پرەمەر-ءمينيسترى اسقار مامين تۇركىستان وبلىسىنا جۇمىس ساپارى كەزىندە ارىس قالاسىنداعى تۇرعىن ءۇي سەكتورىنىڭ, ءبىلىم بەرۋ جانە دەنساۋلىق ساقتاۋ نىساندارىنىڭ قالپىنا كەلتىرىلۋ, سونداي-اق تۇركىستان قالاسىنداعى اكىمشىلىك, تاريحي-مادەني, الەۋمەتتىك عيماراتتاردىڭ سالىنۋ بارىسىن تەكسەردى.
قر تۇڭعىش پرەزيدەنتى – ەلباسى ن. نازارباەۆ جانە مەملەكەت باسشىسى ق. توقاەۆ ارىس قالاسىن تولىق قالپىنا كەلتىرۋگە جانە قالانىڭ تۇراقتى تىرشىلىگىن قامتاماسىز ەتۋگە ەرەكشە كوڭىل بولەدى.
ارىس قالاسىندا جالپى ۇيلەر سانى 8 637, ونىڭ ىشىندە 7 166 تۇرعىن ءۇي جوندەۋدى قاجەت ەتتى. قازىرگى كەزدە جۇمىستاردىڭ 97,4% اياقتالدى. 433 تۇرعىن ءۇي قايتا سالىنۋدا. نىسانداردا 163 قۇرىلىس كومپانياسى, 6 مىڭنان اسا جۇمىسشى مەن 286 بىرلىك قۇرىلىس تەحنيكاسى تارتىلعان.
قالاداعى شاعىن جانە ورتا بيزنەس نىساندارىن ارالاۋ كەزىندە ۇكىمەت باسشىسىنا 536 كاسىپكەرلىك قىزمەت سۋبەكتىسىنەن 509-ى قالپىنا كەلتىرۋدى قاجەت ەتەتىنى تۋرالى اقپارات بەرىلدى. قازىردىڭ وزىندە 316 بيزنەس نىسانى جۇمىس ىستەي باستادى.
قر پرەمەر-ءمينيسترى اسقار مامين ستاديونعا, اۋرۋحاناعا, مەكتەپكە بارىپ, جوندەۋ جۇمىستارىنىڭ بارىسىمەن تانىستى.
سونىمەن قاتار جەرگىلىكتى ماڭىزى بار تاريحي جانە ساۋلەت ەسكەرتكىشى بولىپ تابىلاتىن «ارىس-1» تەمىرجول ۆوكزالى ارالاندى. قر پرەزيدەنتىنىڭ تاپسىرماسى بويىنشا ۇكىمەت قۇرامىنا عالىمدار, رەستاۆراتورلار, تاريحشىلار, مادەنيەت جانە سپورت مينيسترلىگىنىڭ, تۇركىستان وبلىسى اكىمدىگىنىڭ وكىلدەرى كىرگەن كوميسسيا قۇردى. كوميسسيا قورىتىندىسىنا سايكەس, ارىس قالاسىنىڭ ۆوكزالىن قالپىنا كەلتىرۋ بويىنشا «سامۇرىق-قازىنا» قورى جۇزەگە اسىرىپ جاتقان جۇمىستار ونىڭ تاريحي-ارحيتەكتۋرالىق قۇندىلىعىن جويمايدى. قر پرەمەر-مينيسترىنە ۆوكزالدى قالپىنا كەلتىرۋ كەلەسى اپتانىڭ سوڭىنا دەيىن اياقتالاتىنى تۋرالى باياندالدى.
ارىس قالاسىندا بارلىعى 66 الەۋمەتتىك نىسان بار, ونىڭ 62-ءسى كۇردەلى جوندەۋدەن وتكىزىلۋى كەرەك, ال 4-ءۋى تولىق قالپىنا كەلتىرىلۋى ءتيىس. قازىر 45 نىساندا جۇمىستار اياقتالدى.
اسقار مامين سونداي-اق ارىس قالاسىندا تۇرعىن ۇيلەرى تولىق بۇزىلعان 100 وتباسىعا ارنالعان 52 قوس پاتەرلى كوتتەدجدەن تۇراتىن جاڭا ىقشاماۋداننىڭ سالىنۋ بارىسىن كوردى.
«بارلىق جۇمىستاردى بەلگىلەنگەن مەرزىمدە اياقتاپ, تۇرعىندار ءۇشىن بارلىق جاعدايلاردى جاساۋ كەرەك», - دەپ ا. مامين تۇرعىن ۇيلەردى سالۋ ساپاسىن باقىلاۋدى كۇشەيتۋدى تاپسىردى.
تۇركىستان قالاسىندا قر پرەمەر-ءمينيسترى جاڭا اۆتوۆوكزالدىڭ اشىلۋ راسىمىنە قاتىستى, ونىڭ وتكىزۋ قابىلەتى تاۋلىگىنە ءتۇرلى باعىتتار بويىنشا 600-گە جۋىق اۆتوبۋستى قۇرايدى. ۆوكزال تاۋلىگىنە 10 مىڭ جولاۋشىعا دەيىن قىزمەت كورسەتەتىن بولادى دەپ كۇتىلۋدە. اۆتوۆوكزال وبلىس ورتالىعىنداعى كولىك اعىنىن وڭتايلاندىرۋ جانە ەكولوگيالىق احۋالدى جاقسارتۋ ءۇشىن سالىنعان.
قر ۇكىمەتىنىڭ باسشىسىنا اكىمشىلىك, الەۋمەتتىك, تاريحي-مادەني نىسانداردىڭ سالىنۋ بارىسى تۋرالى باياندالدى. اسقار مامين وقۋشىلار سارايىنا بارىپ, وبلىس اكىمدىگى, مەديا ورتالىق, كونگرەسس-حولل عيماراتتارىنىڭ, «نۇر-سۇلتان» الاڭى, تۇڭعىش پرەزيدەنت ساياباعىنىڭ, وليمپيادالىق رەزەرۆتەگى سپورت مەكتەبىنىڭ, مۋزىكا مەكتەبىنىڭ, باسسەينى بار وقۋشىلار سارايىنىڭ, نەكە سارايىنىڭ, قازاق دراما تەاترى, حالىققا قىزمەت كورسەتۋ ورتالىعىنىڭ, سونداي-اق اتتراكتسيوندارى بار قالالىق ساياباقتىڭ, مۋزىكالىق فونتان مەن امفيتەاتردىڭ عيماراتتارىن كوردى.
قر پرەمەر-ءمينيسترى سونىمەن قاتار سالىنىپ جاتقان تاريحي مادەني ورتالىقتىڭ, « ۇلى دالا ەلى» ورتالىعىنىڭ, ق.ا. ياسساۋي مۋزەيىنىڭ, ۇلى جىبەك جولى قولونەرشىلەرىنىڭ ۇلتتىق ورتالىعى عيماراتىنىڭ, ۆيزيت ورتالىعىنىڭ, شىعىس مونشاسىنىڭ, وبلىستىق عىلىمي-امبەباپ كىتاپحانانىڭ قۇرىلىس الاڭىن ارالاپ كوردى