«نۇرلى جەر» باعدارلاماسى بويىنشا پاتەرلەر قولجەتىمدى بولدى. مەملەكەتتىك تۇرعىن ءۇي باعدارلاماسىن ىسكە اسىرۋ باستالعاننان بەرى «قازاقستاننىڭ تۇرعىن ءۇي قۇرىلىس جيناق بانكىنىڭ» سەمەي قالاسىنداعى فيليالى جالپى قۇنى 4 018,1 ملن.تەڭگە بولاتىن 28,7 مىڭ شارشى مەترگە, 486 پاتەرلىك 8 تۇرعىن ءۇيدى سالۋ جانە ىسكە اسىرۋ بويىنشا ىنتىماقتاستىق تۋرالى كەلىسىمگە قول قويدى. بۇل تۋرالى «قازاقستاننىڭ تۇرعىن ءۇي قۇرىلىس جيناق بانكىندەگى» بيزنەستى دامىتۋ ءبولىمىنىڭ باستىعى ايبەك جارىلعاپوۆ قاراعايلى شاعىن اۋدانىندا ارنايى ۇيىمداستىرىلعان ءباسپاسوز تۋرىندا حابارلادى. ءباسپاسوز تۋرى تۇرعىن ۇيلەردى ارالاۋمەن باستالدى.
«قازاقستاننىڭ تۇرعىن ءۇي قۇرىلىس جيناق بانكىنىڭ» ماماندارى مەملەكەتتىك جانە جەكە باعدارلامالار شەڭبەرىندە نارىقتىق باعادان الدەقايدا تومەن باعامەن ساتىلاتىن پاتەرلەردى جۋرناليستەرگە جانە بلوگەرلەرگە تانىستىردى. قالا ماڭىنداعى مۇمكىندىگى مول شاعىن اۋدان بولىپ سانالاتىن قاراعايلىدا الداعى ۋاقىتتا كوپتەگەن نىساندار بوي كوتەرمەكشى.
«نۇرلى جەر» باعدارلاماسى بويىنشا نەسيەلىك تۇرعىن ءۇي قۇرىلىسىنىڭ ءبىر شارشى مەترى 140 مىڭ تەڭگە, وسى باعدارلاما اياسىنداعى «بايتەرەك دەۆەلوپمەنت» اق نەسيەلىك تۇرعىن ءۇيى 147 مىڭ تەڭگە, ال ء«وز ءۇيىم» باعدارلاماسى بويىنشا 1 شارشى مەتر ءۇشىن 165 مىڭ تەڭگە دەپ بەلگىلەنگەن.
قر ۇەم ستاتيستيكا كوميتەتىنىڭ مالىمەتىنە سۇيەنسەك, سەمەي قالاسىندا 2019 جىلدىڭ شىلدە ايى بويىنشا جاڭا تۇرعىن ءۇيدىڭ ورتاشا باعاسى 1 شارشى مەتر ءۇشىن 204,7 مىڭ تەڭگەنى قۇرايدى ەكەن. سونىمەن قاتار, قۇرىلىس سالۋشىلارعا قۇرىلىس ساپاسى بويىنشا تالاپتار جوعارى بولىپ تابىلادى. «قازاقستاننىڭ تۇرعىن ءۇي قۇرىلىس جيناق بانكى» ارقىلى پاتەرلەردى يپوتەكا ارقىلى ءتيىمدى شارتتارمەن ساتىپ الۋعا ابدەن بولادى.
- قۇرىلىس اياقتالعان سوڭ سالىنعان بارلىق ۇيلەر ەكى جىل بويى ءبىزدىڭ قاراۋىمىزدا, ياعني كەپىلدىككە الىنعان. ءبىز ءبىرىنشى كەزەكتە قۇرىلىس سالۋشى رەتىندە, قالا تۇرعىندارىنا ءبىزدىڭ پاتەرلەرىمىزدىڭ جايلى بولۋىنا, وندا جاقسى ءومىر سۇرۋىنە مۇددەلىمىز. قۇرىلىس جۇمىستارىن جۇرگىزۋ كەزىندە ءبىز بارلىق تەحنولوگيالىق رەگلامەنتتەر مەن ۇردىستەردى قاتاڭ ساقتايمىز. ارقاشان اشىق جانە قولجەتىمدى تۇردە تۇرعىندار تاراپىنان قويىلعان بارلىق سۇراقتارعا تەز جاۋاپ بەرۋگە دايىنبىز. ءبىزدىڭ كومپانيا 2003 جىلدان باستاپ جۇمىس ىستەيدى. ال 2015 جىلدان باستاپ حالىقتى قولجەتىمدى تۇرعىن ۇيمەن قامتاماسىز ەتۋ بويىنشا مەملەكەتتىك باعدارلامالارعا بەلسەندى قاتىسۋدا,-دەدى «ۆوستوك-ستروي» كومپانياسى» جشس ديرەكتورى ادىلەت بورداتقان.
بۇگىنگى كۇنى 2019 جىلى سەمەي قالاسىنداعى بانك فيليالى 228 پاتەردى, ونىڭ ىشىندە مەملەكەتتىك باعدارلامالار شەڭبەرىندە 192 پاتەردى جانە مەنشىكتى باعدارلامالار شەڭبەرىندە 36 پاتەردى ساتۋدى جوسپارلاپ وتىر.
