قالا كۇنىنە ارنالعان شارالار ءالى جالعاسىپ جاتىر. الاتاۋ اۋدانى شاھار تۇرعىندارى مەن قوناقتارىنا مەرەكەلىك سىي جاسادى. قىمىز جانە باۋىرساق فەستيۆالىنە كەلگەندەر ۇلتتىق تاعامداردان ءدام تاتىپ, ونىڭ جاسالۋ جولدارىمەن تانىستى. بۇل اقپاراتتى الماتى قالاسى اكىمدىگىنىڭ ءباسپاسوز ءبولىمى حابارلادى.
قالانىڭ قاربالاسىنان قولدارى بوسامايتىن جۇرتتىڭ نازارىنا 10-عا جۋىق قىمىز بەن باۋىرساقتىڭ تۇرلەرى ۇسىنىلدى. سونداي-اق مەرەكە بارىسىندا قولونەر شەبەرلەرىنىڭ دە كورمەسى ۇيىمداستىرىلدى.
«مۇنى باستى باۋىرساق دەيمىز. ول اشىعان قامىردان پىسىرىلەدى. قوناققا سىي-قۇرمەت رەتىندە ۇسىنامىز. ال مىناۋ – اق باۋىرساق. بۇرىن تورەلەردىڭ داستارحانىنا اق باۋىرساق سالادى ەكەن», دەيدى الماتى قالاسى الاتاۋ اۋدانى ارداگەرلەر ۇيىمىنىڭ مۇشەسى نەسىپحان باتىرحانوۆا.