جۇما, 4 قاڭتار 2013 7:41
ۇلى مۇراتتارعا باستاعان ۇزاق مەرزىمدى «قازاقستان-2050» ستراتەگياسىندا الداعى 38 جىلدا اتقاراتىن ءىس-جوسپار ناقتى بەلگىلەنگەن. جولداۋداعى ءار ەتنوس ءوز ءتىلىن, مادەنيەتى مەن ءداستۇرىن جالعاستىرا بەرۋى ءتيىس. وعان ەشكىم توسقاۋىل قويا المايدى دەگەن سوزدە كوپ ءمان بار. سونداي-اق, جولداۋداعى داعدارىسقا قارسى تويتارىس بەرۋ, ەكونوميكانى ارتتىرۋ ءۇشىن كاسىپورىنداردىڭ ىزدەنىس پەن ىلكىمدىلىك تانىتۋى, شيكىزات باعاسىنىڭ قۇلدىراۋى كەزىندە بارىنشا ۇنەممەن جۇمىس ىستەۋ جايلى ايتىلعان سوزدەر ماڭىزدى ءارى ءماندى.
جۇما, 4 قاڭتار 2013 7:41
ۇلى مۇراتتارعا باستاعان ۇزاق مەرزىمدى «قازاقستان-2050» ستراتەگياسىندا الداعى 38 جىلدا اتقاراتىن ءىس-جوسپار ناقتى بەلگىلەنگەن. جولداۋداعى ءار ەتنوس ءوز ءتىلىن, مادەنيەتى مەن ءداستۇرىن جالعاستىرا بەرۋى ءتيىس. وعان ەشكىم توسقاۋىل قويا المايدى دەگەن سوزدە كوپ ءمان بار. سونداي-اق, جولداۋداعى داعدارىسقا قارسى تويتارىس بەرۋ, ەكونوميكانى ارتتىرۋ ءۇشىن كاسىپورىنداردىڭ ىزدەنىس پەن ىلكىمدىلىك تانىتۋى, شيكىزات باعاسىنىڭ قۇلدىراۋى كەزىندە بارىنشا ۇنەممەن جۇمىس ىستەۋ جايلى ايتىلعان سوزدەر ماڭىزدى ءارى ءماندى.
ەندى ءوز جۇمىسىمىز جايلى بىرەر ءسوز.الەمنىڭ قاي ەلىندە بولسىن, ەگەمەندىككە قول جەتكىزگەننەن كەيىن جوقتايتىن, تۇگەندەيتىن ۇلتتىق قۇندىلىقتارىنىڭ بولۋى زاڭدى ءۇردىس. وسى تاريحي تاعىلىمنىڭ باستاۋىندا ازاماتتىق قوعام ينستيتۋتتارى وكىلدەرىنىڭ زيالى قاۋىمى تۇرادى. وسىنداي زيالى توپ 2000 جىلدىڭ باسىندا شىعىس قازاقستان وبلىسىندا قۇرىلدى. ءبىزدىڭ الدىمىزدا كەشەگى كەڭەستىك سانادان ارىلۋ, ەگەمەن ەلىمىزدىڭ الدىڭعى پارىزى مەن قارىزىن وتەرلىك شىعىس وڭىرىندە پەرزەنتتەر تاربيەلەۋ, مەملەكەتتىك تىلگە وسقىرىنا قاراعان ورتانىڭ نازارىنا جول تابۋ مىندەتتەرى تۇردى. وسكەمەن قالاسىنداعى ۇلتجاندى ازاماتتار «التىن ارقاۋ» قوعامدىق بىرلەستىگىنىڭ نەگىزىن قالادى. جىلدار وتە كەلە ونىڭ قۇرامىنا وبلىستىڭ جوعارى وقۋ ورىندارى عالىمدارى, وبلىستىق اقساقالدار القاسى كەڭەسىنىڭ مۇشەلەرى, مەملەكەتتىك ءتىل جاناشىرلارى بىرىكتىرىلىپ, قوعامدىق نەگىزدە جۇمىس اتقارىپ كەلدى. قازىر قوعامدىق بىرلەستىك مۇشەلەرىنىڭ سانى 127 ادامعا جەتتى. ولار سوڭعى ون جىل بويى شىعىس ءوڭىرى حالقىنىڭ بىرلىگى مەن كەلىسىمى, ۇلتىمىزدىڭ ءتىلىن, مادەنيەتى مەن سالت ءداستۇرىن دامىتۋ مەن قالىپتاستىرۋعا بەلسەنە قاتىسىپ كەلەدى.
