اتى الەمگە ايگىلى بولعان سەمەي سىناق پوليگونىن زەرتتەۋ ءۇشىن يتاليادان پەرپاولو ميتتيكا مەن الەسساندرو تەسسەي ەسىمدى جۋرناليستەر ارنايى كەلدى. ولار ۇزاق جىلداردان بەرى قاراي يادرولىق پوليگوندى زەرتتەۋمەن اينالىسادى ەكەن.
جۇمىس ىستەگەن جىلدارى زەرتتەۋشىلەر فۋكۋسيما مەن چەرنوبىل قالالارىندا دا بولعان. ولاردىڭ ايتۋىنشا, تابيعاتقا جانە جەرگىلىكتى حالىققا ۇزاق جىلدار بويىنا ورنى تولماس زيان كەلتىرگەن سەمەي يادرولىق پوليگونى دا نازاردان تىس قالعان جوق.
- ءبىز قازاقستانعا ساياحاتتاۋشى رەتىندە ەمەس, جۇمىس ىستەۋ ءۇشىن كەلدىك. بۇگىن بىز بىردەن بالالار ۇيىنە باردىق. دامۋىندا اۋىتقۋلارى بار بالالاردى كورۋ ءبىز ءۇشىن وتە قيىن بولدى. پوليگونمەن بولعان بارلىق جاعداي وسى ەلگە, ءوڭىر تۇرعىندارىنا قاتتى اسەر ەتكەن. ءبىز ءۇشىن وسىنداي ادامدارمەن جۇمىس ىستەۋ وتە قيىن,-دەيدى فوتوگراف-جۋرناليست پەرپاولو ميتتيكا.
سەمەي قالاسىنىڭ اقپاراتتىق ورتالىعىنىڭ مالىمەتىنشە, بۇگىنگى تاڭدا يتاليالىقتار ءوز ەلىنە وسىنداي پوليگوننىڭ زاردابىن تارتقان حالىقتىڭ قالى قانداي ەكەنىن يتاليا كورەرمەندەرىنە جەتكىزگىسى كەلەدى ەكەن.
سەمەي