وليمپيادا چەمپيونى الەكساندر ۆينوكۋروۆ كونادا (گاۆاي, اقش) وتكەن Ironman بويىنشا الەم چەمپيوناتىندا ءوز جاس دارەجەسىنىڭ جەڭىمپازى اتاندى دەپ حابارلايدى Olympic.kz سايتى.
ۆينوكۋروۆ 45-49 جاس ارالىعىنداعى دارەجەدە قاتىستى. ءبىرىنشى كەزەڭدە ول 3,8 كم قاشىقتىقتى 1:09:06 ۋاقىتتا ءجۇزىپ ءوتتى. ۆەلوجارىستا 180 قاشىقتىقتى 4:21:06 ۋاقىتتا باعىندىرىپ, ءبىرىنشى ساتىعا كوتەرىلدى. جۇگىرۋ كەزەڭىندە قازاقستاندىق سپورتشى كوشباسشىلىقتى ساقتاپ, مارەگە ءبىرىنشى بولىپ جەتتى. 8:48:24 ۋاقىتتا بارلىق كەزەڭدى باعىندىرعان ول ءوز جاس دارەجەسىنىڭ جەڭىمپازى اتاندى.