«التىن ارقاۋ» قب باستاماشى بولىپ, وبلىستىق دوستىق ءۇيى ەتنومادەني وكىلدەرى اراسىندا قازاق حالقىنىڭ ءۇش بايتەرەگى –تولە بي, قازبەك بي, ايتەكە بي دانالىعىن ۇلتتىق تاربيە تاعىلىمىنا, ۇلتارالىق كەلىسىم مەن بىرلىكتىڭ ناسيحاتتاۋ وزەگىنە اينالدىرىپ كەلەدى. ءسويتىپ, قالالىق, اۋداندىق, وبلىستىق ساحنالاردا ءۇش بايتەرەك كەلبەتى ەتنوۇلت وكىلدەرى ۇيىمداستىرعان شارالارداعى اتالى سوزگە, ۇلتتىق مازمۇنعا جول اشتى.
شىعىس قازاقستان وبلىسى بويىنشا 1937-1938 جىلدارى جازىقسىز جازالانعان 4000-نان استام جەرلەستەرىمىزدىڭ دەرەكتەرى جيناقتالعان «ازالى كىتاپ» بىرلەستىكتىڭ باستاماسىمەن مەملەكەتتىك تىلدە جارىق كوردى.
2000 جىلدان باستاپ «التىن ارقاۋ» قوعامدىق بىرلەستىگى 40-تان استام وبلىس مەكتەپتەرى مەن ەلدى مەكەندەرىنىڭ تاريحي اتىن قايتارۋ قۇجاتتارىن جاساۋعا قاتىستى, زەرتتەدى. وبلىستا جاڭا اتاۋعا يە بولعان «اتىعاي اسۋى», «ايىرتاۋ» اۋىلى, «رايىمبەك مارسەكوۆ» اتىنا مەكتەپ بەرۋ, وسكەمەن قالاسىندا قاسىم قايسەنوۆكە ەسكەرتكىش ورناتۋ, تاعى باسقا كەلەلى ۇسىنىستار –«التىن ارقاۋ» قوعامدىق بىرلەستىگى مۇشەلەرىنىڭ باستاماسى. الداعى ۋاقىتتا تاۆريا, گلۋبوكوە شەمونايحا, ەلدى مەكەندەرىنىڭ تاريحي اتاۋلارىن زەرتتەۋ شارالارى ويلاستىرىلىپ وتىر.
ەلباسى حالىققا ءوزىنىڭ كەزەكتى جولداۋىن ارناعان كەزەڭگە دە كەلىپ جەتتىك. بيلىك پەن حالىقتىڭ وسىنداي جاقىن ىنتىماقتى كەزىندە مەملەكەت قۇراۋشى ۇلتتىڭ ويداعى ىنتالى ءسوزىن ايتۋدىڭ رەتى كەلىپ تۇر. ەندى وسى ۋاقىتقا دەيىنگى كەم-كەتىك ىستەرىمىزدى تۇگەندەپ الۋعا, جىبەرىلگەن ولقىلىقتاردىڭ ورنىن تولتىرۋعا جول اشىلماقتىعى انىق. قازاق حالقىنىڭ وزەگى بولىپ تابىلاتىن اۋىل ومىرىنە بايلانىستى قولعا الىناتىن شارالار ءبارىمىزدىڭ ەڭسەمىزدى كوتەرىپ, ويىمىزعا سەرپىلىس بەرگەندەي.
مەملەكەتتىك ءتىل ساياساتىنىڭ مارتەبەسى ۇلتتىق ساناعا جاڭا لەپ بەرەدى دەگەن ويدامىز. وسى ۇردىسپەن ونىڭ ۇستەمدىگىنە ۇلەس قوسۋ مىندەتى الدىمىزدا تۇر. بيلىك مەملەكەتتىك ورگاندار, حالىق قالاۋلىلارى – دەپۋتاتتار بۇل ىستە باستاماشىل بولادى, وعان ازاماتتىق قوعام ينستيتۋتتارىنىڭ وكىلدەرى ىقپال ەتەدى دەگەن ءۇمىت زور.
شىعىس قازاقستان وبلىسىنىڭ حالقى ەلباسى جولداۋىنا نازار تىگىپ وتىر. ويتكەنى, ونىڭ ماقساتى – تاۋەلسىز ەلىمىزدىڭ بولاشاعىن كەمەلدى ەتە ءتۇسۋ. «التىن ارقاۋ» قب مۇشەلەرى ەلباسى ساياساتىنىڭ بولاشاعىنا تولىق سەنەدى. وعان ۇلەس قوسۋدى ازاماتتىق, پەرزەنتتىك پارىزىمىز دەپ بىلەمىز.
ساعىنبەك اقانوۆ,
«التىن ارقاۋ» قوعامدىق
بىرلەستىگىنىڭ ديرەكتورى.
وسكەمەن.