سولتۇستىك قازاقستاننىڭ قىزىلجار اۋدانىنا 43 وتباسى كوشىپ كەلەدى

39 وتباسىعا جاڭا باسپانانىڭ كىلتى ۇسىنىلىپ, 10 اۋىلعا ورنىعاتىن بولادى. ولارعا ءۇي  5 جىلعا جالعا بەرىلىپ, ودان كەيىن جەكە مەنشىككە راسىمدەپ الۋ قۇقىعى قاراستىرىلعان.

ارحان ەلدى مەكەنىندە 3 ءۇي تۇرعىزىلىپ, قۇرىلىسى  اياقتالۋعا جاقىن.  بولمەلەر كەڭ. جالپى اۋماعى 113 شارشى مەتردى قۇرايدى. «وماروۆا» جك-ءنىڭ پرورابى جۇلدىز كاكاشيننىڭ ايتۋىنا قاراعاندا جۇمىسقا جەرگىلىكتى ادامدار تارتىلىپ, اۋلانى اباتتاندىرۋعا كىرىسكەن.

«187 ادام  تۇركىستان, جامبىل, قىزىلوردا, الماتى وبلىستارىنان جانە نۇر-سۇلتان قالاسىنان كەلەدى. 4 وتباسى ورنالاستى. قۇرىلىس جۇمىستارىنا  14 سەرىكتەستىك جۇمىلدىرىلعان», دەيدى اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىس جانار اقىلبەكوۆا.

بۇل ماقسات ءۇشىن قازىنادان 273 ملن تەڭگە  بولىنگەن. 11 ءۇيدى ساتىپ الۋعا كونكۋرس جاريالانىپ, مەملەكەت مەنشىگىنە وتكىزىلەدى.

وتباسىنىڭ ءار مۇشەسىنە  88 مىڭ تەڭگە مولشەرىندە بىررەتتىك وتەماقى تولەنەدى. بۇگىندە اۋداندا 134 بوس جۇمىس ورنى بار.

كەلەسى جىلى دا وسىنشا وتباسىعا ارناپ باسپانالار سالىناتىن بولادى.

سولتۇستىك قازاقستان وبلىسى