بۇل جونىندە قوستاناي وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ «حالىقتىڭ ۆاكتسينا-پروفيلاكتيكاسى تيىمدىلىگىن ارتتىرۋ بويىنشا قوسىمشا شارالار تۋرالى» دەگەن تاقىرىپتا وتكىزگەن بريفينگىندە ايتىلدى.
قوستاناي وبلىسى حالىقتىڭ تۋبەركۋلەزگە شالدىعۋدىڭ قاۋىپتى ايماقتا ورنالاسقان, سونىمەن قاتار, دەنساۋلىق ساقتاۋ مينيسترلىگىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ ورگاندارىنىڭ بىرلەسىپ جۇرگىزگەن جۇمىسى تۋبەركۋلەزبەن كۇرەستە بەلگىلى ءبىر تابىستارعا قول جەتكىزۋگە مۇمكىندىك بەردى.
«قوستاناي وبلىسىندا جىل سايىن تۋبەركۋلەزگە قارسى 11 مىڭنان استام جاڭا تۋعان نارەستە مەن 6-7 جاستاعى 6 مىڭنان استام بالا ۆاكتسيناتسيالانادى. يممۋنداۋدان كەيىن قولايسىز جاعدايلار تىركەلگەن جوق. تۋبەركۋلەزگە قارسى ۆاكتسيناتسيا بالالار اراسىندا تۋبەركۋلەزدى مەنينگيت جانە ديسسەمينيرلەنگەن تۋبەركۋلەز سياقتى وسى سىرقاتتىڭ اۋىر جاعدايلارىنىڭ دامۋىنا جول بەرمەيدى» دەدى قوستاناي وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى يۋري يۆانوۆيچ.
بۇل دەرەكتەر بالالاردى ۆاكتسيناتسيالاۋدى قوسا العاندا, تۋبەركۋلەز بويىنشا ەپيدەميولوگيالىق جاعدايدى تۇراقتاندىرۋدا جۇرگىزىلگەن شارالاردىڭ تيىمدىلىگىن راستايدى. سونىمەن قاتار, بريفينگتە رەسپۋبليكادا تۋبەركۋلەزگە قارسى ۆاكتسيناتسياعا (بتسج) قاتىستى قيىن جاعداي قالىپتاسىپ وتىرعانى دا ايتىلدى. سەبەبى ۆاكتسينانى 35 ەلدەن, ونىڭ ىشىندە قازاقستان رەسپۋبليكاسىنان "Japan BCG Laboratory" ءوندىرۋشى زاۋىتى (جاپونيا) كەرى قايتارىپ الدى. قازىرگى ۋاقىتتا قازاقستاندا تۋبەركۋلەزگە قارسى ۆاكتسيناتسيا ۋاقىتشا توقتاتىلدى.
قر دەنساۋلىق ساقتاۋ مينيسترلىگى «SERUM institute of INDIA» ء(ۇندىستان) ءوندىرىسىنىڭ,سونىمەن قاتار بدۇ ۇسىنىلعان بتسج ۆاكتسيناسىن ساتىپ الۋ جانە جەتكىزۋ مۇمكىندىگىن قاراستىرۋدا.
قوستاناي