بىرىڭعاي جيناقتاۋشى زەينەتاقى قورىنىڭ باسقارۋشى ديرەكتورى ماۋلەن وتەعۇلوۆ بۇگىن الەۋمەتتىك جەلىدەگى پاراقشاسىندا ءازىربايجان حالىقارالىق بانكىنىڭ وبليگاتسيالارىنىڭ تاعدىرى تۋرالى حابارلاما جازدى.
«ازەربايجان حالىقارالىق بانكىنىڭ بۇرىن ساتىپ الىنعان وبليگاتسيالارى تۋرالى كوپتەگەن سۇراقتار الا باستادىم. تۇسىنگەنىمدەي, سالىمشىلارىمىزدىڭ كوبىسى زەينەتاقى اقشالارى ءازىربايجاننىڭ كەيبىر بانكتەرىنە سالىنىپ, جوعالىپ كەتكەندەي قابىلدايتىنىن جاسىرمايدى. بۇل دۇرىس ەمەس», دەپ جازدى وتەعۇلوۆ ءوزىنىڭ Facebook پاراقشاسىندا.
ودان ءارى ول وقيعالاردىڭ حرونولوگياسىن ەگجەي-تەگجەيلى كورسەتەدى. 2014 جىلعى قازاندا بجزق زەينەتاقى اكتيۆتەرىنەن ءازىربايجان حالىقارالىق بانكىنىڭ (MAB) 250 ملن. اقش دوللارىنان استام قارىزدىق باعالى قاعازدارى ساتىپ الىندى. 2017 جىلدىڭ مامىرىندا بانكتىڭ نيۋ-يوركتەگى سوتقا بانكروتتىق تۋرالى ءوتىنىش بەرگەنى بەلگىلى بولدى. كەيىننەن قايتا قۇرىلدى.
قايتا قۇرىلىمداۋدان كەيىن MAB وبليگاتسيالارى قارىزدىڭ نومينالدى كولەمىن جوعالتپاي 2032 جىلى وتەۋ مەرزىمى ءازىربايجان ۇكىمەتىنىڭ تاۋەلسىز وبليگاتسيالارىنا اۋىستىرىلدى. بۇل ءازىربايجان حالىقارالىق بانكىنىڭ بجزق الدىنداعى مىندەتتەمەلەرىن وسى ەلدىڭ ۇكىمەتى تولىقتاي قابىلداعانىن بىلدىرەدى», - دەپ ءتۇسىندىردى وتەعۇلوۆ.
2019 جىلعى اقپاندا-ساۋىردە قولايلى نارىقتىق كونيۋنكتۋراعا بايلانىستى ءازىربايجان ۇكىمەتىنىڭ وبليگاتسيالارىنىڭ قالعان بولىگى نارىقتىق جاعدايدا ساتىلدى.
«قازاقستاننىڭ ۇلتتىق بانكىنىڭ حابارلاۋىنشا, 2014 جىلى ماۆ وبليگاتسيالاردى ساتىپ العان ساتتەن باستاپ ءازىربايجان ۇكىمەتىنىڭ وبليگاتسيالارىن ساتقانعا دەيىن, الىنعان بارلىق تولەمدەردى ەسكەرە وتىرىپ, تازا ىشكى كىرىستىلىك 4% (ۆاليۋتامەن) قۇرادى. بۇل مولشەرلەمە قازاقستاندىق بانكتەردەگى دوللارلىق دەپوزيتتەر بويىنشا كىرىستىلىكتەن شامامەن ءتورت ەسە جوعارى (جىلدىق 1% -دان اسپايدى)», دەدى وتەعۇلوۆ.
وسىلايشا, ءازىربايجان بانكىنىڭ تاريحى ءساتتى اياقتالدى جانە سالىمشىلار ءۇشىن تابىس اكەلدى.
وسىعان دەيىن قازاقستاننىڭ ۇلتتىق بانك بيىل 21 تامىز كۇنى ازەربايجاننىڭ قۇندى قاعازدارىنا قۇيىلعان قازاقستاننىڭ زەينەتاقى قورىنىڭ قارجىسى تولىق قايتارىلعانىن ايتقان بولاتىن.
«بيىلعى جىلدىڭ ءبىرىنشى جارتى جىلدىعىندا وبليگاتسيالاردىڭ بارلىعى ساتىلدى» دەپ جازادى ۆەدومستۆو.
جالپى ازەربايجان حالىقارالىق بانكىنىڭ قۇندى قاعازدارىنا قۇيىلعان ينۆەستيتسيادان 40 ميلليون دوللاردان استام پايدا تۇسكەن.
ەسكە سالساق, 2014 جىلدىڭ قازان ايىندا بانكروتقا ۇشىراعان ازەربايجان حالىقارالىق بانكىنە بىرىڭعاي جيناقتاۋشى زەينەتاقى قورىنان 71,3 ميلليارد تەڭگە قۇيىلعان بولاتىن. بۇل قارجى 2024 جىلعا دەيىن ينۆەستيتسيالانعان.
گۇلبارشىن ايتجانبايقىزى,
«ەqemen Qazaqstan»
الماتى