كەزدەسۋ بارىسىندا ەلباسى قازاقستان مەن رەسەي فەدەراتسياسى اراسىنداعى قاتىناستاردى نىعايتۋ جونىندەگى جۇمىستىڭ ناتيجەلەرى مەن پەرسپەكتيۆالارىنا توقتالدى. بۇل تۋرالى ەلباسىنىڭ رەسمي سايتى حابارلادى.
– مەملەكەتتىك دۋما مەن پارلامەنت ءماجىلىسى تۇتاستاي ءبىزدىڭ ەلدەرىمىز سياقتى دوستىق بايلانىستا. ءبىزدىڭ قاتىناستارىمىز ساياساتتا دا, ەكونوميكالىق سالادا دا, سونداي-اق, مادەني-گۋمانيتارلىق ىنتىماقتاستىقتا دا ۇلگىلى بولىپ تابىلادى. ءبىز ءارى قاراي دا وسى باعىتتار بويىنشا جۇمىستى جالعاستىرا بەرەتىنىمىزگە سەنىمدىمىن, - دەدى قازاقستاننىڭ تۇڭعىش پرەزيدەنتى.
ءوز كەزەگىندە ۆ.ۆولودين ەلباسىنىڭ قازاقستان مەن رەسەي اراسىنداعى مەملەكەتارالىق قاتىناستاردى ورناتۋداعى جانە نىعايتۋداعى ماڭىزدى ءرولىن اتاپ ءوتتى.
سونىمەن قاتار رف مەملەكەتتىك دۋماسىنىڭ توراعاسى الداعى پارلامەنتتىك شاراعا دايىندىقتىڭ جوعارى دەڭگەيىن ايتا كەلە, پارلامەنتارالىق بايلانىستاردى نىعايتۋداعى سپيكەرلەر كەڭەسىنىڭ ءوسىپ كەلە جاتقان رولىنە نازار اۋداردى.