قازاقستان رەسپۋبليكاسى جوعارعى سوتىنىڭ نورماتيۆتىك قاۋلىسى №7
بەيسەنبى, 17 قاڭتار 2013 7:08 2012 جىل 29 جەلتوقسان استانا قالاسىقازاقستان رەسپۋبليكاسى جوعارعى سوتىنىڭ نورماتيۆتىك قاۋلىسىادامدى ساۋداعا سالعانى ءۇشىن جاۋاپكەرشىلىك انىقتايتىن زاڭنامانى قولدانۋ تاجىريبەسى تۋرالىادامدى ساۋداعا سالۋعا بايلانىستى قازاقستان رەسپۋبليكاسىنىڭ زاڭدارىن جانە قازاقستان رەسپۋبليكاسى راتيفيكاتسيالاعان حالىقارالىق شارتتاردى دۇرىس ءارى بىركەلكى قولدانۋدى قامتاماسىز ەتۋ ماقساتىندا قازاقستان رەسپۋبليكاسى جوعارعى سوتىنىڭ جالپى وتىرىسى
بەيسەنبى, 17 قاڭتار 2013 7:08 2012 جىل 29 جەلتوقسان استانا قالاسىقازاقستان رەسپۋبليكاسى جوعارعى سوتىنىڭ نورماتيۆتىك قاۋلىسىادامدى ساۋداعا سالعانى ءۇشىن جاۋاپكەرشىلىك انىقتايتىن زاڭنامانى قولدانۋ تاجىريبەسى تۋرالىادامدى ساۋداعا سالۋعا بايلانىستى قازاقستان رەسپۋبليكاسىنىڭ زاڭدارىن جانە قازاقستان رەسپۋبليكاسى راتيفيكاتسيالاعان حالىقارالىق شارتتاردى دۇرىس ءارى بىركەلكى قولدانۋدى قامتاماسىز ەتۋ ماقساتىندا قازاقستان رەسپۋبليكاسى جوعارعى سوتىنىڭ جالپى وتىرىسى قاۋلى ەتەدى:1. ادامدى ساۋداعا سالعانى ءۇشىن جاۋاپكەرشىلىكتى انىقتايتىن زاڭنامانىڭ دۇرىس قولدانىلۋى ادامنىڭ قۇقىقتارى مەن بوستاندىقتارىن تيىسىنشە قامتاماسىز ەتەتىنىنە قىلمىستىق پروتسەستى جۇرگىزۋشى ورگانداردىڭ نازارى اۋدارىلسىن.2. قازاقستان رەسپۋبليكاسى قىلمىستىق كودەكسىنىڭ (بۇدان ءارى – قك) 128 جانە 133-باپتارىندا كوزدەلگەن قىلمىستاردىڭ وبەكتيۆتى جاعى ادامنىڭ قۇقىقتارى مەن بوستاندىقتارىنا قول سۇعۋدى بىلدىرەدى جانە ادامدى ساتىپ الۋ-ساتۋ نەمەسە ادامعا قاتىستى وزگە دە مامiلەلەر جاساسۋ, ونى پايدالانۋ, ازعىرىپ-كوندiرۋ, تاسۋ, بەرۋ, جاسىرۋ, سونداي-اق پايدالانۋ ماقساتىندا وزگە دە ارەكەتتەر جاساۋدان بايقالادى.قك-ءنىڭ 128-بابىنىڭ ءبىرىنشى بولىگى جانە قك-ءنىڭ 133-بابىنىڭ ءبىرىنشى بولىگى بويىنشا ارەكەتتەردى سارالاۋ ءۇشىن وسى باپتاردىڭ ديسپوزيتسياسىندا كورسەتىلگەن ءىس-ارەكەتتەردىڭ ەڭ بولماعاندا بىرەۋىنىڭ جاسالۋ فاكتىسىنىڭ انىقتالعانى جەتكىلىكتى.