وزەكتى ماسەلەلەر بەيبىت جولمەن شەشىلگەندە ۇتىمدى

ديپلومات پارلامەنتتىڭ جوعارعى پالاتاسىنىڭ توراعاسى قىزمەتىنە سايلانۋىنا بايلانىستى سەنات باسشىسىنا پا­لەستينا ۇلتتىق كەڭەسىنىڭ قۇتتىقتاۋىن جەتكىزدى جانە وعان الداعى ۋاقىتتاعى قىزمەتى تا­بىستى بولۋىنا تىلەكتەستىگىن ءبىلدىردى.

«قازاقستان تاۋەلسىزدىكتىڭ العاشقى كۇنىنەن باستاپ تاياۋ شىعىستاعى وزەكتى ما­سەلەلەردى بەيبىت جولمەن شە­شۋدى جاقتاپ كەلەدى جانە پالەستينانى الەۋ­مەتتىك-ەكو­نوميكالىق تۇر­­عىدا تەزىرەك وڭالتۋعا با­عىتتالعان حا­لىق­ارالىق قوعام­داستىقتىڭ گۋمانيتارلىق اكتسيالارىن قولدايدى», دەدى ول.

ەلشى قازاقستان تاراپىنا حالىقارالىق كۇن تارتىبىندەگى نەگىزگى ماسەلەلەر بويىنشا قولداۋ كورسەتىپ كەلە جاتقانى جانە ەكىجاقتى ىنتىماقتاستىق ءۇشىن العىسىن ءبىلدىردى. م.ءابۋ زەيد ساۋدا-ەكونوميكالىق ىن­تىماقتاستىقتى دامىتۋ تۋرالى ايتا كەلىپ, قازاقستان مەن ورتالىق ازياداعى ەڭ بيىك عيمارات بولاتىن كوپ سالالى ء«ابۋ-دابي پلازا» كەشەنىنىڭ قۇرىلىسى تۋرالى حاباردار ەتتى. قازىرگە دەيىن 76 قاباتى سالىندى, قازان ايىنىڭ سو­ڭىندا «Sheraton» قوناقۇيى پايدالانۋعا بەرىلەدى.

تاراپتار ينۆەستيتسيالىق ىنتىماقتاستىقتى كەڭەيتۋ, پالەستينا ازاماتتارى ءۇشىن ۆيزا ءتارتىبىن جەڭىلدەتۋ مۇم­كىندىكتەرىن, سونداي-اق «تە­ڭىز» مۇناي كەن ورنىنداعى قاق­تىعىستى تالقىلادى. ماسە­لەلەردى پىسىقتاۋ ءۇشىن مەكەمە­ارالىق كوميسسيا قۇرىلدى. سەنات توراعاسى شەتەلدىك ازا­مات­تاردىڭ قازاقستان زاڭ­ناماسىن ساقتاۋى, سونداي-اق قازاق حالقىنىڭ ۇلتتىق سالت-داستۇرلەرىن قۇرمەتتەۋى قاجەتتىگىن اتاپ ءوتتى.