«مەملەكەت باسشىسىنىڭ تاپسىرماسىنا سايكەس, جوبانى وڭتايلاندىرۋ جۇمىستارى جۇرگىزىلدى. ۇكىمەت تاراپىنان قىتاي دامۋ بانكىنىڭ قارىزىنان باس تارتۋ بويىنشا شەشىم قابىلداندى. بۇل 800 ملن اقش دوللارىن نەمەسە 300 ملرد تەڭگەدەن استام سومادا قارىزعا كەتەتىن شىعىستار بولىگىندە رەسپۋبليكالىق بيۋدجەتكە تۇسەتىن قارجىلىق سالماقتى ازايتۋعا مۇمكىندىك بەردى. سونىمەن بىرگە, ينۆەستورلارمەن كەلىسسوزدەر جۇرىگىزىلىپ, قازاقستاننىڭ ەكىنشى دەڭگەيلى بانكتەرىمەن, قارجى ينستيتۋتتارىمەن وبليگاتسيالاردى ورنالاستىرۋ شارتى قاراستىرىلدى. بۇدان بولەك, قىتاي تاراپىنان كەلىسىمشارت قۇنىنا سالىقتى قوسۋ تۋرالى كەللىسسوزدەردى باستادىق, بۇل شارا جوبا بويىنشا شىعىنداردى 200 ملن دوللارعا ازايتۋعا جول اشادى», دەدى ا. كولگىنوۆ.
استانا بانكىنە اۋدارىلعان $258 ملن كولەمىندەگى قاراجات نۇر-سۇلتان اكىمدىگىنە جوبانى ودان ءارى جۇزەگە اسىرۋعا قايتارىلاتىنى بەلگىلى بولدى.
جيىندا 18 ستانسانىڭ 7 ايالداماسىن قىسقارتۋ ماسەلەسى قاراستىرىلىپ وتىرعانىن جانە ءجۇرۋ ينتەرۆالى 3 مينۋتتان 10 مينۋتقا دەيىن وزگەرتىلەتىنى ايتىلدى. بۇل ەلوردانىڭ قوعامدىق كولىگىن دامىتۋعا ۇلەس قوسادى.