ادامدى ساۋداعا سالۋمەن بايلانىستى قىلمىستىڭ وبەكتىسى ادامنىڭ بوستاندىعى, ونىڭ جەكە باسىنىڭ قاۋىپسىزدىگى, قۇقىقتارى مەن زاڭدى مۇددەلەرى, ار-نامىسى مەن قادىر-قاسيەتى, تۇراتىن جەرىن, قىزمەت ءتۇرى مەن ماماندىقتى ەركىن تاڭداۋ قۇقىعى بولىپ تابىلادى.ادامدى ساتىپ الۋ-ساتۋدىڭ نەمەسە وعان قاتىستى وزگە دە مامىلەلەردى جاساسۋدىڭ سۋبەكتيۆتى جاعى تىكەلەي نيەتپەن سيپاتتالادى. سوندىقتان ارەكەتتى قك-ءنىڭ 128-بابىنىڭ ءبىرىنشى بولىگى بويىنشا جانە قك-ءنىڭ 133-بابىنىڭ ءبىرىنشى بولىگى بويىنشا سارالاۋ ءۇشىن وسىنداي مامىلەلەردىڭ قانداي ماقساتپەن جاسالعانى ماڭىزدى ەمەس.ادامدى ازعىرىپ-كوندiرۋ, تاسۋ, بەرۋ, جاسىرۋ كەزىندە قىلمىستىڭ سۋبەكتيۆتى جاعى تىكەلەي نيەتپەن سيپاتتالادى, ال قىلمىستىڭ ماقساتى ادامدى پايدالانۋ بولىپ تابىلادى.3. ادامدى ساتىپ الۋ-ساتۋ دەپ ءبىر تاراپ (ساتۋشى) باسقا تاراپقا (ساتىپ الۋشىعا) ادامدى بەلگىلى ءبىر سىياقى ءۇشىن بەرەتىن قۇقىققا قايشى اقىلى مامىلەنى تۇسىنگەن ءجون.قك-ءنىڭ 128-بابى بويىنشا نە قك-ءنىڭ 133-بابى بويىنشا قىلمىستىق جاۋاپتىلىققا اكەلىپ سوقتىراتىن وزگە مامىلەلەرگە ادامدى سىيعا تارتۋدى (ادامدى باسقا ءبىر ادامعا تەگىن بەرۋ), ايىرباستاۋدى (ادامدى الدەنەگە ايىرباستاۋ), الماستىرۋدى ء(بىر ادامدى باسقا ءبىر اداممەن اۋىستىرۋ), جالعا بەرۋدى (ادامدى اقىعا ۋاقىتشا يەلەنۋگە جانە پايدالانۋعا بەرۋ), ادامدى تاراپتار اراسىندا جاسالعان مامىلە بويىنشا مىندەتتەمەنىڭ ورىندالۋىن قامتاماسىز ەتۋدىڭ كەپىلى رەتىندە قالدىرۋدى, ادامدى تولەم رەتىندە پايدالانۋدى, ادامدى قانداي دا ءبىر م ۇلىكتىك ەمەس سيپاتتا پايدا تابۋ ماقساتىندا بەرۋدى جانە باسقالاردى جاتقىزعان ءجون.4. ادامعا قاتىستى ساتىپ الۋ-ساتۋ نەمەسە پايدالانۋ ماقساتىنداعى وزگە دە مامىلەلەر جاساسۋدى ادام باسقا ادامدارعا بەرىلگەن ساتتەن باستاپ اياقتالعان قىلمىس دەپ ەسەپتەگەن ءجون. بۇل رەتتە ادامدى ساتقانى نەمەسە وزگە دە مامىلەلەردى جاساسقانى ءۇشىن سىياقى الۋ ۋاقىتى ماڭىزدى ەمەس.5. ادامدى ازعىرىپ-كوندىرۋ دەپ جابىرلەنۋشىنى قانداي دا ءبىر جۇمىستاردى نەمەسە قانداي دا ءبىر قىزمەتتى, سونىڭ ىشىندە, ەگەر ونى پايدالانۋ ماقساتىمەن