قۇجاتقا سايكەس تاراپتار «تسيفرلىق قازاقستان» مەملەكەتتىك باعدارلاماسىن جانە مۇناي-گاز يندۋسترياسىندا تسيفرلاندىرۋدى دامىتۋدىڭ بۇدان كەيىنگى بارىسىن ىسكە اسىرۋدا مەملەكەتتىك ورگاندار مەن باسقا ۇيىمدارعا جاردەمدەسۋگە نيەتتەندى.
ىنتىماقتاستىق شەڭبەرىندە تسيفرلاندىرۋ ماسەلەلەرى بويىنشا كەڭەس بەرۋ, «توتال» كومپانياسىنىڭ تاجىريبەسىن نەگىزگە الا وتىرىپ, تسيفرلاندىرۋ جوبالارىن ىسكە اسىرۋ, دەرەكتەردى باسقارۋ ءىسىن جاقسارتۋ, كادر دايىنداۋ مەن ولاردىڭ بىلىكتىلىگىن ارتتىرۋدا قولداۋ كورسەتۋ, ءبىلىم بەرۋ باستامالارىن ىلگەرىلەتۋ جانە ت.ب. ءىس-شارالار جوسپارلانۋدا.
- توتال الەمدەگى ەڭ ءىرى مۇناي-گاز كومپانيالارىنىڭ العاشقى وندىعىنا كىرەدى. سوندىقتان ونىڭ مۇناي-گاز سالاسىن تسيفرلاندىرۋ جانە وزىق تەحنولوگيالاردى قولداۋ ماسەلەلەرىندەگى تاجىريبەسى قازاقستانعا وپەراتسيالىق قىزمەتتىڭ تيىمدىلىگىن ارتتىرۋ جانە مۇناي-گاز اكتيۆتەرىنىڭ كورسەتكىشتەرىن جوعارىلاتۋ ماقساتىندا جۇمىستى جۇرگىزۋدىڭ ۇزدىك ۇلگىلەرىن ۇيرەنۋگە مۇمكىندىك بەرەدى. مەموراندۋم ەكى كومپانيانىڭ اراسىنداعى ىنتىماقتاستىقتى نىعايتىپ قانا قويماي, ونىڭ اۋقىمىن ەداۋىر كەڭەيتە تۇسەدى, دەپ اتاپ ءوتتى قمگ باسقارما توراعاسىنىڭ ءوندىرىس جونىندەگى ورىنباسارى جاقىپ ماراباەۆ.
ماڭعىستاۋ وبلىسى