قالا تۇرعىندارى «نۇرلى جەر» باعدارلاماسىنا وراي بانكتىڭ بەس ءتۇرلى باعدارلاماسىنا قاتىسا الادى ەكەن. شقو ايماقتىق, «نەسيەلىك تۇرعىن ءۇي قۇرىلىسى», «بايتەرەك دەۆەلوپمەنت» نەسيەلىك تۇرعىن ءۇيى جانە «باقىتتى وتباسى» مەن بانكتىڭ ء«وز ءۇيىم» باعدارلامالارى.
«نەسيەلىك تۇرعىن ءۇي قۇرىلىسى» باعىتى بويىنشا قاتىسۋعا ءوتىنىم بەرۋ ساتىندە مەنشىگىندە جىلجىمايتىن مۇلكى جوق ازاماتتار ۇمىتكەر بولا الادى. بۇندا باستاپقى جارنانى 20% مولشەرىندە جينايدى. بۇل رەتتە جاقىندا عانا, ايماق تۇرعىندارى ءۇشىن وڭىردە تۇراقتى تىركەۋدە بولۋى جانە سوڭعى بەس جىلدا جىلجىمايتىن م ۇلىكتى يەلەنۋى ءتيىس دەگەن تالاپتار مۇلدە الىنىپ تاستالدى.
ء«وز ءۇيىم» باعدارلاماسى بويىنشا بانك سالىمشىلارى تۇرعىن ءۇي قۇنىنىڭ 20% مولشەرىندە باستاپقى جارنانى جيناي وتىرىپ, پاتەرلەردى ساتىپ الا الادى ەكەن. قارىز بويىنشا سىياقى مولشەرلەمەسى جىلدىق 7% قۇرايدى (ودان ءارى 4,5-5% دەيىن تومەندەتۋمەن).
- ء«وز ءۇيىم» باعدارلاماسى اياسىندا بانك فيليالى جاقىندا جالپى كولەمى 147 پاتەر مەن 8 675,1 شارشى مەترلىك ءۇش تۇرعىن ءۇيدى سالۋ جانە ساتۋ بويىنشا ىنتىماقتاستىق تۋرالى كەلىسىمگە قول قويدى,-دەيدى بانك قىزمەتكەرلەرى.
بانك حالىقتىڭ الەۋمەتتىك وسال توپتارىنا ارنالعان ارنايى باعدارلامالاردى بەلسەندى تۇردە ىسكە اسىرۋدا. قازىرگى ۋاقىتتا «باقىتتى وتباسى» باعدارلاماسى بويىنشا وتىنىمدەر قابىلداۋ قارقىندى جۇرۋدە. وسى باعدارلاما شەڭبەرىندە قارىز سوماسىنان 10% مولشەرىندە باستاپقى جارنانى جيناقتاپ, جىلدىق 2% مولشەرلەمە بويىنشا 19 جىلعا دەيىنگى مەرزىمگە قارىز الۋعا بولادى.
باعدارلاما بويىنشا پاتەرلەردى باستاپقى نارىقتا دا, قايتالاما تۇرعىن ءۇي نارىعىندا دا ساتىپ الۋعا بولادى. باعدارلامانى جۇزەگە اسىرۋ باستالعاننان بەرى 168 ملن تەڭگە سوماسىنا وتىنىمدەر ماقۇلدانىپ, سونىمەن قاتار 634 ملن تەڭگەگە 75 ءوتىنىم بەرىلدى. بارلىق ىسكە اسىرىلاتىن نىساندار تۋرالى baspana.kz سايتى ارقىلى بىلۋگە بولادى ەكەن.
سونداي-اق سەمەي قالاسى اقپاراتتىق ورتالىعىنىڭ مالىمەتىنشە تقجب سالىمشىلارى «نۇرلى جەر» باعدارلاماسى بويىنشا بانكتىڭ hcsbk.kz نەمەسە baspana.kz پورتالدارىنا كىرىپ ۇناعان پاتەرىن تاڭداي الادى.
– بۇگىنگى تاڭدا تۇرعىن ءۇي قۇرىلىس جيناق بانكىنىڭ ونىمدەرى مەن باعدارلامالارى تۇرعىن ءۇي نارىعىندا قولجەتىمدى, سوندىقتان ولار حالىق اراسىندا وتە سۇرانىسقا يە. كۇن سايىن ءبىزدىڭ قالادا تۇرعىن ءۇي قۇرىلىس جيناق بانكىنىڭ 50 جاڭا سالىمشىلارى پايدا بولادى. وسى جىلدىڭ باسىنان باستاپ ءبىز 1 101 نەسيە بەردىك. بۇل ساندار – ەلدەگى ەڭ باستى الەۋمەتتىك ماسەلەنى ءتيىمدى شەشۋدىڭ ايقىن كورىنىسى, – دەپ ءتۇسىندىردى ايبەك جارلىعاپوۆ.
ايبەك جارىلعاپوۆ «باقىتتى وتباسى» باعدارلاماسىنىڭ جۇزەگە اسىرىلۋ بارىسى تۋرالى اتاپ ءوتتى. جاقىندا وسى باعدارلاما اياسىندا سەمەي قالاسىنىڭ تۇرعىنى لاۋرا تۇردينا جاڭا قونىسقا يە بولعان. ول «تولىق ەمەس وتباسى» ساناتى بويىنشا تۇرعىن ءۇي ساتىپ الدى. قازىرگى ۋاقىتتا قالادا 100-گە جۋىق ءوتىنىش بەرىلىپ, ونىڭ 27-ءىسى وڭ شەشىم الىپتى. بۇل باعدارلاما باقىتقا باستايتىن جول ەكەندىگىن اڭعارتادى.
سەمەي