پاۆلوداردا جىلۋ بەرۋ باستالدى

وبلىستىق ەنەرگەتيكا جانە تۇرعىن ءۇي-كوممۋنالدىق شارۋا­شى­لىق باسقار­ما­سىنىڭ حابارلاۋىنشا, بيىلعى جىلىتۋ ماۋسىمىندا جەرگىلىكتى حالىققا قاجەتتى كومىردىڭ مولشەرى شامامەن 428 مىڭ توننانى قۇرايدى.

– كومىر ونىمدەرىن ساتۋ ورىندارىندا دۇرلىگۋدى بولدىرماۋ ءۇشىن وبلىس تۇرعىن­دا­رىنا جىلىتۋ ماۋسىمىنا كومىردى الدىن الا ساتىپ الۋ قاجەتتىگىن ەسكەرتىپ, ءتۇسىندىرۋ جۇمىستارىن جۇرگىزدىك.  2019-2020 جىلدار­دىڭ جىلۋ بەرۋ ماۋسىمىنا تۇر­عىندار ءۇشىن شامامەن 428 مىڭ توننا قاتتى وتىن كەرەك. قازىر 19,9 مىڭ توننا كومىر قورى بار. ءبىر توننا كومىردىڭ باعاسى جەتكىزۋمەن قوسا ەسەپتەگەندە 6 800-16 500 تەڭگە ارالىعىندا. حالىق نەگىزىنەن «مايكوبە» جشس, «بوگاتىر كومىر» جشس, «قاراجىرا لتد» جشس كومىرلەرىن ساتىپ الادى.  بولشەك ساۋدا نارىعىندا حالىققا كومىر جەتكىزۋدى 300-دەن استام جەكە كاسىپكەر جۇزەگە اسىرادى. قازىر وبلىستا كومىر تاپشىلىعى بايقالمايدى, – دەپ حابارلادى باسقارما.

جوعارىدا ايتىپ كەت­كە­نى­مىزدەي, وبلىس ورتالى­عىن­داعى الەۋمەتتىك نىساندار كۇزگى قارا سۋىقتا قالتىراۋدان امان. مەكتەپ, بالاباقشا, اۋرۋحانا سىندى نىساندار ىشكى تەمپەراتۋرالىق رەجىمدى وزدەرى رەتتەپ وتىرادى.

دايىندىق جۇمىستارى قان­شا­­لىقتى تىڭعىلىقتى جۇر­گى­زىلدى دەگەننىڭ وزىندە وبلىس ورتالىعىندا 100 شاقتى ءۇي جىلۋ ماۋسىمىنا دايىن ەمەس. بۇل ەشبىر قۇرىلىمدارمەن باسقارىلمايتىن ۇيلەر. سون­دىقتان قىس مەزگىلىنە ازىرلىك تە ءتيىستى دارەجەدە جۇرگىزىلمەگەن.

سوڭعى گيدراۆليكالىق سى­ناق­تار كەزىندە دە وبلىس ورتا­لى­عىنداعى جىلۋ جەلى­لە­رىندە اقاۋلار بار ەكەنى  انىقتادى.  قازىر كوممۋنالدىق سالا ماماندارى ونى قالپىنا كەلتىرۋمەن اينالىسىپ جاتىر. بىلتىر جىلۋ دەڭگەيى جەتكىلىكسىز بولعان بەس ماگيسترالدا كۇردەلى جون­دەۋ باستالعان.

قالالىق ەنەرگەتيكا جانە تۇر­عىن ءۇي-كوممۋنالدىق شارۋا­شىلىق ءبولىمىنىڭ وكىلى: «بۇل جىلدان-جىلعا جالعاسىپ كەلە جاتقان ماسەلە. جىلۋ ماگيس­ترال­دارىنىڭ ابدەن توزىعى جەتكەن. اعىمداعى جىلى نۇر-سۇلتان, لەرمونتوۆ جانە نابەرەجنايا كوشەلەرىندە, سونىمەن قاتار تولستوي كوشەسى 82 مەكەنجايى بويىنشا جۇمىس ءجۇرىپ جاتىر. بىلتىر بۇل اۋماقتاردا جىلۋمەن قامتۋ دەڭگەيى تومەن بولدى. سوندىقتان ۇزىندىعى 250 مەترلىك جەلىنى اۋىستىرۋعا تۋرا كەلدى», دەيدى.

بۇگىنگى تاڭدا وبلىس ورتالى­عىن­دا­عى 1276 تۇرعىن ءۇيدىڭ جۇز­دەن استامى ماۋسىمعا دايىن ەمەس. بۇل پاتەر يە­لە­نۋ­شى كووپەراتيۆتەرى, وزگە دە باسقارۋ قۇرى­لىم­دارى جوق ۇيلەر. تۇرعىندار ونى ءوز كۇشتەرىمەن دايىنداۋعا قاۋقارسىز. سول سياقتى ىشكى جىلۋمەن قامتۋ جۇيەسىنە جوندەۋ جۇرگىزۋ ءۇشىن قارجى جيناۋعا مۇمكىندىكتەرى جوق.

 پاۆلودار وبلىسى