14 قىركۇيەك كۇنى وليمپيادا چەمپيونى دانيار ەلەۋسىنوۆ (7-0, 3 كو) امەريكالىق بوكسشى رەشارد حيكسپەن (12-0-1, 6 كو) جۇدىرىقتاسادى. بۇل دانيار ەلەۋسىنوۆتىڭ كاسىپقوي بوكستاعى سەگىزىنشى كەزدەسۋى.
شارا نيۋ-يورك قالاسىنداعى ايگىلى Madison Square Garden ارەناسىندا ون راۋندتىق فورماتتا وتەدى. ەلەۋسىنوۆ-حيكس كەزدەسۋى WBC تۇجىرىمى بويىنشا جەڭىل سالماقتاعى «ۋاقىتشا» چەمپيون تيتۋلى ءۇشىن امەريكالىق دەۆين حەيني (22-0, 14 كو) جانە رەسەيلىك زاۋر ابدۋللاەۆ (11-0, 7 كو) اراسىنداعى بوكس كەشىنىڭ اياسىندا بولادى.
ەلەۋسىنوۆ پەن حيكس اراسىنداعى جەكپە-جەكتى 14 قىركۇيەك كۇنى ساعات 06:00-دە «حابار» تەلەارناسى تىكەلەي ەفيردە كورسەتەدى.
ايتا كەتەيىك, دانيار ەلەۋسىنوۆ – 28 جاسار قازاقستاندىق بوكسشى, كاسىبي بوكستاعى العاشقى جەكپە-جەگى 2018 جىلدىڭ 28 ءساۋىرى كۇنى نيۋ-يورك قالاسىندا ءوتتى. كەزدەسۋدە بوكسشى امەريكالىق نوا كيددتى ءۇشىنشى راۋندتا نوكاۋتقا جىبەردى. سوڭعى جەكپە-جەگىندە لۋيس نورامبۋەن (3-1-1, 2 كو) كەزدەسىپ, التى راۋند ايقاستى. ناتيجەسىندە تورەشىلەردىڭ شەشىمىمەن ەلەۋسىنوۆ جەڭىمپاز اتاندى (60-54, 60-54, 59-55).
رەشارد حيكس – 34 جاسار امەريكالىق بوكسشى, كاسىپقوي رينگتە وتكىزگەن 13 جەكپە جەكتىڭ 12-ىنە جەڭىسكە جەتىپ, ءبىر رەت تەڭ تۇسكەن.