مەملەكەت باسشىسى قازاقستان حالقىنىڭ جانە ءوزىنىڭ اتىنان ۇشقىش-عارىشكەر, كەڭەس وداعىنىڭ ەكى دۇركىن باتىرى الەكسەي لەونوۆتىڭ قايتىس بولۋىنا بايلانىستى قايعىرىپ كوڭىل ايتتى.
«الەكسەي ارحيپوۆيچ ءوز ءىسىنىڭ ناعىز شەبەرى, الەمدىك كوسموناۆتيكادا اتى اڭىزعا اينالعان تۇلعا ەدى. ول بايقوڭىر ايلاعىنان ۇشىپ, ادامزات تاريحىندا تۇڭعىش اشىق عارىشقا شىقتى. باتىر لەونوۆ ۇلى ماقساتقا جەتۋ جولىندا ءوز ءومىرىن تاۋەكەلگە تىگىپ, بۇعان دەيىن وزگەلەردىڭ قولىنان كەلمەگەن ەرلىك جاسادى»,– دەلىنگەن جەدەلحاتتا.