بايلانىستى بولسا قۇقىققا قايشى قىزمەتتى اتقارۋعا كەلىسۋىنە قول جەتكىزۋ تۇسىنىلەدى. ازعىرىپ-كوندىرۋ تاسىلدەرى ءارتۇرلى: سىياقى جونىندە ۋادە بەرۋ, جۇمىس ۇسىنۋ, الداۋ, ازعىرۋ, بوپسالاۋ, قورقىتۋ, قوقان-لوقى كورسەتۋ جانە باسقالار بولۋى مۇمكىن.6. ادامدى تاسۋ ادامدى پايدالانۋ ماقساتىندا ءبىر جەردەن ەكىنشى جەرگە, سونىڭ ىشىندە ءبىر ەلدى مەكەننىڭ ىشىندە ونىڭ ورنىن اۋىستىرۋعا بايلانىستى قاساقانا جاسالاتىن ءىس-ارەكەتتى بىلدىرەدى. بۇل رەتتە كولىك ءتۇرى, ادامدى تاسىمالداۋ ۋاقىتى مەن تاسىلدەرى ارەكەتتى سارالاۋ ءۇشىن ماڭىزدى ەمەس. ادامدى تاسۋ اپارىلاتىن ادامدى تەك وعان بىرەۋدىڭ ىلەسۋىمەن جەتكىزۋدى عانا ەمەس, سونداي-اق اپارىلاتىن جابىرلەنۋشىگە باراتىن جەرىنە دەيىن جول ءجۇرۋ قۇجاتتارىن ساتىپ اپەرۋدى, جابىرلەنۋشىنىڭ ول جەرگە ءوز بەتىمەن جەتۋىن بىلدىرەدى. جەتكىزۋ جۇزەگە اسىرىلا باستاعان ساتتەن اياقتالدى دەپ ەسەپتەلەدى.7. جابىرلەنۋشىنى بەرۋ دەپ ونى پايدالاناتىن ادامعا تىكەلەي بەرۋدى تۇسىنگەن ءجون.ءوزىنىڭ نەمەسە باسقا ادامداردىڭ ادامدى پايدالانۋ ماقساتىندا بەرگەن جانە العان ادامداردىڭ ءىس-ارەكەتتەرى قك-ءنىڭ 128-بابىنىڭ ءتيىستى بولىگى بويىنشا, ال كامەلەتكە تولماعانعا قاتىستى – قك-ءنىڭ 133-بابىنىڭ ءتيىستى بولىگى بويىنشا, سونداي-اق ادامدار توبىنىڭ الدىن الا ءسوز بايلاسۋ بەلگىسى بويىنشا سارالاۋعا جاتادى.8. ادامدى كەيىن پايدالانۋ ماقساتىمەن جاسىرۋ دەپ جابىرلەنۋشىنى قۇقىق قورعاۋ ورگاندارىنان, تۋىستارى مەن باسقا ادامداردان جاسىرۋدى تۇسىنگەن ءجون (مىسالى, ارنايى ءۇي-جايلارعا جاسىرۋ, قانداي اۋماققا بولسا دا شىعۋىنا مۇمكىندىك بەرمەۋ, جابىرلەنۋشىنىڭ جەكە وزىنە نەمەسە پسيحيكالىق بەلسەندىلىگىنىڭ تومەندەۋىنە ءدارى-دارمەك ارقىلى ىقپال ەتۋ). جاسىرۋ جابىرلەنۋشىنىڭ ءوزىن جاسىرۋمەن قاتار ونى تابۋدى قيىنداتاتىن وزگە دە ءىس-ارەكەتتەردەن (قۇجاتتارىن, سىرتقى بەينەسىن وزگەرتۋ جانە تاعى باسقالار) بايقالادى.9. «ادامدى پايدالانۋ» ۇعىمىن قك-ءنىڭ 128, 133-باپتارىنا لايىقتاپ ايقىنداۋ كەزىندە قك-ءنىڭ 125-بابىنىڭ ەسكەرتۋىن باسشىلىققا العان ءجون.10. جابىرلەنۋشىنى جىنىستىق سيپاتتاعى