«باتىس» وڭىرلىك قولباسشىلىعىنىڭ «قاراباتان» پوليگونىندا اۋماقتىق قورعانىس بريگاداسىنىڭ باتالونى مەن ارنايى اسكەرلەر باتالونى قاتىسقان وقۋ-جاتتىعۋلارىنىڭ بەلسەندى فازاسى ءوتتى. بۇل تۋرالى «باتىس» وڭىرلىك قولباسشىلىعىنىڭ ءباسپاسوز قىزمەتىنەن كاپيتان ر.يگيسينوۆ حابارلادى.
ارنايى-تاكتيكالىق وقۋ-جاتتىعۋدىڭ اڭىزى بويىنشا زاڭسىز قارۋلانعان توپ ءۇش جەڭىل اۆتوكولىكتە مۇناي وڭدەۋ زاۋىتىنىڭ اۋماعىنا كەلىپ كىردى. بۇزاقىلار شەكارادان ءوتىپ, ديۆەرسيا ۇيىمداستىرۋ ماقساتىمەن كىشىگىرىم توپتارمەن «قاراباتان» ەلدىمەكەنىنە بەت الدى.
بريگادانىڭ اۋماقتىق قورعانىس جانە ارنايى اسكەرلەر باتالوندارى جوسپارلانعان شابۋىل ورنى مەن مەملەكەتتىك ماڭىزى بار وبەكتىلەردى باقىلاۋعا الدى. بۇزاقىلار بلوكپوستقا شابۋىل جاساپ, ولارمەن اۋماقتىق قورعانىس باتالونى ۇرىسقا ءتۇستى.
شارتتى جاۋىنگەرلەردىڭ كوزى جويىلىپ, وقۋ-جاتتىعۋدىڭ بەلسەندى فازاسى اياقتالدى. ديۆەرسانتتاردى قارۋسىزداندىرۋ وپەراتسياسىنىڭ جەتەكشىسىنىڭ بايانداماسى بويىنشا, جەكە قۇرام قويىلعان تاپسىرمانى ءساتتى ورىنداي الدى.
ءبىراز ۋاقىتتان بەرى, وقۋ-جاتتىعۋدا وبلىس اۋداندارىنداعى قورداعى وفيتسەرلەر قاتىسقان بولاتىن. باستى ماقسات –جيىننىڭ بارىسىندا اسكەري-ەسەپتىك ماماندىقتار بويىنشا بەس كۇن ىشىندە دايىندىق وتكەن رەزەرۆتى دايارلاۋ.
وقۋ-جاتتىعۋدى ءىس جۇزىندە اتىراۋ وبلىسى اكىمىنىڭ ورىنباسارى جۇماباي قاراعاەۆ باسشىلىق ەتتى, سونىمەن قوسا, وقۋ-جاتتىعۋعا وبلىس اكىمى نۇرلان نوعاەۆ قاتىستى.
تاجىريبە بويىنشا, كەز-كەلگەن اسكەري قاۋىپتەن ءساتتى قورعانۋ, تەك قانا ءتۇرلى باعىتتاعى اسكەري قۇرىلىمداردىڭ ءوزارا ارەكەتتەستىك بولعان جاعدايدا عانا كەپىل بولۋى مۇمكىن. ولاردىڭ جوعارى ماشىقتىلىعى, قاۋىپ تونگەن باعىتتاعى كريزيستىك سيتۋاتسيانى وقشاۋلاۋ ءۇشىن جەدەل جانە قىسقا ۋاقىتتا اسكەرلەردى اشۋعا مۇمكىندىك بەرەدى.