ەسىل اۋدانىنىڭ اكىمدىگىندە ەلوردا اكىمى ا. كولگىنوۆ پەن سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى ا. شپەكباەۆتىڭ قاتىسۋىمەن Open Akimat اشىلدى. بۇل تۋرالى قالا اكىمدىگىنىڭ رەسمي سايتى حابارلادى.
مەملەكەت باسشىسى ۇلتتىق قوعامدىق سەنىم كەڭەسى وتىرىسىندا باسقارۋ مادەنيەتىنىڭ جاڭا ستاندارتتارىنا كوشۋ قاجەتتىگىن اتاپ وتكەن بولاتىن.
«Open اكىمدىك» جەرگىلىكتى بيلىككە تۇرعىندارعا سەرۆيستىك قىزمەت كورسەتۋگە مۇمكىندىك بەرەدى, حالىق پەن مەملەكەتتىك قىزمەتكەرلەر اراسىنداعى بايلانىستى جاقسارتا تۇسەدى», - دەدى قاسىم-جومارت توقاەۆ.
ماسەلەن, Open akimat تۇرعىندارعا ء«بىر تەرەزە»قاعيداتى بويىنشا قىزمەت كورسەتەتىن بولادى. ازاماتتار تۇرعىن ءۇي قۇرىلىس جيناق بانكى, تۇرعىن ءۇي قورى, جۇمىسپەن قامتۋ ورتالىعى, قازپوشتا جانە اۋدان اكىمدىگى قىزمەتكەرلەرىنىڭ كومەگىنە جانە كەڭەسىنە جۇگىنە الادى.
«تۇرعىندار جەكە كەلىپ, قىزمەتكەرلەردەن كوكەيدە جۇرگەن ساۋالدارىنا جاۋاپ العىلارى كەلەدى. بارلىعى اشىق تۇردە جاسالىنعان. مىسالى, بالاباقشاعا, تۇرعىن ۇيگە كەزەكتە تۇرعان ازاماتتار ءوز كەزەگىن كۇتىپ, زاڭدى تۇردە بالا باقشاعا بالاسىن بەرىپ, نە ءۇي يەسى بولا الادى. بارلىعى تەك زاڭدى قاتاڭ تۇردە ساقتاۋ اياسىندا ورىندالماقشى. باسقا ەش سحەما جوق», - دەدى ا. كولگىنوۆ.
سونىمەن قاتار, زالدا ازاماتتاردى قابىلداۋ بويىنشا ارنايى كابينەتتەر جانە ازاماتتىق حال اكتىلەرىن تىركەۋ ءبولىمى (نەكەنى تىركەۋ, بالا اسىراپ الۋ, نەكە بۇزۋ پروتسەستەرى جانە ت.ب.) بار. ا. كولگىنوۆ پەن ا. شپەكباەۆ Open akimat بازاسىندا ازاماتتاردى قابىلداپ, ولاردىڭ ماسەلەلەرىن جەكە باقىلاۋعا الدى. سونداي-اق, زالدا بالالار بۇرىشى, كىتاپحانا جانە وزىنە-ءوزى قىزمەت كورسەتۋ ايماعى جابدىقتالعان.
Open Akimat «استانا - ادالدىق الاڭى» جوباسى اياسىندا جۇزەگە اسىرىلۋدا. تۇرعىنداردى قابىلداۋ قالالىق جانە اۋداندىق اكىمدىكتەردە, «جانۇيا»وتباسى ينستيتۋتىن قولداۋ ورتالىعىندا جۇيەلى تۇردە جۇرگىزىلەدى.