ءىس-ارەكەتتەردى جاساۋ (ازعىندىق ءىس-ارەكەتتەر, پورنوگرافيالىق تۇسىرىلىمدەر, بەينە-كليپتەر جاساۋ) ءۇشىن ماجبۇرلەپ پايدالانۋ قك-ءنىڭ 128, 133-باپتارىنىڭ ديسپوزيتسياسىمەن قامتىلادى جانە قك-ءنىڭ 132-1-بابى بويىنشا نە قك-ءنىڭ 270-بابى بويىنشا قوسىمشا سارالاۋدى تالاپ ەتپەيدى.11. قك-ءنىڭ 128, 133-باپتارىندا كورسەتىلگەن ءىس-ارەكەتتەردىڭ ەڭ بولماعاندا بىرەۋى وزدەرىنە قاتىستى تىكەلەي جاسالعان ادامداردى جابىرلەنۋشىلەر دەپ تانىعان ءجون. سوتتار جوعارىدا كورسەتىلگەن ءىس-ارەكەتتەر وزىنە قاتىستى جاسالعان ادامعا كەلتىرىلگەن زياندى انىقتاۋ قاجەت بولعان كەزدە ارنايى ءبىلىمى بار ادامداردى تارتۋعا قۇقىلى.قىلمىستىق پروتسەستى جۇرگىزۋشى ورگاندار جابىرلەنۋشىلەردىڭ قاۋىپسىزدىگىن قامتاماسىز ەتۋ ماقساتىندا الدىن الا تەرگەۋ بارىسىندا قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ (بۇدان ءارى – قىجك) 99-100-باپتارىندا, ال سوت تالقىلاۋى كەزىندە قىجك-ءنىڭ 101-بابىندا كوزدەلگەن شارالاردى قابىلداۋعا مىندەتتى.قىجك-ءنىڭ 53-بابىنا سايكەس, ولار جابىرلەنۋشىنىڭ ىشكى ءمان-جايلارى مەن جەكە ومىرىنە قاتىستى مالىمەتتەردىڭ قۇپيالىلىعىن قامتاماسىز ەتۋگە مىندەتتى.جابىرلەنۋشىلەر زاڭسىز كوشىپ-قونعانى, قازاقستان رەسپۋبليكاسىنىڭ مەملەكەتتىك شەكاراسىن قاساقانا زاڭسىز كەسىپ وتكەنى, ەلدەن شىعارىپ جىبەرۋ تۋرالى شەشىمدى ورىنداماعانى, ەلدە بولۋ ەرەجەسىن بۇزعانى, جالعان قۇجاتتاردى پايدالانعانى, ەڭبەك قىزمەتىن زاڭسىز جۇزەگە اسىرعانى ءۇشىن, ەگەر جابىرلەنۋشىلەر وسى ارەكەتتەردى ولاردى ساتۋعا بايلانىستى جاساسا جاۋاپكەرشىلىككە تارتۋعا جاتپايدى.12. ادامدى ساۋداعا سالۋ ەكi جانە ودان دا كوپ ادامعا قاتىستى ءبىر مەزگىلدە نە ءارتۇرلى ۋاقىتتا جاسالۋى مۇمكىن. كىنالى ادامنىڭ ءىس-ارەكەتتەرىن قىلمىستاردىڭ بىرنەشە مارتە قايتالانۋ نە ەكى جانە ودان دا كوپ ادامعا قاتىستى جاسالۋ بەلگىلەرى بويىنشا سارالاۋ كەزىندە ونىڭ نيەتىنىڭ باعىتىن, ناقتى ءىس-ارەكەتتەرىنىڭ سيپاتىن, قىلمىستار اراسىنداعى ۋاقىتتى جانە جاسالعان قىلمىستىڭ باسقا دا ءمان-جايلارىن نەگىزگە العان ءجون.