وزگە ەتنوس وكىلدەرىنىڭ مەملەكەتتىك تىلگە قۇرمەتى ەرەكشە

ساناعا سەرپىلىس بەرگەن «رۋحا­ني جاڭعىرۋ» باعدارلاماسى اياسىندا قازاقستان حالقىنىڭ تىل­دەرى كۇنى مەرەكەسىنە وراي اسكەري ءبولىمنىڭ بولىنىستەر ارا­سىندا «تىلدەر – حالىقتار دوستى­عىنىڭ ەلشىسى» اتتى فەستيۆال ءوتتى. فەس­تيۆالدىڭ ماقساتى – مەم­لە­كەت­تىك ءتىلدىڭ مارتەبەسىن اسىرۋ جانە وزگە ەتنوستاردىڭ تىلدەرىن قۇر­مەت­­تەۋگە شاقىرۋ.

فەستيۆالعا قازاقستان حالقى اسسامبلەياسى قوستاناي وبلى­سى فيليالىنىڭ وكىلدەرى, «دوستىق» ءۇيىنىڭ ءتۇرلى ەتنوستىق بىرلەستىك­تەرىنىڭ وكىلدەرى شاقىرىلدى. مە­رەيلى مەرەكەنى سايىس تۇرىندە ۇيىمداستىرىپ, ونەرلى ساربازداردان قۇرالعان ءتورت كوماندا ساحنادا ءتۇرلى ەتنوستاردىڭ ما­دەنيەتى مەن ۇلتتىق تاعامدارىن كەڭىنەن تانىستىردى. مىسالى, 1 جەدەل ماقساتتاعى روتاسى نەمىس, 2 جەدەل ماقساتتاعى روتاسى ۋكراين, 1 اتقىشتار روتاسى ۇيعىر, ما­تەريالدىق جانە تەحنيكالىق قام­تاماسىز ەتۋ روتاسى قازاق ۇل­­تىنىڭ سالت-داستۇرلەرىنەن, ادەت-عۇرىپتارىنان كورىنىستەر ۇسىندى. جوعارى دەڭگەيدە وتكەن فەستيۆالدە قوستاناي قالالىق فيلارمونياسىنىڭ ارتىستەرى ونەر كورسەتتى. شارادا شىرقالعان ان­دەر­دىڭ دەنى پاتريوتتىق تۇرعىدا بول­دى. اتالعان ءتىل فەستيۆالىندە ما­تەريالدىق جانە تەحنيكالىق قام­تاماسىز ەتۋ روتاسىنان قۇرال­عان قازاق ۇلتىنىڭ كومانداسى جە­ڭىمپاز اتاندى. كوزدىڭ جاۋىن الار ۇلتتىق كيىمدەرى مەن بي­لەرى وزگە قاتىسۋشىلاردان باسىم ءتۇس­تى. سونداي-اق قوستاناي قالا­سى­­نىڭ ولكەتانۋ مۇراجايى دا ءىس-شا­­راعا ارناپ, ءتۇرلى ەتنوستاردىڭ ما­دەنيەتىنەن سىر شەرتەتىن جادى­گەر­لەرىن ۇسىندى.

اسكەري بولىمدە اكتسيا جال­عاسى رەتىندە «قازاق ءتىلىنىڭ لا­­­تىن گرافيكاسىنا كوشۋ» تا­قىرىبىنداعى دارىستەر, قا­زاقستان كومپوزيتورلار ودا­عى­نىڭ مۇشەسى, كومپوزيتور قا­­لىبەك دەربيسالدينمەن كەز­دە­سۋلەر, ء«تىل شەبەرى», «مىڭ ءبىر ماقال-ماتەل» بايقاۋلارى, ء«وز حالقىڭنىڭ تاريحىن جانە ءداس­تۇرىن بىلەسىڭ بە؟» اتتى ۆيكتورينالار جانە «تىلدەر جانە ۇلت­تىق كود» تاقىرىبىندا ەلباسى ساعاتى ۇيىمداستىرىلىپ, «مەم­لەكەتتىك تىلدە وقيمىز» كىتاپ كور­مەسى ۇسىنىلدى.

قازاق ءتىلىنىڭ قولدانىس اۋقى­مىن كەڭەيتۋ – بارشا قازاق­ستاندىقتاردىڭ مىندەتى. بۇل مىن­دەتتى جۇزەگە اسىرۋدا ۇلتتىق ۇلان قاتارىندا بورىشىن وتەپ جۇرگەن, مەملەكەتتىك ءتىلدى مەڭ­گەر­گەن وزگە ەتنوس وكىلدەرىنەن قۇ­رالعان اسكەري قىزمەتشىلەر دە ات­سالىسىپ ءجۇر. مۇنداي ۇلگىلى جاندار اسكەري بولىمدەردە از ەمەس.

 مۇراتبەك قۇدايبەرگەنوۆ,

مايور

قوستاناي