پيلوتتىق جوبانى ازىرگە قازاقستاننىڭ ەلورداسىندا عانا ىسكە قوستى. جوباعا 5 پاتەر يەلەرىنىڭ كووپەراتيۆى جانە 44 ءۇي قاتىسىپ جاتىر. وسى جاڭا ەنگىزىلىمنىڭ ارقاسىندا ەلوردالىق پوشتا قىزمەتكەرلەرىنىڭ جۇكتەمەسى ازايتىلدى جانە جازباشا كوررەسپوندەنتسيا مەن مەرزىمدى باسىلىمداردى جەتكىزۋدىڭ شاپشاڭدىعى ارتتى. بۇل تۋرالى «قازپوشتا» اق ءباسپاسوز قىزمەتى حابارلادى.
ء«بىزدىڭ باستى ماقساتىمىز – شاپشاڭدىقتى ارتتىرۋ. شىلدە ايىندا ءبىز پوشتاشىلارىمىزعا ەلەكتر-ساموكاتتار بەردىك, ەندى پيك قىزمەتكەرلەرىن تارتۋ ارقىلى ولاردىڭ جۇكتەمەلەرىن ازايتىپ جاتىرمىز, - دەيدى استانا پوشتامتى ديرەكتورىنىڭ ورىنباسارى باعلان ورازباي. - ءبىر پوشتاشى, ادەتتە, كۇنىنە 70-تەن 300-گە دەيىن حات جەتكىزەدى. ولاردىڭ كوپشىلىگى ءبىر كۇننىڭ ىشىندە بارلىق حات-حابارلاردى جەتكىزۋگە فيزيكالىق تۇرعىدان ۇلگەرمەيدى. جۇكتەمەلەرىن جەڭىلدەتۋ ءۇشىن ءبىز وسى جوبانى ىسكە قوستىق».«قازپوشتا» اق پيك قىزمەتكەرلەرىنە پوشتاشى مىندەتتەرىنىڭ ءبىر بولىگىن عانا بەرەدى. ولاردىڭ مىندەتتەرىنە تەك جەتكىزىلىمدى ىسكە اسىرۋ كىرەدى, ال فيليال قىزمەتكەرلەرى جەتكىزۋ پاراعىن جاساپ, جونەلتىمدەردى سۇرىپتايدى.
ء«بىز جونىلتىمدەردى پيك-كە ءوزىمىز جەتكىزەمىز, بۇل ولار ءۇشىن جەتكىزۋدى جەڭىلدەتىپ, ۋاقىتتارىن ۇنەمدەيدى. ولارعا قازپوشتا بولىمشەسىنە بارۋدىڭ قاجەتى جوق. ءبىز پيك قىزمەتكەرىن اقىلى قىزمەت كورسەتۋ شارتى بويىنشا جالدايمىز. 5-15 ۇيگە قىزمەت كورسەتۋدىڭ تولەمى 53,5 مىڭ تەڭگەنى, 15-25 ءۇي ءۇشىن 60 مىڭ تەڭگەنى قۇرايدى. سونىمەن قاتار, پوشتا قىزمەتكەرىنىڭ مىندەتتەرىن اتقاراتىن پيك قىزمەتكەرىنە زەينەتاقى جارنالارى ەسەپتەلەدى», - دەدى باعلان ورازباي.
قازاننىڭ باسىندا تاعى ءۇش پيك-پەن شارت جاسالادى دەپ جوسپارلانۋدا. ال وسى جىلدىڭ سوڭىنا دەيىن ولاردىڭ سانى 15 بولادى. ەگەر پيلوتتىق جوبا وڭ ناتيجە كورسەتسە جانە جەتكىزۋ مەرزىمىن قىسقارتسا, بۇل تاجىريبە ەلوردانىڭ بارلىق اۋداندارى مەن ايماقتارىنا تاراتىلادى.
فوتو baribar.kz