ءار ءتۇرلى ۋاقىتتا بىرنەشە جابىرلەنۋشىلەرگە قاتىستى بىرىڭعاي نيەتپەن قامتىلماعان ءىس-ارەكەتتەر قك-ءنىڭ 128-بابى ەكىنشى بولىگىنىڭ ب) تارماعى بويىنشا جانە قك-ءنىڭ 133-بابى ەكىنشى بولىگىنىڭ ب) تارماعى بويىنشا سارالاۋعا جاتادى.كىنالى ادامنىڭ بىرىڭعاي نيەتپەن ەكى جانە ودان دا كوپ ادامعا قاتىستى جاساعان ءىس-ارەكەتتەرى قك-ءنىڭ 128-بابى ەكىنشى بولىگىنىڭ ە) تارماعى بويىنشا جانە قك-ءنىڭ 133-بابى ەكىنشى بولىگىنىڭ د) تارماعى بويىنشا سارالاۋعا جاتادى.ادام ساۋداسىنا بايلانىستى اياقتالعان قىلمىستى جاساعان, قىلمىستى جاساۋعا دايىندالعان جانە وقتالعان ادامنىڭ ءىس-ارەكەتتەرى قىلمىستاردىڭ جيىنتىعىن قۇرايدى.13. كىنالى ادامنىڭ ءىس-ارەكەتتەرىن قك-ءنىڭ 128-بابى ەكىنشى بولىگىنىڭ ج) تارماعى جانە قك-ءنىڭ 133-بابى ەكىنشى بولىگىنىڭ ە) تارماعى بويىنشا سارالاۋ ءۇشىن ادامدى ساۋداعا سالۋدىڭ اۋىستىرىپ سالۋ نەمەسە وزگەدەي پايدالانۋ ءۇشiن جابiرلەنۋشiنiڭ ورگاندارىن نەمەسە تiنiن الۋ ماقساتىندا جاسالعانىن انىقتاۋ قاجەت.ادامنىڭ ورگاندارى مەن تiنiن الۋعا ءماجبۇر ەتۋگە نەمەسە زاڭسىز الۋعا بايلانىستى ءىس-ارەكەتتەر قك-ءنىڭ 113-بابىنىڭ ءتيىستى بولىگى بويىنشا بولەك سارالانادى.14. قك-ءنىڭ 128-بابى ەكىنشى بولىگىنىڭ ز) تارماعى, قك-ءنىڭ 133-بابى ەكىنشى بولىگىنىڭ ج) تارماعى بويىنشا ادامدى ساۋداعا سالعانى ءۇشىن جاۋاپتىلىق جابىرلەنۋشىنى الداعان نەمەسە ونىڭ سەنiمىنە قيانات جاساعان جاعدايلاردا تۋىندايدى. جابىرلەنۋشى وسىنىڭ ناتيجەسىندە كىنالى ادامنىڭ ونى ساتۋ, ونى پايدالانۋعا باعىتتالعان وزگە دە مامىلەلەر مەن ءىس-ارەكەتتەردى جاساۋ نيەتىمەن ارەكەت جاساپ جۇرگەنىن بىلمەگەندىكتەن ەرىكسىز كۇيدە قالادى.15. مەملەكەتتىك نە مەملەكەتتىك ەمەس ۇيىمداردا جۇمىس ىستەي ءجۇرىپ ءوزىنىڭ قىزمەت بابىن پايدالانىپ قىلمىس جاساعان لاۋازىمدى ادامنىڭ ءىس-ارەكەتتەرىن قك-ءنىڭ 128-بابى ەكىنشى بولىگىنىڭ ي) تارماعى جانە قك-ءنىڭ 133-بابى ەكىنشى بولىگىنىڭ ز) تارماعى بويىنشا سارالاعان ءجون. لاۋازىمدى ادامنىڭ ادامداردى ساۋداعا سالۋى وسى قىلمىستىڭ سارالاۋشى بەلگىسى بولىپ تابىلادى جانە قك-ءنىڭ 307-بابى بويىنشا قوسىمشا سارالاۋدى تالاپ ەتپەيدى.16. كىنالى ادامعا ماتەريالدىق نەمەسە وزگە دە تاۋەلدiلiكتە بولعان جابىرلەنۋشىگە قاتىستى ارەكەتتەر قك-ءنىڭ 128-بابى ەكىنشى بولىگىنىڭ ك) تارماعى جانە قك-ءنىڭ 133-بابى ەكىنشى بولىگىنىڭ ك) تارماعى بويىنشا سارالانادى.