىسىز؟ – دەپ سۇراپ قالادى.
– جوق. كينومەن قوش ايتىسامىن. مەمۋار جازۋعا وتىرامىن.
– سولاي ما؟! وندا سانىمدى سيپالاماي جايىڭىزعا وتىرىڭىز!..
* * *
ءبىر سىنشى سۋرەتشى رافاەلدىڭ سۋرەتتەرىن سىناپ ماقالا جازىپ جاريالاپ, ىلە-شالا رافاەلگە: «قىمباتتى رافاەل, مەنىڭ ماقالامدى وقىعان بولارسىز. ول ءبىزدىڭ دوستىعىمىزدى بۇزۋعا سەبەپ بولماس دەپ ۇمىتتەنەمىن» دەپ حات جازىپ جىبەرەدى.
رافاەل دە كىدىرتپەي: «قىمباتتى دوس, كەزىككەن مەزەتتە مۇرنىڭدى بەت قىلامىن! مەن دە ول ءبىزدىڭ دوستىعىمىزدى بۇزۋعا سەبەپ بولماس دەپ ۇمىتتەنەمىن» دەپ قايىرا حات جازىپ جىبەرىپتى.
* * *
ونەر جۇلدىزى سوفي لورەننەن رەپورتەر:
– ءسىز التىنشى كۇيەۋىڭىزبەن قاي جەردە تانىستىڭىز؟ – دەگەندە:
– اڭ اۋلاپ ءجۇرىپ ول مەنىڭ بەسىنشى كۇيەۋىمدى اتىپ تاستاعان ساتتە تانىستىم, – دەگەن ەكەن.
***
تەاتر رەجيسسەرى يسااك مەلامەد قايتىس بولىپ, ونى سوڭعى ساپارعا شىعارىپ تۇرىپ ارتيست يۋري ولەشا:
– بۇگىنگى اعىل-تەگىل قيماستىق ءسوزىمىزدى ول كوزى تىرىسىندە ەستىگەندە ءالى دە ءبىراز جىل ءومىر سۇرەر ەدى... – دەپتى.
***
ازىلكەش تريستان بەرنار بىردە مەيرامحانانىڭ تاماعىنا كوڭىلى تولماي ەسەپ ايىرىسىپ جاتىپ اسپازشىعا:
– باستىعىڭدى شاقىرشى, – دەيدى.
كەلگەن باستىققا:
– وسىندا كوپتەن كەلىپ ءجۇرۋشى ەدىم, ال قۇشاقتا مەنى! – دەيدى.
– نەعىپ؟
– ەندى مەنىڭ قارامدى دا كورمەيسىڭدەر! سوندىقتان قوشتاسايىق, – دەگەن ەكەن.