سارسەنبى, 27 ناۋرىز 2013 2:17
ەلباسى نۇرسۇلتان نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋى – بولاشاقتىڭ بەرىك نەگىزىن قالاعان, ناقتى ماقسات پەن مەجەنى ايقىنداعان تاريحي ماڭىزدى قۇجات. مەملەكەت باسشىسى ءوزىنىڭ حالىققا ارناعان ءداستۇرلى جولداۋلارىندا ايماقتاردىڭ دامۋىنا بايلانىستى وڭىرلەردى دامىتۋدىڭ باسىم مىندەتتەرىن تۇجىرىمداپ, بۇل ماسەلەگە بايلانىستى نەگىزگى باعىتتاردى بەلگىلەپ بەردى.
سارسەنبى, 27 ناۋرىز 2013 2:17
ەلباسى نۇرسۇلتان نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋى – بولاشاقتىڭ بەرىك نەگىزىن قالاعان, ناقتى ماقسات پەن مەجەنى ايقىنداعان تاريحي ماڭىزدى قۇجات. مەملەكەت باسشىسى ءوزىنىڭ حالىققا ارناعان ءداستۇرلى جولداۋلارىندا ايماقتاردىڭ دامۋىنا بايلانىستى وڭىرلەردى دامىتۋدىڭ باسىم مىندەتتەرىن تۇجىرىمداپ, بۇل ماسەلەگە بايلانىستى نەگىزگى باعىتتاردى بەلگىلەپ بەردى.
پرەزيدەنت «قازاقستان-2050» ستراتەگياسىنىڭ دا نەگىزگى قاعيدالارىن اتاپ كورسەتىپ, ونى شەشۋدىڭ جولدارىن ايقىندادى. ەلباسى «ءبىز اكىمشىل‑امىرشىل جۇيەنى باسقارۋ داستۇرلەرىنەن تۇبەگەيلى باس تارتىپ, باسقارۋشىلاردىڭ زاماناۋي ءارى ءتيىمدى كورپۋسىن قۇرۋعا ءتيىسپىز.كادرلاردى ىرىكتەۋ مەن جوعارىلاتۋدىڭ بارلىق ازاماتتار تەڭ قۇقىقتار مەن مۇمكىندىكتەرگە يە بولاتىن ءبىز جاساعان جۇيەسى مەملەكەتتىك اپپارات قىزمەتىنىڭ كاسىبيلىگى مەن اشىقتىعىنىڭ بارىنشا جوعارى دەڭگەيىن قامتاماسىز ەتەدى», دەپ اتاپ ايتتى.
ستراتەگياداعى باسىم باعىتتىڭ ءبىرى – اكىمشىلىك رەفورمالاردى ىسكە اسىرۋ ارقىلى وزىق باسقارۋ شەشىمدەرىن قابىلداۋ. مۇندا كوزدەلگەن باستى ماقسات – مەملەكەتتىك قىزمەت كورسەتۋ ساپاسىنىڭ قولجەتىمدىلىگىن ارتتىرۋ جانە ازاماتتاردىڭ مەملەكەتتىك بيلىك ينستيتۋتتارىنا سەنىمىن ودان ءارى نىعايتۋ. سونىڭ ناتيجەسىندە ەلىمىزدە 26 ناۋرىزدان باستاپ ءتيىستى زاڭعا ەنگىزىلگەن وزگەرىستەر مەن تولىقتىرۋلار كۇشىنە ەندى. ەندىگى ۋاقىتتا مەملەكەتتىك قىزمەتشىلەر ساناتىنا بۇرىن مەملەكەتتىك باسقارۋ جۇيەسىندە بولماعان «ا» كورپۋسى قوسىلادى. بۇل ساناتتاعىلار مەملەكەتتىك تىلدە تەست تاپسىرادى, كادر ساياساتى جونىندەگى ۇلتتىق كوميسسيانىڭ الدىندا اڭگىمەلەسۋدەن وتەدى.
ءبىزدىڭ الدىمىزدا قازىر جاۋاپتى مىندەت تۇر. مەملەكەتتىك ءتىلدى جەتىك مەڭگەرۋمەن قاتار, زاڭداردى تەرەڭ ءتۇسىنۋ, تۇرعىندار الدىندا ەلباسى تاپسىرماسىن ورىنداۋ جونىندەگى مىندەتتەردى جەتكىزۋ دە ىسكەرلىك پەن ىلكىمدىلىككە بايلانىستى ەكەنى بەلگىلى ءجايت. وسىنداي جاۋاپكەرشىلىك جۇگىن ارقالاعاندا عانا مەملەكەتتىك قىزمەتكەرلەردىڭ بىلىكتىلىگى ارتتىرىلىپ, سول ارقىلى قىزمەت ساپاسى كۇشەيتىلەدى. كادرلارعا قاتاڭ تالاپ قويۋ, الدا تۇرعان ماقساتتى ورىنداۋداعى بەلسەندىلىك پەن بەيىمدىلىكتى تالاپ ەتۋ دە قاجەت.
زايسان اۋدانىندا ەلباسى جولداۋىن ورىنداۋ جولىندا اۋقىمدى دا باعدارلى جۇمىستار ءجۇرىپ جاتىر. بۇل وڭىردە قازبا بايلىقتارىنىڭ كوپ ءتۇرى بار. كومىردى يگەرە باستاعانىمىزعا 20 جىل. بيىلدان باستاپ اۋدان تۇرعىندارى جەرگىلىكتى جەردىڭ «كوگىلدىر وتىنىن» تۇتىنا باستاماق. مۇنايدىڭ دا مول قورى بار, ونى حالىق يگىلىگىنە جاراتۋ جۇمىستارى جالعاسۋدا. 19 ەلدى مەكەن گازدىڭ يگىلىگىن كورمەك.ەلىمىزدە بيىل ىسكە اسىرىلاتىن باستى جاڭالىقتىڭ ءبىرى – جەرگىلىكتى ءوزىن-ءوزى باسقارۋدا اۋىل اكىمدەرىنىڭ سايلانۋى. الداعى ۋاقىتتا اۋىل اكىمدەرىنىڭ اپپاراتىن كەڭەيتۋ ماسەلەسى ىسكە اسىرىلىپ, ولارعا جاڭا مىندەتتەر جۇكتەلەدى. «مەملەكەتتىك قىزمەت تۋرالى» زاڭداعى وزگەرىستەر ناتيجەسىندە وسى سالاداعى رەفورمالار ەلىمىزدە مەملەكەتتىك قىزمەتتىڭ الەم بويىنشا ەڭ وزىق جۇيەسىن قالىپتاستىرادى, اكىمشىلىك باسقارۋدىڭ, مەملەكەتتىك قىزمەتتىڭ جاڭاشا ۇلگىسى ىسكە اسىرىلادى.
سەرىك زاينۋلدين,
شىعىس قازاقستان وبلىسىنداعى
زايسان اۋدانىنىڭ اكىمى.