جابiرلەنۋشiنiڭ ماتەريالدىق تاۋەلدiلiكتە بولۋى, مىسالى, ونىڭ كىنالى ادامنىڭ اسىراۋىندا تولىق نەمەسە ءىشىنارا بولۋىنان, كىنالى ادامنىڭ تۇرعىن ءۇي-جايىندا تۇرۋىنان بايقالۋى مۇمكىن. جابىرلەنۋشىنىڭ كىنالى ادامعا كەز كەلگەن ماتەريالدىق ەمەس تاۋەلدىلىكتە بولۋىن (مىسالى, وتباسىلىق قاتىناستار, باعىنىشتىنىڭ باسشىعا, وقۋشىنىڭ وقىتۋشىعا تاۋەلدى بولۋى) وزگە تاۋەلدىلىك دەپ ءتۇسىنۋ قاجەت.17. ادامدى قازاقستان رەسپۋبليكاسىنىڭ شەگiنەن تىس جەرلەرگە اكەتۋ (جونەلتۋ), قازاقستان رەسپۋبليكاسىنا اكەلۋ نەمەسە بiر شەت مەملەكەتتەن باسقا مەملەكەتكە قازاقستان رەسپۋبليكاسىنىڭ اۋماعى ارقىلى تاسۋ (ترانزيت) ماقساتىندا جاسالعان ارەكەتتەر, سول سياقتى وسىنداي ارەكەتتەردi جاساۋ ماقساتىندا ادامدى قازاقستان رەسپۋبليكاسىنىڭ شەگiنەن تىس جەرلەرگە اكەتۋ, قازاقستان رەسپۋبليكاسىنا اكەلۋ نەمەسە بiر شەت مەملەكەتتەن باسقا مەملەكەتكە قازاقستان رەسپۋبليكاسىنىڭ اۋماعى ارقىلى تاسىپ, ادامدى ساۋداعا سالۋ ارەكەتتەرى ءۇشىن قك-ءنىڭ 128 جانە 133-باپتارىنىڭ ءۇشىنشى بولىكتەرى بويىنشا جاۋاپتىلىق كوزدەلەدى.18. ۇيىمداسقان توپ – بiر نەمەسە بiرنەشە قىلمىستى جاساۋ ءۇشiن الدىن الا بiرiككەن ادامداردىڭ تۇراقتى توبى جاساعان ادامدى ساۋداعا سالۋ قك-ءنىڭ 128-بابى ءتورتىنشى بولىگىنىڭ ا) تارماعى جانە 133-بابى ءتورتىنشى بولىگىنىڭ ا) تارماعى بويىنشا سارالانادى. ۇيىمداسقان توپتى الدىن الا ءسوز بايلاسقان ادامدار توبىنان تۇراقتىلىعى مەن ۇيىمداسۋ بەلگىلەرى بويىنشا اجىراتا بىلگەن ءجون.ەكى جانە ودان دا كوپ ادامنىڭ ءوزارا ۇزاق دايىندالۋىمەن نە قىلمىستىق ارەكەتتىڭ ورىندالۋىنىڭ كۇردەلىلىگىمەن ۇشتاسقان ءبىر نەمەسە بىرنەشە قىلمىستى جاساۋ ءۇشىن سالىستىرمالى تۇردە العاندا ۇزاق ۋاقىت بويى بىرىگۋى توپتىڭ تۇراقتىلىعىن ءبىلدىرۋى مۇمكىن. توپتىڭ ۇيىمداسۋى – بۇل توپقا قاتىسۋشىلاردىڭ ءبىر نەمەسە بىرنەشە ادامداردىڭ نۇسقاۋلارىنا باعىنۋى, قىلمىستىق ماقساتتاردى جۇزەگە اسىرۋعا ۇيىمداسقان تۇردە قول جەتكىزۋگە ۇمتىلۋى.