«سامۇرىق-ەنەرگو» قىتاي بانكىنە قارىزىنان قۇتىلدى

وسىلايشا, «سامۇرىق-ەنەر­گوعا» نەسيەلىك پورتفە­لىندەگى ۆاليۋ­تالىق قارىزدارىنىڭ ۇلەسىن 17%-دان 3%-عا دەيىن ازايتىپ, حولدينگتىڭ قارجىلىق كورسەتكىشتەرىنە ۆاليۋتا كۋرسى قۇبىلۋىنىڭ تەرىس اسەرىن ازايتۋعا مۇمكىندىك تۋدى. ۆاليۋتالىق قارىزدى مەرزىمىنەن بۇرىن وتەۋ ەكونوميكانى دول­لار­سىزداندىرۋعا, سىرتقى كۆازي­مەملەكەتتىك قارىزدىڭ دەڭگەيىن ازايتۋعا جانە ۇلتتىق كومپانيالار اكتيۆتەرىنىڭ قۇنىن ۇلعايتۋعا ىقپال ەتتى.

«سونىمەن قاتار «سامۇرىق-قازىنا» اق-نىڭ 50 ملن اقش دوللارى كولەمىندەگى كورپوراتيۆتىك كەپىلدىگىنىڭ كۇشىن جويۋعا, سول ارقىلى اكتسيونەردىڭ شارتتى تۇردەگى مىندەتتەمەلەرىنىڭ سوماسىن تومەندەتۋگە مۇمكىندىك بەردى», دەدى «سامۇرىق-ەنەرگو» اق قازىناشىلىق جانە كورپوراتيۆتىك قارجى دەپارتامەنتىنىڭ ديرەكتورى سەرگەي لي. ونىڭ ايتۋىنشا, وتاندىق قور نارىعىنىڭ دامۋىن قولداۋ ماقساتىندا ۆاليۋ­تالىق قارىزدى وتەۋگە كەرەكتى قارا­جات احقو حالىقارالىق قور بير­جاسىنىڭ الاڭىنا تارتىلعان.

ەستەرىڭىزگە سالا كەتەيىك, قۋاتى 300 مۆت بولاتىن, و.قان­تاەۆ اتىن­داعى مويناق سەس-ءى 2012 جىلى پاي­دا­لا­نۋعا بەرىلگەن-ءدى. ول الماتى وبلىسى رايىمبەك اۋدا­نىنداعى شارىن وزەنىندە ورنالاسقان. جوبا الماتى, جام­بىل, قىزىلوردا جانە تۇركىستان وبلىستارىندا ەلەكتر ەنەر­گياسىنىڭ تاپشىلىعىن ازاي­تۋعا ۇلەس قوسىپ كەلە­دى. ستان­سا قۇرىلىسىن قىتايدىڭ مەملە­كەتتىك دامۋ بانكى مەن قازاق­ستان­نىڭ دامۋ بانكى بىرلەسىپ قارجى­لاندىر­عان ەدى.

«ستانسانىڭ جابدىعى پاي­دا­لا­نۋعا بەرىلگەنىنە 7 جىل ءوت­تى. جوبا ءساتتى ىسكە اسىرىلدى دەپ سەنىممەن ايتا الامىز. قى­­تايدىڭ مەملەكەتتىك دامۋ بانكى «سامۇرىق-ەنەرگو» توبى­نىڭ قا­رىزدى قايتا قارجىلان­دىرۋ جو­نىندەگى باستاماسىنا تولىق قولداۋ ءبىلدىردى. ءبىز «سامۇ­رىق-ەنەرگو» اق-ىن قازاق­ستانداعى سەنىمدى سەرىكتەستەرى­مىزدىڭ ءبىرى دەپ بىلەمىز جانە ىنتى­ماق­تاستىعىمىز ودان ءارى جالعاسا­دى دەپ ۇمىتتەنەمىز», دەدى ءباس­پاسوز كونفە­رەن­تسياسىندا قىتايدىڭ مەملەكەتتىك دامۋ بانكىنىڭ قازاق­ستانداعى وكىلدىگىنىڭ نارىقتى زەرتتەۋ جانە بيزنەستى دامىتۋ دەپارتامەنتىنىڭ باس مەنەدجەرى فان سياوحۋەي.

2016 جىلدان باستاپ «سامۇ­رىق-ەنەرگو» اق كرەديتتىك پورت­فە­لىندەگى ۆاليۋتالىق قارىزدارىنىڭ ۇلەسىن بەلسەندى تۇردە ازايتىپ كەلەدى. 2017-2018 جىلدارى توپتىڭ نەسيە پورتفەلىندەگى شەتەل ۆاليۋتاسىمەن الىنعان قارىزى 65%-دان 17%-عا دەيىن ازايتىلدى.

بۇگىنگى تاڭدا «سامۇرىق-ەنەرگو» اق ستانساسىنىڭ ەكىنشى كرەديتورى – «قازاقستاننىڭ دامۋ بانكى» اق-مەن ىنتىماقتاستىعىن جالعاستىرىپ كەلەدى. ۆاليۋتالىق قۇبىلۋعا ۇشىراۋىن ودان ءارى تومەندەتۋ ماقساتىندا قارىزدىڭ ءبىر بولىگىن اقش دوللارىنان تەڭگەگە كونۆەرتاتسيالاۋ جونىندەگى كەلىسىمگە قول جەتكىزىلدى. مامىلە اياقتالۋىنىڭ قورىتىندىسى بويىنشا, ۆاليۋتالىق مىندەتتەمەلەردىڭ ۇلەسى 3%-دان 1,6%-عا تومەندەيدى, سونداي-اق قامتاماسىز ەتۋ بازاسىنان مويناق سۋ ەلەكتر ستانساسىنىڭ نەگىزگى اكتيۆتەرى بوساتىلادى.