پرەزيدەنت قاسىم-جومارت توقاەۆتىڭ قازاقستان حالقىنا جولداۋىن مۇقيات وقىپ شىقتىم. وسىناۋ ماڭىزدى قۇجاتتان اركىم الدىمەن وزىنە كەرەكتى جاعىن ىزدەيدى عوي. مەن دە ودان ءوزىم جانە ارىپتەستەرىم ءۇشىن وتە قاجەتتى ماسەلەلەرگە جاۋاپ ىزدەگەن ەدىم. سول جاۋاپتى كورىپ, قاتتى قۋانىپ قالدىم.
بارلىق جۇمىسقا تياناقتىلىق, ىنتا مەن ىجداعاتتىلىق تەك ەڭبەكاقى لايىقتى دەڭگەيدە تولەنگەندە عانا بولاتىنى بەلگىلى. ءبارىمىز دە كۇنكورىسىمىزدىڭ جالعىز كوزى – ەڭبەكاقىمىزدىڭ جوعارىلاۋ بولعانىن قالايمىز. ۇزاق جىلدار مادەنيەت سالاسىندا ەڭبەك ەتىپ كەلە جاتقان ءبىزدىڭ دە ارمانىمىز سول, ەڭبەكاقىمىز لايىقتى, تۇرمىستىق دەڭگەيىمىزدىڭ جاقسى بولعانى.
جولداۋدىڭ «الەۋمەتتىك جاڭعىرۋدىڭ جاڭا كەزەڭى» اتتى ءبولىمىنىڭ ءتورتىنشى تارماعىندا پرەزيدەنت ءبىز تۋرالى ارنايى ايتقان ەكەن. ول ءوزىنىڭ سوزىندە: ء«بىز مادەنيەت سالاسىندا جۇمىس ىستەيتىن ازاماتتارعا جەتكىلىكتى تۇردە كوڭىل بولمەي وتىرمىز. بۇل – ەڭ الدىمەن كىتاپحانا, مۋزەي, تەاتر قىزمەتكەرلەرىنە قاتىستى ماسەلە. ولاردىڭ ەڭبەكاقىسى سوڭعى جىلدارى مۇلدە كوبەيگەن جوق» دەدى. قانداي ناقتى, ءدوپ ايتىلعان سوزدەر. باسقا سالالاردىڭ ەڭبەكاقىلارى ازدى-كوپتى كوبەيىپ جاتقاندا بىزدىكى ۇنەمى ءبىر ورىننان قوزعالمايتىن ەدى. ال تۇتىنۋ تاۋارلارى مەن كىزمەتتەردىڭ باعالارى كۇننەن-كۇنگە ارتىپ بارادى. سونىڭ سالدارىنان ءوزىمىزدىڭ تۇرمىستىق احۋالىمىزدىڭ تومەندەپ بارا جاتقانىن سەزىنۋشى ەدىك. ەندى پرەزيدەنت وسىنى اتاپ كورسەتىپ, «كەلەسى جىلدان باستاپ ۇكىمەت مادەنيەت قىزمەتكەرلەرىنىڭ ەڭبەكاقىسىن كوبەيتۋى كەرەك» دەپ ناقتى تاپسىرما بەردى. ءبىز وسىعان قاتتى قۋانىپ قالدىق. پرەزيدەنت ناقتى ايتقاننان كەيىن ەڭبەكاقىلارىمىز دا لايىقتى دەڭگەيگە كوتەرىلەر دەگەن ۇمىتتەمىز.
اسەمگۇل قىدىبەكوۆا,
«ابىلاي حان
رەزيدەنتسياسى» مۋزەي كەشەنى ديرەكتورىنىڭ ورىنباسارى
پەتروپاۆل