ادامدى ساۋداعا سالعان ۇيىمداسقان توپتىڭ ءاربىر قاتىسۋشىسىنىڭ ءىس-ارەكەتتەرى, ونىڭ رولىنە قاراماستان, قك-ءنىڭ 31-بابىنا سىلتەمە جاسالماي, قك-ءنىڭ 128-بابى ءتورتىنشى بولىگىنىڭ ا) تارماعى بويىنشا سارالانۋعا ءتيىس. بۇل رەتتە ۇيىمداسقان توپ قۇرۋ, سونداي-اق وعان باسشىلىق جاساۋ نەمەسە قاتىسۋ قك-ءنىڭ 235-بابىنىڭ ءتيىستى بولىكتەرى بويىنشا بولەك سارالانۋعا جاتادى.19. ابايسىزدا جابiرلەنۋشiنiڭ ولiمiنە نەمەسە وزگە دە اۋىر زارداپتارعا اكەپ سوققان ادامدى ساۋداعا سالۋ كىنانىڭ ەكى نىسانى بار قىلمىس جاساۋدى كوزدەيتىنىن ەسكەرۋ قاجەت. ابايسىزدان جابىرلەنۋشىنىڭ ولىمىنە نە وزگە دە اۋىر سالدارعا اكەپ سوققان, قك-ءنىڭ 128-بابىندا نەمەسە قك-ءنىڭ 133-بابىندا كوزدەلگەن ارەكەتتەردى جاساۋ قوسىمشا سارالاۋدى تالاپ ەتپەيدى.وزگە دە اۋىر زارداپتار دەپ پسيحيكالىق كۇيزەلىس جانە باسقا دا اۋىر سىرقاتتار تانىلۋى مۇمكىن. ەگەر جابىرلەنۋشىنى پايدالانۋ بارىسىندا وعان قاتىستى باسقا قاساقانا قىلمىستار جاسالسا (مىسالى: كىسى ءولتىرۋ, زورلاۋ, ايتۆ/جيتس-تى, ۆەنەرولوگيالىق اۋرۋلاردى جۇقتىرۋ, زاڭسىز ابورت جاساۋ جانە تاعى باسقالار), وندا جاسالعان ارەكەت قىلمىستار جيىنتىعى بويىنشا سارالاۋعا جاتادى.20. ادامدى پايدالانۋ ماقساتىندا ۇرلاۋ نەمەسە باس بوستاندىعىنان زاڭسىز ايىرۋ جانە ادام ساۋداسىنا بايلانىستى ودان كەيىنگى قىلمىستىق ارەكەتتەر قك-ءنىڭ 125-بابى ءۇشىنشى بولىگىنىڭ ب) تارماعى نەمەسە قك-ءنىڭ 126-بابى ءۇشىنشى بولىگىنىڭ ب) تارماعى بويىنشا جانە قك-ءنىڭ 128 نەمەسە 133-باپتارىنىڭ ءتيىستى بولىكتەرىمەن قىلمىستار جيىنتىعى بويىنشا سارالانۋعا جاتادى.21. قازاقستان رەسپۋبليكاسى كونستيتۋتسياسىنىڭ 4-بابىنا سايكەس, وسى نورماتيۆتىك قاۋلى قولدانىستاعى قۇقىق قۇرامىنا قوسىلادى, سونداي-اق جالپىعا بىردەي مىندەتتى بولىپ تابىلادى جانە رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىسوتىنىڭ توراعاسىب.بەكنازاروۆ. قازاقستان رەسپۋبليكاسىجوعارعى سوتىنىڭ سۋدياسى, جالپى وتىرىس حاتشىسىد. نۇرالين.